F:\Botime Design Elvira\Librat - Arct

38
SHËNDETI MENDOR DHE TË DREJTAT E NJERIUT
dhe G P, me detyrë Shef i Komisariatit të Policisë Durrës, të cilët me veprimet dhe
mosveprimet e tyre janë bërë shkaktarë të kësaj ngjarje të rëndë.
2. Rasti i vetvarjes së shtetasit K. B. dhe shkeljet e drejtuesve të Komisariatit të Policisë
Durrës të përgjithësohen në të gjitha organet e policisë vendore me qëllim rritjen e cilësisë
së shërbimit policor dhe parandalimin e ngjarjeve të ngjashme në të ardhmen.
3. Rishikimin dhe përmirësimin e “Plan-vendosjes së shërbimeve të policisë së rendit” në
Komisariatin e Policisë Durrës dhe në të gjitha organet vendore të policisë në shkallë
vendi, si dhe plotësimin e tyre me numrin e punonjësve të policisë të domosdoshëm për të
kryer sa më mirë dhe me cilësi të lartë detyrat funksionale.
4. Marrjen e masave të menjëhershme për ndërtimin e dhomave të shoqërimit të shtetasve
në Komisariatin e Policisë Durrës sipas kërkesave të ligjit nr. 9749, datë 04.06.2007 “Për
Policinë e Shtetit” dhe në zbatim të Letër-Porosisë së Drejtorit të Përgjithshëm të Policisë
së Shtetit Nr. 703, dt. 07.08.2008, duke krijuar ambjente të përshtashme, dinjitoze, të
pajisura me orenditë e nevojshme për qëndrim, të ndara më vete për femrat, meshkujt dhe
të miturit, si dhe pa dyer apo zgara hekuri dhe pa shula e dryna.
5. Marrjen e masave të menjëhershme për ndërtimin apo rikonstruksionin me parametra
dhe standarte bashkëkohore të dhomave të shoqërimit të shtetasve në të gjitha Komisariatet
e Policisë në shkallë vendi, ku ato mungojnë.
6. Nga strukturat drejtuese të organeve vendore të policisë të punohet me të gjithë efektivat
për njohjen e ligjit “Për Policinë e Shtetit” dhe zbatimin me rigorozitet të kritereve ligjore
lidhur me rastet e shoqërimit të shtetasve në organet e policisë, si dhe për trajtimin dinjitoz
të tyre. Ndërkohë nga strukturat drejtuese e kontrolluese vendore dhe qëndrore të Policisë
së Shtetit të ushtrohet kontroll i vazhdueshëm ndaj vartësve lidhur me shoqërimin e shtetasve
në organet e policisë.
7. Në ambjentet e shoqërimit të shtetasve të vendosen postera me të drejtat ligjore të
personave të shoqëruar të parashikuara në dispozitat e ligjit “Për Policinë e Shtetit”, duke
gjykuar se ato kanë vlerë informuese për të shoqëruarit, por në të njëjtën kohë shërbejnë
edhe si mjet kujtese për punonjësit e policisë për t’i zbatuar e respektuar këto të drejta.
8. Libri i personave të shoqëruar të riformatohet dhe të unifikohet me qëllim që të pasqyrohen
në mënyrë të plotë kërkesat e ligjit, duke shtuar disa kolona të tjera që kanë të bejnë me:-
Njoftimin e familjarëve, të afërmëve apo personit që i shoqëruari beson, ora e njoftimit të
tyre, emri i të njoftuarit dhe numri i telefonit të tij. - Nënshkrimi i të shoqëruarit në libër
pasi ai lihet i lirë. Vendosja e kësaj të dhëne do të parandalojë mundësinë e abuzimit të
punonjësve të policisë me arësyen dhe kohën e shoqërimit të tyre.- Kolona në të cilën
regjistrohet arësya e shoqërimit, të ketë më shumë hapsirë me qëllim që të pasqyrohet më
shumë informacion për arësyen e shoqërimit, sepse deri aktualisht ajo ka ngelur e
përgjithshme si “verifikim” apo “konflikt”.
9. Të krijohet dhe unifikohet libri i takimeve të shtetasve me punonjësit e policisë në
organet e policisë, duke pasqyruar të gjitha të dhënat e nevojshme, për gjeneralitetet e
tyre, punonjësin e policisë që takon, qëllimin e takimit, orën e hyrjes dhe atë të daljes, si
dhe të dhëna të tjera të cilat do t’i vleresoni të domosdoshme.
10. Të rritet niveli kulturor e profesional dhe përgjegjësia e punonjësve të policisë që
administrojnë librat dhe regjistrat e organit të policisë. Në librin e shoqërimit të shtetasve
në polici të regjistrohen menjëherë sapo sillen në organ të gjithë dhe vetëm personat e
shoqëruar nga punonjësit e policisë. Ndërsa në librin e takimeve të regjistrohen të gjithë
dhe vetëm ata persona që vijnë vetë apo ata që janë thirrur nga policia në organ për
probleme administrative, për probleme penale dhe për kryerje të veprimeve hetimore-