F:\Botime Design Elvira\Librat - Arct

SHËNDETI MENDOR DHE TË DREJTAT E NJERIUT 47
Në vështrim të pikes së parë mund të nënvizojme se puna e kryer nga ana jonë është
përcjellë gjate vitit 2008 me mungesa të mëdha. Konkretisht në mjaft raste, kur është
konstatuar dhunë gjatë inspektimeve, Avokati i Populit ka ndjerë nevojën e dhenies së një
mendimi të pavarur nga ekspertë të fushave të ndryshme (sociologjike, psikiatrike,
psikologjike, mjeko-ligjore etj) të cilat vetëm në një rast janë mundësuar nga fonde të
OJF-ve, pasi shteti shqiptar nuk ka levruar financime shtesë për këtë veprimtari, perveç
pagave të stafit.
Gjithashtu, ashtu siç jemi shprehur edhe më lart, vijojnë të mbeten problem sigurimi i
fondeve të veçanta për blerje pajisjesh pune, kancelarie, dieta, automjete, aparate dixhitale
audio dhe video etj. Duke mos patur mbeshtetje financiare logjistike nga ana e Qeverise,
Institucioni i Avokatit te Popullit u detyrua të vinte në funksion të kesaj strukture pajisje
të huazuara nga seksionet e tjera si psh, kompjutera, kancelari, pajisje zyre, automjet
etj. Nisur nga keto veshtiresi, Avokati i Popullit në të gjitha takimet e zhvilluara me
përfaqesues të shtetit shqiptar, partnerë të tjerë vendas dhe të huaj ka kerkuar që të
ndihmohet me bazë materiale, pasi aktualisht e ka të veshtire të permbushe në meyre të
plotë dhe të kualifuar detyren e tij.
Në vështrim të pikës së dytë, Avokati i Popullit shpesh herë ka vënë re se megjithë veprimtarinë
e tij promovuese për MKPT-në, disa institucione nuk janë përshtatur dhe kanë krijuar pengesa
të pajustifikueshme në kryerjen e detyrës tone. Kjo është vënë re sidomos në pengesat për
të hyrë në ambjentet e sigurisë së Komisariateve të Policise në Tirane, Gjirokastër, Vlorë etj.
Gjithashtu në disa raste nuk jane lejuar që punonjes të zyres tonë të marrin me vehte brenda
këtyre ambjenteve pajisje fotografimi për të provuar me fakte dhunën. Për të gjitha këto
raste, Avokati i Populit ka komunikuar me Ministrin e Brendshem, Drejtorin e Pergjithshem
të Policise se Shtetit, Drejtorin e Pergjithshem të Burgjeve etj. Pas këtyre komunikimeve
është vënë re një angazhim dhe pergjegjshmëri më e madhe e këtyre strukturave per te
reaguar në mënyre ligjore në përkrahje te punes tone, gjithsesi sërish në praktike vihen re
mangësi nga niveli ekzekutiv i punonjësve të këtyre strukturave.
Edhe gjate vitit 2009 puna e kryer nga ana jonë është përcjellë sërish me mungesa logjistike
dhe në burime njerëzore. Konkretisht në mjaft raste, kur është konstatuar dhunë gjatë
inspektimeve, Avokati i Popullit ka ndjerë nevojën e dhënies së një mendimi të pavarur nga
ekspertë të fushave të ndryshme (sociologjike, psikiatrike, psikologjike, mjeko-ligjore
etj), të cilat janë mundësuar vetëm falë fondeve të OJF-ve, pasi shteti shqiptar nuk ka
lëvruar financime shtesë apo krijimin e vendeve të reja të punës për mbulimin e kësaj
veprimtarie nga ana jonë, përveç pagave të stafit ekzistues.
Gjithashtu, ashtu siç jemi shprehur edhe më lart, vijojnë të mbeten problem rritja e fondeve
të veçanta për blerje pajisjesh pune, kancelarie, dieta, automjete etj. Duke mos patur
mbështetje financiare logjistike nga ana e Qeverisë, Institucioni i Avokatit të Popullit u
detyrua të vinte në funksion të kësaj strukture pajisje të huazuara nga seksionet e tjera të
Avokatit të Popullit si psh, kompjutera, kancelari, pajisje zyre, automjete etj.
Avokati i Popullit shpesh herë ka vënë re se megjithë veprimtarinë e tij promovuese për
MKPT-në, disa institucione nuk janë përshtatur dhe kanë krijuar pengesa të pajustifikueshme
në kryerjen e detyrës tonë. Kjo është vënë re, sidomos në pengesat për të hyrë në ambjentet
e sigurisë së Komisariateve të Policisë në Tiranë, si dhe në disa burgje. Gjithashtu, në disa
raste nuk janë lejuar që punonjës të zyrës tonë të marrin me vehte brenda këtyre ambjenteve
pajisje fotografimi për të provuar me fakte dhunën.
Për të gjitha këto raste, Avokati i Popullit ka komunikuar me Ministrin e Brendshëm,
Drejtorin e Përgjithshëm të Policisë së Shtetit, Drejtorin e Përgjithshëm të Burgjeve etj.