Udhëzues metodik Gjuha angleze 5, 8, 9 - Media Print

Unit 1
On the first day of school
Libri i nxënësit, faqe 3- 7 dhe Fletore e punës (Workbook), faqe 3-6
Synimi i këtij mësimi është të ngulisë shprehi të përdomit të Present Simple, si dhe të
freskojë shprehi të të folurit të nxënësve. Mësimi fillon me një tekst të shkurtër të ditës
së parë të fillimit të vitit të ri shkollor. Mësuesi lexon me zë të lartë tekstin, i shpjegon
fjalët në kontekst, ndërsa nxënësit e ndjekin leximin e tij duke i mbajtur librat hapur.
Tekstin e ri mund ta lexojnë dy-tre nxënës me shqiptim të mirë. Pastaj nxënësit i
mbyllin librat dhe mësuesi i drejton klasës gjashtë pyetjet në fund të pjesës të cilat
masin nivelin e dëgjim-kuptimit të brendisë së copës nga nxënësit. Ushtrimi II,
phonetics, faqe 3, libri i nxënësit, në fillim lexohet nga mësuesi, pastaj përsëritet nga
disa nxënës duke e vënë theksin tek intonacioni zbritës i fjalive.
Duke ndjekur parimin didaktik nga e lehta te e vështira, mësuesi mund të punojë me
nxënësit ushtimin IV: Which happened first?, në faqen 5, libri i nxënësit. Përkufizimet e
fjalorit, në faqen 7, jepen në anglisht. Mësuesi mund ta kontrollojë përvetësimin e
fjalorit, duke caktuar nxënës me shqiptim të mirë që të lexojnë përkufizimet, ndërsa
nxënësit e tjerë, me libra mbyllur, duhet të gjejnë fjalët që ju korrespondojnë këtyre
përkufizimeve. Ky ushtrim mund të kombinohej me ushtrimin VIII, faqe 5-6, në fletoren
e nxënësit (Workbook). Nxënësve ju kërkohet që të përputhin figurat e ilustruara me
fjalët e duhura. Nxënësi e shkruan fjalën poshtë secilës figurë.
Në një etapë më të mëvonshme zhvillohen ushtrimet e leximit. Lexohet dhe
shpjegohet ushtrimi IX, faqe 6, libri i nxënësit. Pasi të jetë lexuar dhe shpjeguar kjo
copë leximi, nxënësve mund t’ju drejtohen të shtatë pyetjet në fillim të faqes 7. Ky
ushtrim mund të kombinohej me ushtrimin XI. Time for fun.
Ushtrimet që ngulisin shprehi të shkrimit zhvillohen në etapën e fundit. Këto ushtrime
shkrimi mund të zhvillohen në klasë: ushtrimi VII, faqe 4, fletore e nxënësit
(Workbook), ushtrimi IX, po aty, ushtrimi XI, XII, faqe 5, po aty. Ushtrimet e tjera të
fletores së nxënësit janë më të lehta dhe mund të jepen si detyrë shtëpie.
E përsërisim, nuk duhet të ketë orë të veçantë gramatike. Gramatika në këtë mësim
shpjegohet në formë dialogu, me metodën induktive: nga shembujt te rregullat.
Zgjidhjet:
Zgjidhja e ushtrimit IV: sipas radhës së veprimeve është kjo: 8; 2; 7; 4; 10; 6; 9; 5; 3;
ose: I do my homework; I eat dinner; I read a book; I kiss Mom and Dad good night; I
brush my teeth; I undress and put on my pyjamas; I get into bed; I turn off the light; I
fall asleep; I begin to dream.
Zgjidhja e ushtrimit V, faqe 5, po aty. Nxënësit duhet t’i shkruajnë shprehjet poshtë
secilës figurë, sipas kësaj renditjeje të figurave: ride to school; brush my hair; brush
my teeth; turn off the light; get into bed; have breakfast dhe do my homework.
Zgjidhja e ushtrimit VI, po aty: 1. hear; 2. leave; 3. speaks; 4. look at; 5. count; 6.
cut; 7. copies; 8. help; 9. draws; 10. follow; 11. understand.
38