Beoogde Opgradering van PPC se Bestaande

Beoogde Opgradering van PPC se Bestaande Sementvervaardigingsaanleg en Verwante Werksaamhede, Riebeek-Wes, Wes-Kaap:
Konsep Omgewingsinvloedbepalingsverslag UITVOERENDE OPSOMMING
Tabel 1: Bron/ opvanggebied vir konstruksiewerkers
Waarskynlike herkoms van werkers
(persentasie)
Hoogs- Geskool Laaggeskooldvaardig
Verwagte persentasie vanaf die Riebeekvallei 5% 15% 25%
Verwagte persentasie vanaf omliggende
Swartlandgebied
25% 40% 60%
Verwagte persentasie vanaf die res van die Wes-Kaap 55% 40% 15%
Verwagte persentasie vanaf die res van Suid-Afrika 15% 5% 0%
Abnormale swaarvoertuie sal hulle vrag vanaf die hawe by Saldanha via Moorreesburg vervoer. Die
verwagte roete is die N7 na Moorreesburg en dan suid op die R311 na PPC Riebeeck. Die
padowerhede het egter die regsbevoegdheid op sodanige vrag en sal die roete bepaal op grond van die
drakapasiteit van die pad, hoogte van brûe, en die verwagte ontwrigting van verkeer. Daar sal
ongeveer 15 sulke abnormale vragte tydens die konstruksiefase wees, maar dit mag dalk meer wees –
afhangende van wie die verskaffers van die toerusting is.
Buitediensstelling van bestaande infrastruktuur
PPC het aangedui dat die buitediensstellingsfase ongeveer agt maande sal duur, en wel vanaf maand
19 van die konstruksietydperk tot wanneer die nuwe toerusting in diens gestel word. Soos die geval
by ander van PPC se opgegradeerde aanlegte, sal PPC sover as moontlik uitgediende toerusting
hergebruik en herwin.
Bestaande oondlyne (RK1 en RK2): RK1 en RK2 sal nie tydens die indiensstellingsfase in bedryf
wees nie omdat die toerusting vir die bedryf van die aanleg van die nuwe oondlyn gebruik moet maak.
As gevolg van hierdie tegniese en bedryfsuitdagings, sal die bestaande aanleg afgesluit word (vir so ʼn
kort tydperk as moontlik) voordat die nuwe oondlyn in werking tree. Bestaande aanleg-infrastruktuur
wat vervang sal word, sal buite diens gestel en van die terrein verwyder word. RK1 en RK2 sal
afgebreek en as skroot verkoop word.
Bestaande 76 m skoorstene: Aangesien die nuwe oond oor ʼn multi-stadium sikloon-voorverhitter en
rooster-verkoeler sal beskik, sal die bestaande twee skoorstene gesloop word. Dit sal plaasvind nadat
die nuwe oondlyn in werking gestel is. Aangesien ʼn deel van die bestaande skoorstene asbestose
bevat, sal hierdie gevaarhoudende stof weggedoen word soos wetlik voorgeskryf 3 en, indien so vereis,
voor die sloping daarvan verwyder word. Die sement in die skoorstene sal verkieslik vergruis en in
die konstruksie of sementvervaardigingsproses hergebruik word.
Buitediensstelling van die opgegradeerde aanleg in 2045: As gevolg van die onsekerheid oor die
omgewingsvereistes oor 30 jaar (wanneer die huidige aanleg buite diens gestel sal word) is hierdie
aspek nie as deel van hierdie OIB-proses beoordeel nie. Die omgewingswetgewing wat dan van krag
is, sal by die buiediensstelling en afbreek van die aanleg nagevolg moet word.
3 Regulasies vir Asbestose , 2001 (GK. 155) van die Wet op Beroepsgesondheid en Veiligheid (Nr. 85
van 1993)
8