Beoogde Opgradering van PPC se Bestaande

Beoogde Opgradering van PPC se Bestaande Sementvervaardigingsaanleg en Verwante Werksaamhede, Riebeek-Wes, Wes-Kaap:
Konsep Omgewingsinvloedbepalingsverslag UITVOERENDE OPSOMMING
Konstruksiefase
Behalwe vir die moontlike maatskaplike impak wat verband hou met die toename in
konstruksiewerkers, word daar gereken dat geen van die impakte tydens die konstruksiefase ʼn hoogs
betekenisvolle impak op die (biofisiese en maatskaplike) omgewing sal hê nie. Dit is hoofsaaklik
gegrond op die kort tydsduur en plaaslike omvang daarvan. Die volgende impakte is as toepaslik op
die konstruksiefase geïdentifiseer:
Algemene impakte tydens die konstruksiefase, insluitende:
o Impak op bestaande infrastruktuur en munisipale dienste
o Rommel/ afvalbesoedeling
o Stoor en gebruik van gevaarhoudende stowwe op terrein; en
o Sekuriteitsrisiko‟s
Impak van stof op lugkwaliteit (windverwaaide stof, wielsleuring ens);
Impak van geraas tydens konstruksie (konstruksievoertuie ens);
Impak van toename in padverkeer en die vervoer van swaar vrag;
Maatskaplike impak (misdaad, gesondheid, dienste ens);
Impak op die ekonomie (werkgeleenthede, toename in kleinhandelverkope ens);
Impak op toerisme.
Dit is duidelik dat sommige van die mees betekenisvolle moontlike negatiewe impakte van die
konstruksiefase sosio-ekonomies van aard is en verband hou met die invloei van konstruksiewerkers
en werksoekers. Die mees betekenisvolle positiewe impak het betrekking op die ekonomiese
voordeel verbonde aan ʼn groter koopkrag in die gebied. ʼn Arbeidstoonbank en toepaslike
Arbeidsbestuurstrategie wat verseker dat plaaslike inwoners van die Riebeekvallei en omliggende
gebiede voorkeur-aanstelling geniet, is egter krities noodsaaklik om die maatskaplike impak (die
instroom van konstruksiewerkers en ander werksoeker) teen te werk.
Omgewingsbestuur
Daar is ʼn raamwerk vir ʼn Omgewingsbestuursplan (OBPL) en ʼn Konstruksie-OBPL (KOBPL) waarin
die nodige mitigasiemaatreëls deeglik uiteengesit word, asook wie vir hierdie aksies (wat tydens die
konstruksie en bedryf toegepas moet word) verantwoordelik is. Die doel van hierdie
Omgewingsbestuursplanne is om die negatiewe impakte op die biofisiese en maatskaplike omgewing
te voorkom/ te minimaliseer.
Bedryfsfase
Impak van die beoogde opgradering op die omliggende lugkwaliteit
Die 40% verhoging in die aanleg se produksievermoë (tot 800 ton klinker/jaar) beteken dat meer
besoedelende stowwe via die lug vrygestel sal word. Dit sluit in gasagtige vrystellings en partikels
wat deur die lug versprei word, soos stikstofoksides, swaeldioksied, koolstofmonoksied, en vlugtige
samestellings. As gevolg van hierdie vrystellings vanaf die beoogde opgradering, is tegnologieë
voorgestel om die vrylatings te verminder. Dit sluit in sakfilters vir die roumeule- en
sementmeulestelsels en ʼn elektrostatiese presipiteerder (ESP) vir die skoonmaak van die verkoeler se
uitlaatgasse. Ten spyte van die toename in produksie, sal die besoedelingstowwe wat in die
19