Beoogde Opgradering van PPC se Bestaande

Beoogde Opgradering van PPC se Bestaande Sementvervaardigingsaanleg en Verwante Werksaamhede, Riebeek-Wes, Wes-Kaap:
Konsep Omgewingsinvloedbepalingsverslag UITVOERENDE OPSOMMING
Varswater akwatika
8) Waar die hidrologie, waterkanaal, rivierbedding of oewereienskappe van ʼn akwatiese stelsel
betekenisvol verander word, moet die dienste van ʼn akwatiese ekoloog tydens die detailontwerpfase
bekom word om elemente van die akwatiese ekologie te hervestig sodat die
akwatiese ekologie kan bly voorbestaan en, waar haalbaar, die toestand van die rivier kan
verbeter.
9) ʼn Akwatiese ekoloog moet aangestel word voordat daar met enige akwatiese konstruksieverwante
bedrywighede begin word. Die persoon moet seker maak dat daar aan die ontwerpaspekte
van die akwatiese ekologie voldoen word, asook die vereistes van die betrokke
Omgewingsbestuursplan.
10) Indien enige riviere herlei word, moet PPC met die DWW in gesprek tree rakende die
moontlikheid om vleilande te herskep ter vervanging van enige verlore werking (veral in terme
van die verbetering in die hoeveelheid en kwaliteit van stormwater). Dit sal die kwaliteit van
water vir die omgewing stroomaf beskerm.
11) ʼn Geteikende moniteringsprogram moet ontwerp word voordat daar met konstruksie begin
word. Dit moet ten minste 3 maande voor enige stroomveranderings ingestel word sodat daar
„n basis is om die reikwydte en omvang van die vernaamste waterparameters teen „n geskikte
resolusie te bepaal, en dus die waterkwaliteit van die omgewing te bepaal.
Nywerheidserfenis
12) Die twee volumes van ou swart-en-wit foto‟s wat die konstruksie van die aanleg dokumenteer,
moet teen hoë resolusie gedigitaliseer en digitaal bewaar word.
13) Die ingenieursketse van die oorspronklike aanleg moet ook behoorlik bewaar en geberg word.
14) Daar word aanbeveel dat ʼn professionele video-fotograaf aangestel word om die huidige
prosesse en strukture van die aanleg te dokumenteer voordat enige buitediensstelling, sloping of
opgradering plaasvind.
Impak op maatskaplike toestande
15) PPC moet ʼn beleid van “plaaslik eerste” toepas – veral vir laaggeskoolde werkgeleenthede. Dit
moet ook op alle kontrakteurmaatskappye van toepassing gemaak word.
16) PPC moet, ten minste 3 maande voor die aanvang van enige konstruksiebedrywighede, ʼn
Werwing/ Arbeidstoonbank vir die konstruksiefase oopmaak. Sulke arbeidskantore moet in
Riebeek-Wes, Riebeek Kasteel, Malmesbury en Moorreesburg gevestig word sodat
werksoekers op die databasis kan registreer.
17) Die keuringsproses vir die aanstel van arbeiders moet geslagsgelykheid bevorder en, waar
moontlik, vroue aan te stel.
18) Plaaswerkers wat aansoek doen vir konstruksie-verwante werk moet in kennis gestel word dat
hierdie werk tydelik van aard is.
19) PPC moet ʼn Gemeenskapsmoniteringsforum (GMF) vir die konstruksiefase saamstel. Die
hoofdoel van die GMF is om die belange van aangrensende eienaars te beskerm, sowel as die
inwoners van die dorpe in die Riebeekvallei en Ongegund.
20) PPC moet, in konsultasie met verteenwoordigers van die GMF en die plaaslike owerheid, ʼn
gedragskode vir die konstruksiefase saamstel. Hierdie gedragskode moet duidelik
konstruksiewerkers se nie-toelaatbare gedrag en bedrywighede uitstippel. Dissiplinêre stappe
(soos in die gedragskode uiteengesit) moet geneem word teen enige konstruksiewerker wat
27