Udhëzues metodik Gjuha angleze 5, 8, 9 - Media Print

Ushtrimi IV, synon të ngulisë te nxënësi fjalinë mohore dhe përdorimin e
shkurtimeve. Fjalitë ilustrohen me 7 figura, nxënësi duhet t’i kthejë fjalitë dëftore në
mohore dhe t’i shkruajë ato poshtë secilës figurë.
Ushtrimi V, të 7 fjalitë dëftore që ilustrohen me figura duhet të kthehen në fjali
pyetëse sipas modelit të dhënë.
Në faqen 42, tek ushtrimi VI, nxënësi duhet të japë përgjigje të shkurtra tё tipit: “Yes, it is”.
Ushtrimi VII. Bën përsëritjen e fjalëve nëpërmjet figurave. Qëllimi i ushtrimit është të
ngulisë te nxënësi drejtshkrimin e fjalёve të anglishtes.
Revision II
Libri i nxёnёsit faqe 44-47
Ushtrimi I, faqe 44, dhe ushtrimi IV, faqe 45-46, duhet tё vihen nё skenё ose tё lexohen
me ritmin dhe intonacionin e duhur. Ushtrimi IV, do tё zhvillohet nё formё dialogu duke u
mbёshtetur te figurat ilustruese qё shoqёrojnё veprimet qё pёrmenden nё dialogjet.
Ushtrimi VIII, në faqen 43, zhvillon mendimin krijues të nxënësit. Me anën e katër
figurave ilustrohen 4 dialogë. Nxënësit pasi bëjnë zëvendësimet e duhura në vendet
bosh, lexojnë dialogët dhe pastaj fillojnë t’i “vënë ato në skenё.”
Përveç ushtrimeve te fletorja e punës, të cilat ngulisin njohuritë e fituara në librin e
nxënësit, atje ka një ushtrim që i jep dorë të lirë nxënësit. Nxënësi duhet ta plotësojë
listën në faqen 20, me fjalё dhe shprehje që ai ka mёsuar deri tani dhe t’i përkthejë ato
në gjuhën shqipe. Nxënësit mund të shkruajnë fjalë dhe shprehje të ndryshme nga
njëri tjetri, sipas vështirësive që kanë hasur. Mësuesi duhet të bëjë korrigjimin e
drejtshkrimit shqip, pasi nxënësit t’i kenë plotësuar listat.
Test 1
Pas pesë mësimeve mund të bëhet një: “Placement test”, për të parë ecurinë e çdo
nxënësi. Megjithatë kjo varet nga mësuesi, si ta gjykojë ai, duke pasur parasysh
gjithashtu nivelin e njohurive të përvetësuara deri tani nga nxënësi.
16