F:\Botime Design Elvira\Librat - Arct

SHËNDETI MENDOR DHE TË DREJTAT E NJERIUT 33
prokurorit të çështjes thirrja e të dyshuarëve dhe kryerja e veprimeve hetimore proceduriale,
ndërmjet të tjerave edhe paraqitja për njohje e bashkëshortes së K. B.. Me miratimin e
prokurorit, shtetasit K. e Gj. B., në dt. 12.11.2009, rreth orës 16.00 janë thirrur verbalisht
nga punonjësit e policisë M M, me detyrë specialist për hetimin e krimeve kundër pronës
dhe A L, me detyrë specialist i policisë së zonës, që të vinin në Komisariatin e Policisë.
Meqënëse K.B. nuk ishte në banesë në kohën që shkuan punonjësit e policisë, këta i kanë
thënë bashkëshortes së tij që të paraqiteshin të dy në polici në kohën që K. B. do të vinte
në banesë. Rreth orës 18.30 të dt. 12.11.2009, shtetasit K. e Gj. B., së bashku edhe me
vajzën e tyre 5 vjeçe janë paraqitur në Komisariatin e Policisë Durrës.
Në polici ata janë pritur nga punonjësit e policisë M M dhe A L. Pasi janë regjistruar në
librin e takimeve në Drejtorinë e Policisë së Qarkut Durrës dhe në librin e personave të
shoqëruar në polici, ata janë marrë dhe janë futur në ambjentet e policisë nga punonjësi i
policisë M M. Ky i fundit, shtetasin K. B. e ka lënë në koridorin e katit të parë të godinës
së policisë, të ulur në karrike, ndërsa shtetasen Gj. B. dhe vajzën e saj të vogël i ka futur
në zyrën e tij, e cila ndodhej aty pranë dhe në prezencën e specialistit të policisë kriminale
L H e ka pyetur atë me cilësinë e personit që tregon rrethanat e hetimit. Në këtë kohë në
polici ka ardhur edhe prokurori i çështjes S N, i cili është njohur me materialet e
administruara nga policia. Meqënëse bashkëshortja e K. B. dha të dhëna dhe prova të
rëndësishme materiale në ngarkim të K. B., punonjësi i policisë M M, ka dalë nga zyra dhe
ia ka dhënë në dorëzim K. B. punonjësit të policisë të informacionit të Komisariatit të
Policisë Durrës Beqir Gjergji për ta shoqëruar e siguruar atë në ambjentet e shoqërimit,
duke i thënë se ai do të ndalohej. Punonjësi i policisë B G, pasi i ka bërë kontrollin personal,
e ka shoqëruar K. B. në dhomat e shoqërimit, të cilat ndodhen në katin e parë,
prapa godinës së policisë. Atij i ka lënë vetëm cigare dhe e ka mbyllur atë në këtë ambjent
të pajisur me derë hekuri, shul e dryn, pa ndriçim elektrik dhe në errësirë të plotë (sqarojmë
se që kur janë rikonstruktuar këto dhoma që para rreth dy vjetësh ato nuk kanë patur
ndriçim elektrik). Këto dhoma janë pa stola apo karrike për të qëndruar ulur.
Sipas punonjësve të policisë të informacionit dhe komandantit të tyre, meqënëse këto
dhoma nuk janë me kushtet e përshtatshme, nga drejtuesit e organit është urdhëruar që në
to të futen vetëm personat e shoqëruar të cilët dyshohen se janë autorë të veprave penale.
Më pas në prezencën e prokurorit është bërë edhe paraqitja për njohje e shtetases Gj. B.
nga blerëset e sendeve të vjedhura, të cilat ajo ua kishte shitur.
Gjatë kohës që shtetasi K. B. ka qëndruar në ambjentet e shoqërimit, punonjësi i policisë
Beqir Gjergji e ka kontrolluar atë herë pas here kur kishte mundësi, dhe me kërkesën e tij
i ka ndezur edhe cigare. Rreth orës 20.00 B G duke qënë rreth 10 metra larg dhomave të
shoqërimit, ka dëgjuar zhurmë, goditje të derës së dhomave të shoqërimit. Ai është afruar
menjëherë atje dhe i ka thirrur K. B, por ai nuk është përgjigjur. Pastaj G B ka hapur derën
me vështirësi dhe ka konstatuar që K. B. ishte varur prapa derës me një rrobë, (benevreke)
të cilën e kishte lidhur në qafë dhe krahun tjetër të saj në hekurat sipër derës. Polici G B i
ka ardhur në ndihmë menjëherë atij, duke e zgjidhur dhe nxjerrë jashtë në oborr dhe për
këtë ka kërkuar edhe ndihmën e rojes që ishte aty pranë. Ata i kanë dhënë ndihmën e parë,
duke i bërë frymëmarrje artificiale e veprime të tjera ndihmuese dhe dërguar menjëherë në
spitalin e qytetit Durrës.
Në spital shtetasi K. B. është dërguar i gjallë, por megjithëse i është ofruar ndihma mjekësore,
ai ka vdekur.Për këtë ngjarje nga Prokuroria e Rrethit Gjyqësor Durrës është filluar çështja
penale dhe përveç veprimeve të tjera proceduriale është marrë edhe vendimi për kryerjen
e ekspertimit mjekoligjor të shtetasit K.B.