F:\Botime Design Elvira\Librat - Arct

10
SHËNDETI MENDOR DHE TË DREJTAT E NJERIUT
të Burgjeve, Rregulloreve të veçanta të ambjenteve të sigurise se Policisë së Shtetit.
Njekohësisht perfaqesues të Njesise për Parandalimin e Tortures jane caktuar si pjestar të
Konsorciumit për reformën në burgje, si dhe anetarë të bordit të projektimit të godinave të
reja të burgjeve dhe paraburgimit në vend. Në këto borde janë dhënë mendime të dobishme
lidhur me respektimin e standarteve mbi trajtimin e personave të denuar.
Edhe gjatë vitit 2009 Njësia për Parandalimin e Torturës pranë Avokatit të Popullit ka
kryer rreth 150 inspektime, ri-inspektime, kontrolle me tematikë të veçantë dhe vizita në
vendet e privimit të lirisë dhe institucioneve të tjera si: burgje, paraburgime, institucione të
Policisë së Shtetit, Spitale Psikiatrike dhe Civile (me rregjim karantine), Qendra Sociale të
Trajtimit të Personave të Trafikuar dhe atyre Azilkërkues, baza ushtarake etj.
Në dallim nga aktiviteti i Njësisë së Parandalimit të Torturës për vitin 2008 (50 inspektime
dhe vizita), gjatë vitit 2009 veprimtaria monitoruese e kësaj njësie është trefishuar në
numër, duke treguar për një rendiment të lartë pune dhe një prezencë të shtuar në terren
pranë institucioneve përkatëse. Në rrjedhim të kësaj veprimtarie, Avokati i Popullit ka
adresuar pranë Institucioneve respektive që administrojnë këto ambjente 123 rekomandime,
informacione, propozime për masa disiplinore etj. Ky aktivitet ka kombinuar në tërësinë e
tij, jo vetëm detyrimet ligjore për të kryer inspektime të rregullta në vendet e privimit të
lirisë, por dhe për të qenë prezent në ato ngjarje të ndodhura në këto ambjente, ku është
dyshuar për torturë, trajtim çnjerëzor apo degradues.
Krahas numrit të mësipërm të inspektimeve, Njësia për Parandalimin e Torturës ka trajtuar
gjatë vitit 2009 edhe 413 ankesa, të cilat janë marrë gjatë takimeve me individë të privuar
nga liria, apo të dërguara pranë Zyrës së Avokatit të Popullit me anë të postës apo me
njoftim telefonik.
Në vijim të ngritjes dhe konsolidimit të kësaj veprimtarie, Njësia për Parandalimin e Torturës
ka forcuar kontaktet me Organizata Ndërkombëtare si OKB, Këshillin e Europës, OSBE
etj, si dhe ka bashkëpunuar dendur me Organizata të tjera kombëtare jo fitimprurëse që
operojnë në fushën e monitorimit të ambjenteve të privimit të lirisë.
Duke e konsideruar të rëndësishëm aspektin promovues të veprimtarisë së MKPT-së dhe
zhvillimin e një dialogu produktiv për përmirësimin e të drejtave të njeriut për individët e
privuar nga liria, Avokati i Popullit ka organizuar dhe bashkëorganizuar edhe gjatë vitit 2009
një sërë takimesh, seminaresh dhe konferencash me tematikë mbi parandalimin e torturës.
Konkretisht, gjatë vitit 2009 Avokati i Popullit ka bashkëorganizuar me Qendrën Shqiptare
të Rehabilitimit të Viktimave të Torturës dhe Institutin Europian të Tiranës 9 tryeza të
rrumbullakta dhe 3 konferenca kombëtare për çështjet e parandalimit të torturës, trajtimit
çnjerëzor dhe degradues, në burgje, paraburgime, polici etj. Në këto takime ka patur një
rol mjaft të veçantë adresimi i problemeve madhore në këtë fushë dhe nxitja e dialogut me
përfaqësues të ftuar kryesisht nga Ministria e Drejtësisë, Ministria e Brendshme, Ministria
e Shëndetësisë, Ministria e Arsimit dhe Shkencës, Policisë së Shtetit, Drejtorisë së
Përgjithshme të Burgjeve, Spitaleve Psikiatrike dhe Spitalit të Burgut, si dhe me pjesëmarrjen
e aktorëve të tjerë të shoqërisë civile.
Për t‘i hapur rrugë një bashkëpunimi serioz mbi baza reciprociteti gjatë muajit Qershor
2009 Avokati i Popullit nënshkroi marrëveshje bashkëpunimi me Qendrën Shqiptare të
Rehabilitimit të Viktimave të Torturës, Komitetin Shqiptar të Helsinkit dhe Institutin
Europian të Tiranës.