Beoogde Opgradering van PPC se Bestaande

Beoogde Opgradering van PPC se Bestaande Sementvervaardigingsaanleg en Verwante Werksaamhede, Riebeek-Wes, Wes-Kaap:
Konsep Omgewingsinvloedbepalingsverslag UITVOERENDE OPSOMMING
33) Installeer ononderbroke waterdatalesers op die moniteringsboorgate.
34) Monitor en maak aantekeninge van die volume grondwater wat uit die steengroef gepomp
word.
35) Stel ʼn moniteringsnetwerk en protokol (watervlakke en kwaliteit) op vir bestaande boorgate,
nuwe boorgate en fonteine.
36) Doen verdere toetslopies op die numeriese model (met hersiene akwifeer-parameters en
opgedateerde grondwatervlakke) sodra die parameters met meer as 20% verskil van dit wat in
die oorspronklike monitering gebruik is, sodat die bestuur van die hulpbron daarvolgens
aangepas kan word.
37) Indien die bedryf van PPC Riebeeck tot gevolg het dat die grondwaterbronne van omliggende
wettige watergebruikers opdroog of die waterkwaliteit daarvan verswak, moet toepaslike
mitigasiemaatreëls (in samewerking met grondwaterdeskundiges) ingestel word. Dit kan
insluit:
o Om die boorgate van geaffekteerde partye dieper te boor – tot ʼn diepte van 150
meter;
o Bykomende boorgate te boor;
o Water vanaf die steengroef per pypleiding aan hulle te verskaf; of
o Partye met aanvaarbare water vanaf ʼn munisipale bron te voorsien.
38) Ondersoek jaarliks die moontlikheid om water vanaf die steengroef te hergebruik, en pas enige
lewensvatbare oplossing toe.
Impak op omliggende lugkwaliteit
39) ʼn Lugbesoedeling-kontrolestelsel (LBKB) moet in plek wees voordat die nuwe opgegradeerde
aanleg in diens gestel word. Die LBKB moet die volgende omvattende inligting insluit (maar
nie slegs hiertoe beperk word nie):
a) Metodes om besoedeling te beheer;
b) Moniteringskedule, metodes en protokols;
c) Monitering vir die volgende omliggende besoedelingstowwe:
o Stofneerslae (elke 1 km langs die grensdraad van die aanleg).
o Stof (PM10) wat ingeasem kan word.
o Meteorologiese monitering.
d) ʼn Deurlopende Vrystelling-moniteringstelsel (DVMS) word aanbeveel om
stofvrystellings, swaeldioksied en stikstofdioksied by die skoorsteen vir die nuwe oonde
en die rou-meule te monitor. ʼn DVMS word ook voorgestel om vrystellings uit die
skoorsteen vir die roosterverkoeler te monitor. Die DVMS moet die volgende bevat:
o Onderhoudsprogram;
o Twee kalibrasietoeste volgens die handleidings van die verskaffers; en
o Twee vir elk van die skoorstene deur van isokinetiese metodes gebruik te maak;
o Die toetse kan na een keer per jaar verminder word indien twee agtereenvolgende
toetse laag is.
e) Prestasie-aanwysers moet gekies word wat beide die direkte bron van die vrystelling en
die impak daarvan op die ontvangende omgewing aandui.
f) Rapporteringskedule, formaat en protokol; en
g) Skakeling met die publiek/ gemeenskap.
40) Die DVMS moet geïmplementeer en ten minste elke twee jaar deur PPC hersien word om te
bepaal of veranderinge op grond van die moniteringsresultate aangebring moet word.
29