F:\Botime Design Elvira\Librat - Arct

SHËNDETI MENDOR DHE TË DREJTAT E NJERIUT 39
proceduriale dhe të pasqyrohen me korrektesë të dhënat e sakta e të vërteta.
11. Në çdo organ vendor policie të vendoset sa më shpejtë një libër më vete për regjistrimin
e personave të arrestuar apo të ndaluar nga punonjësit e policisë të atij organi. Ky libër
duhet të vendoset përveç librit që qëndron në dhomat e sigurimit. Në këtë libër, i cili duhet
të qëndrojë dhe të administrohet nga punonjësi i policisë së informacionit, të regjistrohen
vetëm personat e arrestuar apo të ndaluar nga policia. Praktika e deritanishme e regjistrimit
të personave të arrestuar dhe të ndaluar në librat e shoqërimit, sikurse kemi rekomanduar
edhe më parë, duhet të ndryshohet menjëherë.
12. Nga strukturat e Drejtorisë së Përgjithshme të Policisë së Shtetit, të ushtrohet më shumë
dhe më mirë kontroll në organet e policisë vendore lidhur me zbatimin e akteve normative
ligjore e nënligjore për respektimin e të drejtave të njeriut dhe të rekomandimeve të herë pas
hershme të Avokatit të Popullit të cilat janë vlerësuar e mirëpritur nga kjo drejtori.
Rekomandimi u pranua dhe filloi procedimi disiplinor për dhënien e masave administrative
për punonjësit e policisë I V, me detyrë Shef i Sektorit të Rendit dhe Sigurisë Publike në
Drejtorinë e Policisë së Qarkut Durrës, B G, me detyrë Shef i Sektorit Ekonomik, në
Drejtorinë e Policisë së Qarkut Durrës, G P, me detyrë Shef i Seksionit të Rendit dhe
Sigurisë Publike, në Komisariatin e Policisë Durrës dhe B G, me detyrë oficer i patrullës së
përgjithshme në Komisariatin e Policisë Durrës, i cili u pezullua menjëherë pas ngjarjes.
Kjo ngjarje u përshkrua e përgjithësua nga Drejtoria e Përgjithshme në të gjitha organet e
policisë dhe gjithë strukturave të policisë vendore ju është tërhequr vëmëndja për të punuar
më shumë e më mirë lidhur me njohjen e zbatimin e akteve normative me qëllim respektimin
e të drejtave dhe lirive kushtetuese e ligjore të shtetasve nga organet e policisë.
2. Rasti i ndjekur me iniciativë pas bërjes publike në media të ngjarjes së ndodhur
në Komisariatin e Policisë Dibër, ku një adoleshent i quajtur E. Ll. u hodh nga kati
i tretë i godinës gjatë kohës që ai po merrej në pyetje nga punonjësit e policisë.
Nga hetimi administrativ i kryer nga ekspertët tanë ne bashkepunim me Qendren
Shqiptare te Rehabilitimit te Viktimave te Tortures për të zbardhur rrethanat dhe
motivet e ndodhjes së kësaj ngjarje, deklarimet e të dëmtuarit, të punonjësve të
policisë, të dëshmitarëve dhe akti i ekspertimit mjeko-ligjor të të dëmtuarit, i bërë
me kërkesën tonë nga Instituti i Mjekësisë -Ligjore Tiranë rezultoi se:
Shtetasi E. Ll. ishte i datëlindjes 22.03.1994, lindur e banues në qytetin e Peshkopisë,
nxënës shkolle. Më datën 03.04.2009 rreth orës 20.00 shtetasi E. Ll. dhe bashkëmoshatarët
e tij, K. Sh. dhe B. M. kanë qënë tek lokali “Shpella” në qytetin e Peshkopisë. Pronari i tij
shtetasi Q. I. kishte pretendime se, ata ishin autorë të vjedhjes së atij lokali, ndodhur më
datë 01.04.2009 ku ishin marrë disa sende si një video, një celular “Samsung” dhe disa
DVD. Shtetasi Q. I. ka njoftuar patrullën e përgjithshme të policisë, se shtetasit e
lartpërmëndur janë autorë të vjedhjes së lokalit të tij. Patrulla e policisë ka bërë shoqërimin
e tyre në Komisariatin e Policisë Dibër.
Shtetasit B. M., E. Ll. dhe K. Sh. janë dërguar në katin e tretë të Komisariatit tek zyra e
Shefit të Parandalimit të Krimeve dhe Policimit në Komunitet, P Z, i cili i ka marrë në
pyetje lidhur me autorësinë e vjedhjes së ndodhur më datën 01.04.2009 në lokalin
“Shpella”.Gjatë pyetjes shtetasi B. M. ka pranuar autorësinë e vjedhjes së sendeve të
lokalit “Shpella” duke implikuar shtetasit E. Ll. dhe K. Sh. me pretendimin se vjedhja ishte
kryer në bashkëpunim me ta.
Nga ana e Shefit të Parandalimit të Krimeve dhe Policimit në Komunitet, P Z, i cili ka edhe