F:\Botime Design Elvira\Librat - Arct

SHËNDETI MENDOR DHE TË DREJTAT E NJERIUT 45
jashtëligjshme), që në fakt këtë veprim e ka bërë në vend.
2. Pretendimet e ankuesit për keqtrajtimin fizik të tij nga E D, pavarësisht se nuk u pranuan
prej tij dhe punonjësve të policisë, u provuan nga deklarimet e babait të ankuesit shtetasit
Y. K. dhe akt dëshmia mjeko-ligjore.
3. Punonjësi i policisë E D, në kundërshtim me detyrimet e përcaktura në nenin 107, pikat
1 e 2 të ligjit “Për Policinë e Shtetit” nuk e kishte njoftuar ankuesin për arësyet e shoqërimit
të tij dhe ndërkohë duke ia hequr telefonat celular nuk i ka dhënë mundësinë atij për të
njoftuar të afërmit.
4. Veprimi i punonjësit të policisë, duke i hequr e bllokuar telefonat celular dhe mosmbajtur
e dhënë procesverbal poseduesit të tyre, vjen në kundërshtim të hapur me përmbajtjen e
nenit 108 të ligjit “Për Policinë e Shtetit”.Pretendimet e ankuesit për mbajtjen e tij në
gjendje shoqërimi tej afatit ligjor nuk mundëm t’i provojmë.
Nga analiza ligjore e fakteve të mësipërme, si dhe ballafaqimi i tyre me dispozitat ligjore të
citura më lartë arrijmë në konkluzionin se, punonjësi i policisë E D me veprimet e tij të
kundërligjshme, duke prekur të drejtën kushtetuese themelore vetjake të çdo shtetasi për
të lëvizur lirisht në çdo pjesë të territorit të shtetit, të garantuar nga neni 38/1 i Kushtetutës
sonë, si dhe cënuar lirinë personale dhe të drejtat ligjore të garantuara nga ligji “Për Policinë
e Shtetit” të shtetasit A. K., ka konsumuar elementët e veprës penale të “Kryerjes së
veprimeve arbitrare”, parashikuar nga neni 250 i K.Penal.
Gjithashtu ne konstatuam se gjatë kohës së trajtimit të këtij rasti, ndaj punonjësit të policisë
E D, në institucionin tonë ishte bërë edhe një ankesë tjetër nga shtetasi Sh. M. për keqtrajtim
fizik. Këtë ankese ia dërguam për kompetencë Prokurorisë së Rrethit Gjyqësor Tiranë, për
arsye se për të njëjtën ngjarje punonjësi i policisë E D kishte bërë kallzim penal ndaj ankuesit
për veprat penale të “Goditjes për shkak të detyrës” dhe të “Fyerjes për shkak të detyrës”.
Për rastin e ankesës së shtetasit A. K. i rekomanduam Prokurorisë së Rrethit
Gjyqësor Tiranë fillimin e ndjekjes penale në ngarkim të punonjësit të policisë E D,
efektiv i Komisariatit të Policisë Nr. 4 Tiranë, për veprën penale të “Kryerjes së
veprimeve arbitrare”, parashikuar nga neni 250 i Kodit Penal. Rekomandimi është
bërë kohët e fundit dhe është në shqyrtim.
v Raste studimore në burgje
1. Avokati i Popullit nisur nga nje informacion i ardhur ne rruge konfidenciale, eshte
njoftuar se ne Burgun Lezhe kishte patur nje konflikt fizik midis disa te paraburgosurve,
si dhe ishte pretenduar se eshte ushtruar dhune edhe nga punonjësit e Policisë së
Paraburgimit Lezhë. Ne kete informacion behej e ditur se si pasoje e ketij konflikti ishin
demtuar fizikisht dhe ishin izoluar me pas disa te paraburgosur. Ne baze te ketij
informacioni, Avokati i Popullit ne rolin e Mekanizmit Kombetar te Parandalimit te Tortures
ka urdhëruar kryerjen e një hetimi administrativ nga ana e Njesise se Parandalimit te
Tortures.
Njesia e Parandalimit te Tortures ka kontaktuar fillimisht në dhomat e izolimit me te
paraburgosurit e perfshire ne ngjarje duke i intervistuar individualisht dhe me pas me
ndihmen e nje eksperti te Qendres Shqiptare te Rehabilitimit te Viktimave te Tortures
eshte bere edhe ekzaminimi i tyre mjekesor. Me pas, ne prani edhe te Drejtorit te Burgut
Lezhe jane pare filmimet perkatëse te kamerave te sigurise per ngjarjen e ndodhur.
Nga të gjitha veprimet e mesipërme rezultoi se më datë 10.09.2009 rreth orës 13.00
i dënuari A.P, ka shkuar në ambjentet e paraburgimit për të marrë disa sende
vetjake. Rreth 30 minuta më vonë ky i denuar së bashku me të paraburgosurin