F:\Botime Design Elvira\Librat - Arct

46
SHËNDETI MENDOR DHE TË DREJTAT E NJERIUT
E.G janë konfliktuar në korridorin e katit të tretë të paraburgimit me të
paraburgosurin e këtij kati, shtetasin S.S. Me ndërhyrjen e të paraburgosurve të
tjerë të cilët ndodheshin rastësisht në korridor konflikti është eleminuar. Në orën
14.00 gjatë ndërrimit të turneve punonjësi i policisë M.V, ka shkuar në godinën
nr.1 të paraburgimit, kati i tretë dhe ka hapur dhomën nr.2. Ai është futur brënda
dhe ka biseduar me të paraburgosurit e kësaj dhome. Më pas ai ka hapur edhe
dhomën Nr.3 dhe ka marrë takim dhe me të paraburgosurit e kësaj dhome. Me tej
ai ka bashkuar te paraburgosurit e të dyja dhomave të mesiperme ne nje te vetme
(Dhoma Nr.3).
Rreth orës 14.20 po ky punonjës policie ka hapur dhomën Nr.5 dhe ka kërkuar që të dalë
i paraburgosuri S.S me pretekstin se e kërkonin të paraburgosurit e dhomës 2 dhe 3 për
të pirë kafe. Sapo ky i paraburgosur ka dalë nga dhoma ai është sulmuar befasisht nga të
gjithë të paraburgosurit e dhomave 2 dhe 3. Ai është goditur me grushta e shqelma dhe
për pasojë ka shfaqur dëmtime ne disa pjesë të trupit si fytyrë, buzë, gjoks dhe shpinë.
Gjatë sulmit që po i bëhej shtetasit S.S, shokët e tij banor të dhomave 4 dhe 5 kanë
reaguar duke bërtitur dhe duke goditur dyert e dhomave për të ndërhyrë policia ndaj këtij
sulmi brutal. Pak minuta më vonë në katin e tretë të kësaj godine, kanë shkuar grupet e
gatëshme të cilët kanë ndërhyrë dhe kanë shoqëruar në dhomat e izolimit forcërisht të
paraburgosurit dhomave 4 dhe 5.
Ne perfundim te mbledhjes dhe administrimit te plote te deklarimeve, filmimeve dhe
dokumentacionit perkates, si dhe pas nje analize te pergjithshme mbi kete ngjarje, Avokati
i Popullit paraqiti rekomandimin per marrjen e masave per nxjerrjen e pergjegjesive
disiplinore ndaj punonjesve te policise se burgjeve qe kishin shkaktuar kete trazire ne
ambjentet e paraburgimit.
Siç verehet sa më lart, në veprimtarinë e tyre gjatë shërbimit, punonjësit e policisë së
burgjeve, nuk kishin zbatuar me rigorozitet kërkesat e parashikuara në Rregulloren e
Brëndshme të Policisë së Burgjeve, e cila bën fjalë për Veprimtarinë e Policisë së Burgjeve,
të parashikuar nga neni 22 i saj. Në këtë nen përcaktohet qartë detyrimi i punonjësvë të
policisë së burgjeve që për çdo veprim të kryer duhet të bazohen ne kete rregullore.
Duke analizuar në tërësi provat e administruara rezulton se, nga ana e punonjësvë të
policisë në I.E.V.Penale Lezhë, janë kryer veprime me dashje në kundërshtim me nenin 22
të Rregullores së Brendshme të Policisë Burgjeve, te cilat kane sjelle per pasoje shkaktimin
e nje konflikti fizik midis te paraburgosurve. Veprime te tilla kane vene ne rrezik jeten dhe
shendetin e te paraburgosurve ne keto ambjente, ndaj dhe masat qe duhet te merren duhet
te jene ne proporcion me rrezikshmerine e larte qe paraqesin ato.
Ne pergjigjen e paraqitur per kete propozim, Drejtoria e Pergjithshme e Burgjeve ka njoftuar
marrjen e masave disiplinore per 12 punonjes te policise se Burgut Lezhe, ku 3 prej tyre
jane larguar nga puna, ndersa per 9 te tjere jane marre verejtje me paralajmerim.
v Sfidat dhe parashikimet për të ardhmen
Duke qenë një veprimtari e re dhe shumë specifike, parandalimi i tortures nëpermjet
inspektimeve periodike ka patur edhe sfidat dhe veshtiresitë e tij. Konkretisht problemet
qe kemi hasur i kemi ndare ne dy shtylla kryesore:1.Probleme të sigurimit të bazes së
nevojshme materiale dhe logjistike për të kryer nje punë me efiçense dhe profesionalizëm;
2.Probleme në mangesite e disa institucioneve shteterore për të njohur dhe vleresuar drejt
aksesin dhe detyrat që duhet të ushtrojë Avokati i Popullit ne rolin e MKPT-së.