F:\Botime Design Elvira\Librat - Arct

SHËNDETI MENDOR DHE TË DREJTAT E NJERIUT 43
Rendit dhe Sigurisë së Objekteve në Komisariatin e Policisë Dibër, F N, ju dha masa
displinore “Shtyrje të afatit të gradimit për 12 muaj”.
2. Ankesa e shtetasit A. K., me banim në Tiranë, i cili pretendonte se në dt. 14.11.2009
rreth ores 22.00 ishte duke kaluar ne territorin e Spitalit “Nënë Tereza”, Tiranë, me qëllim
për t’i rënë më shkurt për të shkuar në shtëpinë e tij. Aty e kanë ndaluar dy persona civil
me një makinë “Volksëagen” me targa të huaja, të cilët i ishin prezantuar si inspektorë të
policisë, por që sipas tij nuk i kishin demostruar ndonjë dokument identifikimi të tyre. Ata
e kishin pyetur atë, nëse kishte me vete dokument indentifikimi. Ai ju kishte treguar patentën
e re, të cilën e kishte me vete. Megjithëse ju ka treguar këtë dokument punonjësit e policisë
e hipën atë në makinën e tyre dhe e dërguan në Komisariatin e Policisë Nr. 4 Tiranë, pa i
thënë arsyen e këtij veprimi.
Bashkë me ankuesin punonjësit e policisë kishin marrë edhe një person tjetër në të njëjtin
vend, të cilin e kishin mbajtur në polici njëlloj në kohë me ankuesin. Kur e kanë çuar në
polici ankuesin, në oborrin e komisariatit, njëri prej tyre i quajtur E D e ka goditur atë me
grushta në kokë e në fytyrë pa patur asnjë shkak të ligjshëm. Si pasojë e këtyre goditjeve
atij i janë shkaktuar dhimbje në kokë dhe një ekimozë në kapakun e poshtëm të syrit të
majtë. Më pas i kanë marrë sendet personale (dy telefonat e tij) dhe e kanë futur në birucë.
Në këtë ambjent atij nuk i kanë dhënë për të pirë e ngrënë.
Rreth orës 12.00, të dt. 15.11.2009 i kanë dhënë telefonat dhe e kanë dërguar në Drejtorinë
e Policisë së Qarkut Tiranë ku i kanë marrë shenjat e duarve. Pastaj e kanë risjelle në
Komisariatin e Policisë Nr. 4 dhe e kanë lënë të lirë. Gjatë qëndrimit në polici atij nuk i është
komunikuar arsyeja e shoqërimit, nuk ishte pyetur nga ndonjë punonjës policie dhe nuk ishte
mbajtur asnjë procesverbal ndaj tij. Ankuesi pretendonte se është mbajtur mbi 14 orë i
shoqëruar dhe se familjarët e tij nuk u njoftuan për shoqërimin dhe mbajtjen e tij në polici.
Rreth orës 14.00 ai ka shkuar në shtëpi dhe ju ka treguar prindërve të tij ngjarjen e
ndodhur me policinë. Pas kësaj ai së bashku me babanë e tij, shtetasin Y. K. kanë shkuar
në Drejtorinë e Policisë së Qarkut Tiranë ku janë takuar me Drejtorin z. Tonin Vocaj. Atij
i treguan ngjarjen e ndodhur dhe shenjat e dhunës të cilat ishin të dukshme. Drejtori ju ka
shprehur keqardhje për rastin e ndodhur, sepse ai ishte i pafajshëm dhe se do të merrte
masa administrative ndaj inspektorit E D dhe se do t’i informonte për këtë. Megjithë
premtimin e tij për ndjekjen e problemit, ata nuk u informuan se çfarë u bë më pas.
Për hetimin e plotë të këtij rasti nga ana jonë u pyetën babai i ankuesit shtetasi Y. K.,
punonjësit e policisë të Komisariatit të Policisë Nr. 4 Tiranë, E D me detyre Shef i
Seksionit të Vjedhjeve, A S e J X me detyrë Specialist në Zyrën e Informacionit dhe F D
e G H me detyrë Ndihmësspecialist në Zyrën e Informacionit. U kqyr dhe u fotokopjua
libri i personave të shoqëruar në këtë komisariat, si dhe u mor vendimi për ekzaminimin
mjeko-ligjor të ankuesit A. K..
Nga hetimi rezultoi se punonjësit e policisë E D me detyrë Shefi i Seksionit të Vjedhjeve
dhe X H me detyrë agjent i policisë kriminale në këtë komisariat, rreth mesnatës së dt.
14.11.2009, duke qenë me shërbim në territorin e Spitalit “Nënë Tereza” Tiranë kanë parë
dy shtetas që po kalonin aty pranë. Njeri prej tyre, i cili më pas është identifikuar si shtetasi
A. K., pasi kishte ecur rreth 50 metra ka kthyer kokën prapa. E D ka dyshuar tek ky
veprim i tij dhe ka vendosur që t’i verifikonte ata. Punonjësit e policisë i kanë bërë thirrje
atyre, ju janë prezantuar dhe u kanë kërkuar dokumentat e identifikimit. Sipas oficerit te
policise, shtetasi A. K. i ka dhënë kartën e identitetit, mirëpo, meqënëse i ka dhënë disa
përgjigje që atij i kanë krijuar dyshime, ka vendosur shoqërimin në polici të tij dhe të
shtetasit tjetër M. V.