Udhëzues metodik Gjuha angleze 5, 8, 9 - Media Print

46
5. finished/ was waiting 6. were playing/saw
7. saw/put 8. was correcting/ rang
9. was leaving/ stopped 10. wanted/ didn’t have
11. did you open 12. was/ did not like
13. was plying/ was doing 14. was playing/ was doing
Unit 6
Don’t count the chickens before they’re hatched.
Faqe 29-33 dhe Fletore e punës faqe 23-26.
Ora e mësimit fillon me kontrollin individual dhe frontal të detyrave të shtëpisë.
Kontrollohen ushtrimet V dhe VI, nga fletorja e punës, në faqen 20, ose çdo detyrë
tjetër që mund të ketë planifikuar mësuesi. Në kontrollin e dijes përfshihen pesë
pyetjet kuptimore në fund të pjesës, faqe 23. Ushtrimi IX, faqe 26-27 dhe ushtrimi
XIV, faqe 28, libri i nxënësit, mund të pyeten gjatë kontrollit të njohurive të nxënësve.
I pari për të përmirësuar leximin dhe i dyti për të matur nivelin e përvetësimit të
fjalorit. Dihet tashmë ecuria e këtij ushtrimi. Klasa i mban librat mbyllur, ndërsa dy
nxënës të mirë lexojnë përkufizimet e fjalëve dhe pyesin shokët për të gjetur fjalët që
ju përgjigjen këtyre përkufizimeve. Ky ushtrim mund të pyetet duke e ndarë klasën në
çifte, dhe nxënësit pyesin njëri-tjetrin, duke i shkëmbyer rolet.
Lënda e re fillon me prezantimin me gojë të përmbajtjes së copës nga mësuesi.
Nxënësit i mbajnë librat mbyllur. Pastaj nxënësit i hapin librat dhe ndjekin leximin e
mësuesit, i cili i shpjegon fjalët e reja në kontekst. Pastaj dy-tre nxënës bëjnë rileximin
e copës. Zhvillohet ushtrimi II. Phonetics, faqe 29, për të ngulitur shprehi të
intonacioni ngritës. Në fillim fjalitë e këtij ushtrimi i lexon mësuesi me intonacionin e
saktë, pastaj ai kërkon që ushtrimi të rilexohet nga disa nxënës të mirë. Për variacion,
dhe nëse ka kohë të mjaftueshme para se të përfundojë ora e mësimit, mësuesi mund
t’u japë nxënësve ushtrimin II. Mix and Match, në faqen 23, të fletores së punës.
Në një orë, për ngulitjen e shprehive të folurit të nxënësve, mund të zgjidheshin këto
ushtrime: ushtrimi IV, mix and Match, në faqen 30, libri i nxënësit, mund të zhvillohet në
formë dialogu. Nxënësit ndahen në grupe dyshe dhe luajnë pjesët e tyre, pastaj ndërrojnë
rolet. Siç shihet, ushtrimi është i zgjidhur për ta lehtësuar punën e tyre. Grupet më të mira
dalin para klasës dhe mundohen t’i thonë pjesët e tyre, duke i mbajtur librat hapur.
Pastaj mund të zhvillohej ushtrimi VII, dialogue, faqe 25, fletore e punës (Workbook).
Në një nivel më të avancuar, nxënësit bëjnë zëvendësimet e duhura, për të rikrijuar
dialogët e tyre origjinalë. Përveç zhvillimit të të folurit, dhe përmirësimit të intonacionit
të nxënësve, ushtrimi synon gjithashtu të zhvillojnë mendimin e tyre krijues. Edhe
ushtrimi II, faqe 23 dhe ushtrimi IV, faqe 24, fletore e punës (Workbook) mund të
përfshiheshin këtu. Po ashtu edhe ushtrimi X, faqe 32, libri i nxënësit.