F:\Botime Design Elvira\Librat - Arct

26
SHËNDETI MENDOR DHE TË DREJTAT E NJERIUT
theksohet punonjësve të Policisë të ngarkuar me marrjen në pyetje të personave të privuar
nga liria. Është mjaft pozitive se këtë mesazh e ka dhënë Kryeministri Berisha në fjalën e
tij të mbajtur në analizën vjetore të Drejtorisë së Përgjithshme të Policisë së Shtetit për
vitin 2008. Mesazhi publik, i bërë nga Kryeministri, për respektimin e të drejtave dhe lirive
themelore të qytetarëve, të të miturve dhe të paraburgosurve nga punonjësit e Policisë
është shumë i rëndësishëm. Mirëpo do të ishte mirë që këtë mesazh t’a bënin herë pas
here edhe drejtuesit e Ministrisë së Brendshme dhe të Policisë së Shtetit. Konstatojmë me
shqetësim faktin se, në raportin e analizës vjetore të punës, Drejtori i Policisë së Qarkut
Tiranë dhe Drejtori i Përgjithshëm i Policisë së Shtetit, ku ne ishim të ftuar, nuk kishin
pasqyruar dhe nuk thanë asnjë fjalë për respektimin e të drejtave kushtetuese e ligjore të
shtetasve nga punonjësit e Policisë së Shtetit. Ata nuk përgjithësuan e nuk kritikuan asnjë
rast të keqtrajtimit të shtetasve nga Policia, ndërkohë që raste të tilla gjatë vitit 2009, të
konstatuara nga ana jonë, OJF-të e ndryshme të cilat kanë si objekt të veprimtarisë së tyre
mbojtjen e të drejtave të njeriut dhe media, janë të konsiderueshme. Ky qëndrim nuk i
shërben aspak parandalimit të shkeljeve të tilla nga punonjësit e Policisë në të ardhmen.
3. Në të gjitha ambjentet e Policisë të vendosen menjëherë posterat e përgatitura në
bashkëpunim me institucionin tonë, të cilat bëjnë fjalë për respektimin e të drejtave të
njeriut dhe parandalimin e dhunës nga punonjësit e Policisë. Ato do të shërbejnë jo vetëm
për personat e shoqëruar apo të paraburgosur në Polici, por edhe si një kujtesë e
vazhdueshme për punonjësit e Policisë dhe do t’i ndihmojë ata në zbatimin me rigorozitet
të ligjit. Është konstatuar se edhe ato që janë vënë, janë hequr pa patur asnjë shkak.
4. Bashkëpunimi i Drejtorisë së Përgjithshme të Policisë së Shtetit me Institucionin e
Avokatit të Popullit, në kuadër të punës për mbrojtjen e të drejtave dhe lirive të njeriut,
megjithëse ka qënë i mirë, duhet të rritet e përsoset më tej në të ardhmen. Këtij qëllimi do
t’i shërbejë edhe organizimi i aktiviteteve të përbashkëta me temë për mbrojtjen dhe
respektimin e të drejtave dhe lirive themelore të njeriut nga punonjësit e Policisë së Shtetit.
v Inspektimet në Spitale
Në mënyrë të detajuar rezultatet e inspektimit të realizuara nga Njësia për Parandalimin
e Torturës pranë Avokatit të Popullit, sipas kërkesave të Ligjit Nr.8092 dt.21.03.1996
“Për Shëndetin Mendor”, i janë dërguar Ministrisë së Shëndetësisë, përfshirë edhe
rekomandimet përkatëse:
I. Spitali Psikiatrik Elbasan
Në vitin 2008 Avokati i Popullit rekomandoi për Spitalin Psikiatrik Elbasan si më poshtë vijon:
Shtimin e organikës me mjekë psikiatër në Spitalin Psikiatrik Elbasan për një trajtim sa më
të plotë të pacientëve të shtruar .Marrjen e masave për nxjerrjen nga ky spital të pacientëve
që janë të sëmurë mendorë kronike, pasi qëndrimi i tyre në këto ambjente ishte thjesht per
arsye strehimi dhe jo kurimi.Miratimin e nje kuote te re ushqimore, pasi në gjëndjen
aktuale te çmimeve ne treg ajo nuk plotësonte nevojat jetike të pacientëve.Eleminimin e të
gjitha mangësive të tjera që përmbante ai rekomandim.
Në tetor të vitit 2009 në përfundim të inspektimit të Avokatit të Popullit u evidentuan me
anë të rekomandimit mangësitë dhe përmirësimet si më poshtë:1. Nuk është realizuar pika
e parë e rekomandimit dhe aktualisht është pakësuar numri i mjekëve nga 7 në 6 mjekë
psikiatër, pasi njëri prej tyre është larguar në pozicionin e drejtorit të spitalit rajonal të
Elbasanit.Gjithashtu gjëndja paraqitet shqetësuese edhe me personel kujdestar, ku drejtuesit
na informuan se kanë bërë kërkesë për shtim të numrit të kujdestarëve për vitin 2010.2.