F:\Botime Design Elvira\Librat - Arct

22
SHËNDETI MENDOR DHE TË DREJTAT E NJERIUT
bllokohen sendet personale, nga punonjësit e policisë nuk mbahet (hartohet) e nuk i jepet
poseduesve proçesvervali përkatës, siç parashikohet në nenin 108, paragrafi i dytë i ligjit
“Për Policinë e Shtetit”.
Librat e shoqërimit të shtetasve në polici shpesh plotësohen pa shumë përgjegjësi. Në to
nuk pasqyrohet saktë shkaku ligjor i shoqërimit. Kështu në Komisariatin e Policisë Nr. 4
Tiranë, ishte kapur një shtetas në kërkim, i dyshuar si autor i dy vjedhjeve dhe ai ishte
ndaluar, mirëpo në librin e shoqërimit figuronte se ai ishte shoqëruar në polici për verifikim.
Ka raste që shtetasit e shoqëruar nuk regjistrohen fare në librin e shoqërimit të shtetasve.
P.sh në Komisariatin e Policisë Peshkopi edhe pse në raportin e shërbimit të punonjësve të
policisë të datës 03.04.2009 thuhej se ishte bërë shoqërimi i shtetasve E.Ll, B.M dhe K.S,
në librin e personave të shoqëruar ata nuk figuronin të rregjistruar nga data 03.04.2009
deri më datën 05.04.2009. Vetëm më datën 04.02009, në orën 23.30, në librin e shërbimit
të drejtimit operativ të Drejtorisë së Policisë së Qarkut Dibër ishte evidentuar ngjarja e
hedhjes nga dritarja e shtetasit E.Ll.
Në të gjitha Drejtoritë e Policisë së Qarqeve, Komisariatet e Stacionet e Policisë në vend
nuk ka dhoma shoqërimi të shtetasve të ndara, për meshkujt, femrat dhe për të miturit,
sipas konceptimit të bërë nga ligji i ri nr. 9749, dt. 04.06.2007 “Për Policinë e Shtetit”.
Vetëm në Drejtorinë e Policisë së Qarkut Fier, në Komisaratine Policisë Nr. 5 Tiranë dhe
në Komisariatin e Policisë Kavajë dhomat e shoqërimit të shtetasve plotësojnë standartet e
parashikuara në ligj. Në Drejtorinë e Policisë së Qarkut Tiranë ka 1 dhomë për femra dhe
1 për të mitur, por nuk ka për të rritur.
Dhomat e ashtuquajtura për të shoqëruar, në fakt si nga përmasat, ndriçimi ashtu edhe
nga konceptimi dhe trajtimi i personave të shoqëruar, janë dhoma izolimi, sepse janë me
dyer hekuri, të mbyllura me dryna dhe pa ndriçim. Në ndonjë komisariat duhet të kalosh
3 porta hekuri për të shkuar në dhomën e “shoqërimit”, si p.sh. në Vlorë. Por, të tilla
dhoma shoqërimi, brënda dyerve të hekurta e të mbyllura, kemi konstatuar edhe në disa
rrethe të tjera gjatë inspektimeve të kryera si p.sh. në Komisariatin e Policisë Pogradec,
Përmet, Dibër, Sarandë, Berat e Librazhd. Në shumicën e rasteve, “dhomat e shoqërimit”
nuk janë të pajisura me stola apo karrike për t’u ulur të shoqëruarit dhe nuk janë të pastra
e të lyera si dhe mungojnë tualetet.
Në dhomat e sigurimit (izolimit) të organeve të mësipërme që janë inspektuar vazhdonin
të qëndronin persona të paraburgosur ndaj të cilëve ishte caktuar masa e sigurimit “arrest
në burg”, si dhe persona të ndaluar për ekzekutimin e vendimeve penale me burgim të
formës së prerë, të dhënë në mungesë dhe nuk ishin dërguar në institucionet e paraburgimit
dhe ato të burgimit në varësi të Drejtorisë së Përgjithshme të Burgjeve për shkak të
pengesave që krijonte vazhdimisht kjo e fundit. Koha e qëndrimit të tyre në ambjentet e
policisë pas caktimit të masave të sigurimit varionte nga 1 deri 15 ditë.
Vazhdon të ketë raste që të arrestuarve të mitur nuk ju sigurohet mbrojtja e detyrueshme
me avokat, si dhe ndihma (asistenca) psikologjike, siç parashikohet në nenet 35 e 49 të
K.Pr.Penale. Kështu p.sh. në Komisariatin e Policisë Peshkopi theksojmë faktin se, nga
punonjësit e policisë në momentin e shoqërimit dhe marrjes në pyetje në polici të shtetasve
të mitur E.Ll, B.M dhe K.Sh nuk është vënë në dijeni psikologu ose pjestarët e familjeve të
të miturve. Po ashtu pyetja e të miturve është bërë në orët e vona të natës si në datën
03.04.2009 ashtu dhe më datën 04.04.2009, duke u mbajtur në zyrat e Komisariatit të
Policisë nga ora 20.30 deri pas mesnatës së ditës tjetër. Këto mosveprime vijnë në
kundërshtim me kërkesat e K.Pr.Penale të parashikuara në nenet 35, 37, 48 dhe 296/1.
Gjithashtu më datën 04.04.2009 shtetasit B.M dhe K.Sh janë pyetur në cilësinë e personit