Beoogde Opgradering van PPC se Bestaande

More documents

Recommendations

Info

Beoogde Opgradering van PPC se Bestaande Sementvervaardigingsaanleg en Verwante Werksaamhede, Riebeek-Wes, Wes-Kaap: Konsep Omgewingsinvloedbepalingsverslag UITVOERENDE OPSOMMING 70) Indien Vlakkerug-alternatief V1 of V3 gemagtig word, moet die proklamasie van Sekondêre Pad 346 hersien word, en moet die toepaslike proklamasieproses uitgevoer word om die beplande storting van afvalrots te akkommodeer. 71) PPC moet jaarliks (in samewerking met die Swartland Munisipaliteit) ŉ padveiligheidbewusmakingsinisiatief in die Riebeekvallei koördineer en finansier. 72) Enige nuwe padtekens wat as gevolg van die aanbevelings in hierdie verslag aangebring moet word, moet deur PPC voorsien word. Visuele impak Bedryfsfase: 73) ŉ Voldoeningsoudit moet elke vyf jaar uitgevoer word totdat die afvalrotshope voltooi is. Hierdie voldoeningsoudit moet deur ŉ toepaslik-gekwalifiseerde visuele praktisyn uitgevoer word om te bepaal of die geometrie van die storting en die rehabilitasie daarvan ooreenstem met die voorgestelde planne. 74) PPC moet ŉ streng minimum-beligtingbeleid vir alle fases van die projek instel. 75) Die bogrond wat vir elke afvalrotshoop bekom word, moet op ŉ geskikte plek buite sig van die R311 / Ongegund / Pulpit Rock-reseptors gehou word. 76) Alle afvalrotshope moet gelyktydig gerehabiliteer word deur die toemaak daarvan met bogrond en die gevolglike rehabilitasie van die wal se aansig sodra dit verhoog is. Mitigasiemaatreëls vir die beoogde konstruksie- en bedryfsfases van die SVA: 77) Die Delectus SVA moet herontwerp word om ŉ meer golwende landskap op die kruin daarvan te skep, en die keëlvormige fatsoen aan die noordekant moet verlaag word met beter kurwes en vorms sodat dit beter by die aangrensende landskap inskakel. 78) Die dienste van ŉ gekwalifiseerde landskapsargitek moet bekom word om die huidige R311wal te verander sodat dit op ŉ aaneenlopende wyse by wal van die nuwe/ beoogde afvalrotshoop inskakel. 79) ŉ 3 m-hoë wal moet aanvanklik by die onderpunt van die beoogde stortingsterrein, langs die R311, gebou word om die eerste konstruksiebedrywighede en gepaardgaande impakte van die storting van afvalrots te verberg. 80) Die afvalrotshoop moet vlaksgewys hoër gemaak word, en elke vlak moet eers aan die kant van die R311 verhoog word om die verdere invulling te verberg. 81) Die wal moet volgens die voorgestelde 1: 7-helling gefatsoeneer word en in die lengte met bogrond bedek word om die visuele impak van die liggekleurde afvalrots te verminder. Mitigasiemaatreëls vir die beoogde konstruksie- en bedryfsfases van die Suidelike SVA: 82) Die Suidelike SVA moet oor die hele lengte met 15 meter verlaag word sodat dit maksimum 245 m bgsv is. 83) ŉ 5 m-hoë wal moet aanvanklik aan die buitekant van die afvalrotsshoop gebou word (beginnende by die onderpunt van die hoop) om die eerste konstruksiebedrywighede en gepaardgaande impakte van die storting van afvalrots te verberg. Dit moet in ŉ 1: 7-helling gefatsoeneer word en dan met bogrond bedek en onmiddellik met inheemse /fynbostipe plantegroei gerehabiliteer word. 84) „n Trapsgewyse konstruksieproses moet gevolg word deur elke keer „n klein wal op die buitekant van die hoop te gooi (teen die geskikte 1:7-helling) sodat die konstruksiebedrywighede nie vir sensitiewe reseptors sigbaar is nie. 32
