F:\Botime Design Elvira\Librat - Arct

30
SHËNDETI MENDOR DHE TË DREJTAT E NJERIUT
akute psikike.Gjithashtu, Ministria duhet të marrë parasysh sygjerimet tona për rritjen e
personelit në këto institucione, gjë që do të ulte rrezikshmërinë evidente aktuale.
5. Një çështje tjetër, e cila kërkon një vemendje të veçantë, është paisja me veshje hotelerike
që për vitin 2009 nuk është realizuar dhe spitalet e kanë përballuar me veshtirësi situaten
e krijuar. Për sa më sipër, i jemi drejtuar Ministrave të Shëndetësisë dhe atij të Punëve,
Çështjeve Sociale dhe Shanseve të Barabarta me rekomandime për marrjen e masave
ligjore, organizative dhe buxhetore për përmirësimin e shërbimit shëndetësor psikiatrik në
shkalle vendi, duke e standartizuar atë me kushte te pranueshme dhe ligjore.
Ndërkohë Avokati i Popullit megjithëse ka paraqitur në Maj 2008 Raportin e Posaçëm të
Shëndetit Mendor Nr. 2, nuk ka marrë ende një njoftim lidhur me shqyrtimin e tij në
Kuvendin e Shqipërisë.
v Inspektimet në ushtri
Repartet të cilat janë inspektuar nga ekspertët e zyrës së Avokatit të Popullit gjatë vitit
2008-2009 kane qene si vijon:
1. Akademi e Nënoficerave, Tiranë.
2. Akademi e Mbrojtjes, Tiranë.
3. Regjimenti i Helikopterave, Farkë, Tiranë.
4. Batalioni i Policisë Ushtarake Sauk, Tiranë.
5. Universiteti Ushtarak Skënderbej, Tiranë.
6. Garnizoni Poshnje, Berat
7. Regjimenti Komando, Zall-Herr. Tiranë.
8. Qëndra e Trajnimit të Gardës Mullet, Tiranë.
9. Brigada Detare, Kepi i Palit, Durrës.
10.Reparti Ushtarak Nr. 2001 Plepa, Durrës.
11.Brigada e Mbështetjes Rajonale, Rrapi i Treshit, Tiranë.
12.Brigada e Stërvitjes Bazë, Bunavi, Vlorë.
13.Spitali Qëndror Ushtarak, Tiranë.
Ushtarakët dhe studentët me të cilët është marrë takim janë mbledhur në salla të mëdha
dhe ju është bërë e ditur qëllimi i ardhjes së grupit të ekspertëve duke i shpjeguar
kompetencat e Zyrës së Avokatit të Popullit dhe mundësitë që ka kjo zyrë për t’i zgjidhur
konkretisht ankesat e tyre. Në këto takime përveç ankesave që janë marrë me shkrim,
ekspertët i janë përgjigjur edhe pyetjeve të ndryshme që ushtarakët i kanë drejtuar për t’u
njohur me ligjet dhe aktet nënligjore që lidhen me të drejtat e tyre. Ushtarakëve të tjerë që
kanë paraqitur ankesa individuale vetëm me gojë, ju është lënë një kopje e formularit dhe
janë orientuar për plotësimin e tij dhe adresimin për në zyrën tonë.
Në të gjitha takimet e zhvilluara deri tani, komandat nuk kane nxjerrë pengesa dhe na kane
krijuar mundësitë për të marrë takim me shumicën e ushtarakëve që ndodheshin në akademi
dhe në reparte. Nga 13 repartet ushtarake të vizituara në 10 raste Avokati i Popullit ka
reaguar nëpërmjet rekomandimeve :
I. Inspektim në Qëndrën e Stërvitjes Bunavi në Vlorë
Duke marrë shkas nga problemi i ngritur në median e shkruar për rekrutimin me forcë të
të rinjve shqiptarë në shërbimin e detyrueshëm ushtarak, Institucioni i Avokatit të Popullit,
organizoi më datë 30.01.2009, një inspektim në Brigadën e Stërvitjes Bazë në Bunavi të
Vlorës. Në përfundim të këtij inspektimi, nga analiza në tërësi e fakteve dhe e