Beoogde Opgradering van PPC se Bestaande

Beoogde Opgradering van PPC se Bestaande Sementvervaardigingsaanleg en Verwante Werksaamhede, Riebeek-Wes, Wes-Kaap:
Konsep Omgewingsinvloedbepalingsverslag UITVOERENDE OPSOMMING
lugkwaliteitstudie beoordeel is nie enige van die DOS se boperke en standaarde oorskry nie.
Aangesien die standaarde na 2015 verskerp sal word, is die 2015-boperke in die beoordeling gebruik.
Die geskatte vrystellingsvlakke vanaf die beoogde opgradering sal ook voldoen aan die minimum
vrystellingstandaard vir ʼn sub-kategorie 5.4 LVL – wat voorsiening maak vir die gebruik van OSK,
slak en vlieg-as in die sementvervaardigingsproses. Hierdie sub-kategorie vereis egter die strengste
voorwaardes en monitering van elke toepaslike regskategorie wat op die vervaardiging van sement
betrekking het. Die belangrikste impakte van die „geen-ontwikkeling‟-alternatief is die
waarskynlikheid dat die oorskrydings in lugkwaliteit mettertyd sal toeneem – soos tans die geval is
omdat PPC Riebeeck nie aan die huidige standaarde vir lugvrystellings kan voldoen nie. Indien die
aanleg nie opgegradeer word nie, sal tegniese probleme na verwagting toeneem, en sal daar moontlik
afsluitings (en gevolglike aanskakelingsperiodes) voorkom, wat meer lugbesoedeling veroorsaak as
tydens normale bedryfstoestande. PPC het aangedui dat sementvervaardiging onontbeerlik vir hulle
besigheid is, en die aanleg dus so lank as moontlik in bedryf sal bly.
Impak van die beoogde opgradering op stof
Die vlak van lugverspreide partikelstof (PM10) in die omgewing van PPC sal toeneem as gevolg van
die beoogde opgradering van die bestaande aanleg, die toename in mynboubedrywighede, die
gepaardgaande verhoogde tempo in die storting van afvalrots, en die toename in voertuigverkeer. Met
inagneming van die geskatte konsentrasie agtergrond-partikels (hoofsaaklik as gevolg van omliggende
landboubedrywighede) bestaan die moontlikheid dat die DOS se daaglikse en jaarlikse gemiddelde op
winderige dae buite die PPC-aanleg oorskry kan word. Die waarskynlikheid van hierdie oorskryding
a.g.v. die kumulatiewe effek van ander bronne van stof in die omgewing, word as hoog beskou.
Die impak van die beoogde opgradering op wêreldwye klimaatsverandering
Die toename in produksievermoë by PPC se sementvervaardigingsaanleg sal tot gevolg hê dat meer
kweekhuisgasse in die atmosfeer vrygestel word. Alhoewel minder kweekhuisgasse per ton klinker
vrygestel sal word, sal die verhoogde produksie wel die kweekhuiseffek op ʼn streeks-, nasionale en
internasionale vererger.
Impak op omringende geraasvlakke
Daar is bevind dat die storting van afvalrots ʼn geringe toename in geraasvlakke in die omgewing van
Ongegund tot gevolg sal hê: 3 dB(A) gedurende die dag en minder as 1 dB(A) saans. Die
geraasvlakke by die Vlakkerug plaasopstal neem toe vanaf 1 tot 5dB(A), afhangende van die
stortingscenario. Tydens die piek stortingsperiode is die beraamde toename saans vir Vlakkerug
alternatief 1: tussen 3 dB(A) en 5 dB(A); die beraamde toename saans vir Vlakkerug alternatief 2:
minder as 1 dB(A); en die beraamde toename saans vir Vlakkerug alternatief 3: tussen 1 dB(A) en 3
dB(A).
Na verwagting sal die bykomende spoorvervoer deur die dorpe in die Riebeekvallei tot gevolg hê dat
die geraasvlakke gedurende die dag binne ʼn 50 m-noue sone met 2 dB(A) sal verhoog, wat saans tot ʼn
340 m-wye sone sal strek. Gesien die feit dat PPC ʼn onderneming gegee het dat alle swaarvoertuie
(SVe) meer as die 2007-vlak van die R311 noord gebruik sal maak en nie deur die dorpe sal beweeg
nie, sal Riebeek-Wes en Riebeek Kasteel na verwagting geen toename in geraasvlakke vanaf PPCverwante
SVe ervaar nie. Die geraasimpak (gemodelleer op 2016 verkeersvlakke) van die
20