Beoogde Opgradering van PPC se Bestaande Sementvervaardigingsaanleg en Verwante Werksaamhede, Riebeek-Wes, Wes-Kaap: Konsep Omgewingsinvloedbepalingsverslag UITVOERENDE OPSOMMING Impak op die ekonomie 85) PPC se bestaande databasis van moontlike plaaslike verskaffers moet elke 2 jaar opgedateer word en plaaslike sub-kontrakteurs moet, waar moontlik, gebruik word. AANBEVELINGS Heelwat van die impakte wat hierbo gelys is, kan verlaag word deur die toepassing van verskillende mitigasiemaatreëls. ŉ Omvattende reeks mitigasiemaatreëls is in die verslag uiteengesit en in Hoofstuk 8 van die Konsep OIBV opgeneem. Artikel 31(2)(n) van Regulasie 543 van die OIB-regulasies vereis dat die OBP sy/haar opinie moet uitspreek oor of die bedrywigheid gemagtig behoort te word, of nie. Dit moet gedoen word met inagneming van die WNOB se Beginsels vir Volhoubaarheid, asook die DOS&OB se vrae oor die behoefte en wenslikheid daarvan. OBP SE AANBEVELING Die impakte van die beoogde opgraderingsprojek word op twee afsonderlike vlakke gevoel, naamlik op plaaslike en op streeksvlak. PPC se opgraderingsprojek het heelwat plaaslike impakte (beide biofisies en maatskaplik) wat ŉ negatiewe invloed op die Riebeekvallei het. Die betekenisvolheid van hierdie impakte, SONDER MITIGASIE, strek van „hoog‟ tot „baie laag‟ betekenisvol. Die betekenisvolheid van al die negatiewe impakte word egter verlaag met die implementering van die reeks aanbevole mitigasiemaatreëls (verwys na Hoofstuk 8 van die Konsep OIBV). Met die toepassing van mitigasiemaatreëls vir die beoogde opgradering, tesame met opsie V3 vir die storting van afvalrots, kan die negatiewe impakte van „medium‟ tot „neutraal‟ betekenisvol verlaag word. Die mees betekenisvolle agterblywende negatiewe impakte hou verband met die gevoel van plek, die visuele aansig, oppervlaktebronne en landelike flora. Die projek het egter ook ŉ aantal positiewe impakte, waarvan die impak op die ekonomie op plaaslike en streeksvlak (en indirek die hele land) die mees betekenisvolle is. Die ekonomie van die Wes-Kaap, die Swartlandgebied en die Riebeekvallei sal voordeel trek uit hierdie kapitaalinspuiting. Die voorsiening in die behoefte van die aanvraag na sement word ook as ŉ strategiese imperatief beskou indien Suid-Afrika sy ekonomiese groeidoelwitte wil behaal. Op grond van die bevindinge in die verslag is die OBP van mening van mening dat die aansoek vir die beoogde opgradering van die sementvervaardigingsaanleg en verwante infrastruktuur gemagtig moet word aangesien die inkrementele voordele wat dit die streek bied van groter belang is as die plaaslike negatiewe impakte. Die volhoubaarheid van die beoogde ontwikkeling voldoen ook aan die beginsels van die WNOB. Die betekenisvolheid van meeste impakte kan met mitigasie verlaag word, en die positiewe impakte verbeter word. Volgens die bepaling wat uitgevoer is, is dit duidelik dat die beoogde opgradering met die Vlakkerug Stortingsterrein vir Afvalrots Opsie V3 uit ŉ omgewingsoogpunt die voorkeuropsie is, en verskeie van die deskundiges het dieselfde mening gelug. Indien gemagtig, moet die toepassing van die mitigasiemaatreëls wat in Hoofstuk 8 gelys is, as ŉ voorwaarde vir goedkeuring ingesluit word. 33
Page 1 and 2: OMGEWINGSINVLOEDBEPALINGSPROSES VIR
Page 3 and 4: Beoogde Opgradering van PPC se Best
Page 9 and 10: DIENSTE Beoogde Opgradering van PPC
Page 23 and 24: Figuur 10: Bestaande uitsig vanaf K
Page 31: Beoogde Opgradering van PPC se Best

Beoogde Opgradering van PPC se Bestaande

You also want an ePaper? Increase the reach of your titles

Delete template?

Save as template?