Udhëzues metodik Gjuha angleze 5, 8, 9 - Media Print

Unit 5
Mother Teresa
Faqe 23-28 libri i nxënësit dhe Faqe 19-22 fletore e punës (Workbook)
Mësimi fillon me kontrollin idividual dhe frontal të detyrës së shtëpisë. Kontrollohet
ushtrimi VI në faqen 18, të fletores së punës ose çdo ushtrim tjetër që mësuesi ka
dhënë si detyrë shtëpie. Rilexohet nga disa nxënës ushtrimi XII “Reading” në librin e
nxënësit, faqe 21. Për të vlerësuar lexim-kuptimin e copës, mësuesi i drejton klasës të
shtatë pyetjet kuptimore në fund të ushtrimit XII. Si kontroll individual i dijes mund të
pyetet edhe ushtrimi XIV “Vocabulary”, në librin e nxënësit. Dy-tre nxënës të mirë
lexojnë me zë të lartë përkufizimet e fjalëve në anglisht. Të gjithë nxënësit e tjerë i
mbajnë librat mbyllur dhe gjejnë fjalët që u përgjigjen këtyre përkufizimeve. Nxënësit
e mirë që i gjejnë të gjithë fjalët që ju korrespondojnë këtyre përkufizimeve,
vlerësohen me nota të mira.
Unit V, Mother Teresa, fillon me prezantimin e pjesës me gojë nga mësuesi. Nxënësit
e ndjekin shpjegimin e mësuesit me libra mbyllur. Pastaj ata hapin librat dhe ndjekin
leximin e copës nga mësuesi i cili i shpjegon fjalët e reja në kontekst. Pastaj dy nxënës
e rilexojnë pjesën. Praktikohet intonacioni zbritës i fjalive të ushtrimit II: Practice the
following for rhythm.
Një orë tjetër e veçantë mund të organizohet për zhvillimin e shprehive të të folurit.
Fillohet me ushtrimin II, faqe 19-20, fletore e nxënësit (Workbook). Ushtrimi tjetër
me të njëjtën natyrë është dialogu IV, faqe 20-21, po aty. Ky dialog zhvillon
mendimin krijues të nxënësve pasi ata e aplikojnë atë në situata të tjera të ngjashme.
Edhe ushtrimi VIII, faqe 26, libri i nxënësit ndihmon në zhvillimin e të folurit.
Nxënësit e shoqërojnë të folurit me gjeste, lëvizje dhe pantomimë. Ushtrimi e
gjallëron klasën, rrit vëmendjen në mësim, dhe zhvillon shprehi të komunikimit para
audiencës, duke luftuar ndrojtjen. Ushtrimi IX, faqe 22, fletore e punës (Workbook)
mund të grupohej gjithashtu në këtë seancë mësimore.
Në ushtrimet për ngulitjen e shprehive gramatikore mund të grupoheshin: Ushtrimi XI
faqe 27, libri i nxënësit. Ushtrimi I, faqe 19, fletore e punës (Workbook), dhe ushtrimi
III, Grammar faqe 23-24 libri i nxënësit.
Ushtrimet që ndihmojnë në zgjerimin e fjalorit të nxënësit janë: ushtrimi VIII, faqe 23-24,.
Në këtë ushtrim nxënësit duhet të shkruajnë fjalët poshtë secilës figurë korresponduese.
Punohet edhe ushtrimi XIV, Vocabulary, faqe 28 në librin e nxënësit. Në fillim lexohen
me zë të lartë fjalët bashkë me përkufizimet e tyre. Orën që vjen ato pyeten gojarisht. Për
të thyer monotoninë e orës së mësimit, këtyre ushtrimeve mund t’ju bashkëngjiteshin
ushtrimet IX, faqe 28 dhe XII dhe XIII, në faqen 28 të librit të nxënësit.
Në ushtrimet për zhvillimin e shprehive të të shkruarit bëjnë pjesë: Ushtrimi III, faqe
23-24, libri nxënësit, ushtrimi V, faqe 24-25, po aty, ushtrimi II, faqe 19, libri i
nxënësit, dhe ushtrimi IV, po aty. Ndërsa ushtrimi V dhe VI, në faqen 20 të fletores së
punës, (Workbook), mund të jepej si detyrë shtëpie.
44