F:\Botime Design Elvira\Librat - Arct

SHËNDETI MENDOR DHE TË DREJTAT E NJERIUT 35
konkrete për përmirësimin e tyre.
Gjithashtu duhet të theksojmë se drejtuesit e këtij organi i kanë deklaruar ekipeve tona
inspektuese, se i kanë hequr ato dhoma nga përdorimi dhe se të shoqëruarit i mbajnë në
korridorin e godinës. Mirëpo, ngjarja e ndodhur dhe hetimi ynë provoi se, në fakt ato janë në
përdorim dhe se drejtuesit e këtij organi nuk janë treguar të sinqertë me institucionin tonë.
II. Mosvleresimi i duhur nga drejtuesit e këtij organi dhe nga punonjësit e policisë i rasteve
të ndalimit dhe arrestimit të shtetasve. Ne gjykojmë se, kur punonjësi i policisë, që është
duke punuar me një person në organin e policisë, krijon bindje se ai është autor i një vepre
penale dhe vendos që personi do të duhet të ndalohet apo do të arrestohet, duhet të marrë të
gjitha masat e nevojshme për sigurimin e tij, jo vetëm që ai të moslargohet, por edhe për
sigurimin e jetës së tij. Që në këtë moment duhet organizuar puna për ruajtjen e tij permanente
me punonjës policie deri sa të përpilohen procesverbalet përkatëse të ndalimit apo të arrestimit
dhe dorëzimin e tij në dhomat e sigurisë, ku ka të dislokuar me shërbim punonjës policie në
mënyrë të përhershme. Kujtojmë se për shkak të neglizhencës së treguar nga punonjësit e
policisë gjatë kryerjes së veprimeve hetimore proceduriale me autorë të veprave penale në
ambjentet e policisë, janë larguar disa persona me rrezikshmëri të theksuar shoqërore. Raste
të tilla kanë ndodhur edhe në Drejtorinë e Policisë së Qarkut Durrës.
III. Paaftësia dhe papërgjegjshmëria e drejtuesve të Komisariatit të Policisë Durrës, të
cilët kanë përgatitur dhe miratuar plan-vendosjen e shërbimeve të policisë së rendit, si dhe
detyrat e shumta dhe koha e gjatë e shërbimit të punonjësit të policisë që ka për detyrë
mbikqyrjen e të shoqëruarëve.
Sipas “Plan-vendosjes së shërbimeve të policisë së rendit për periudhën 01.06.2009 deri
31.12.2009 të Komisariatit të Policisë Durrës”, vendi i shërbimit Komandant N/Grupi;
Përgjegjës Informacioni në Repartin e Policisë pranë Komisariatit të Policisë, detyrë të
cilën e kryente punonjësi i policisë B G ditën që ndodhi ngjarja, kishte 20 detyra:
- Të mbajë kontakte të vazhdueshme me shërbimet me qëllim që të dijë në çdo kohë
vendndodhjen e tyre.
- Të bëjë hyrje daljet e përkohshme të armatimit për shërbim sipas punonjësve të policisë
kundrejt firmës.
- Në çdo ndrresë shërbimi të japë listën e personave të shpallur në kërkim dhe atyre të
anulluar si dhe të regjistrojë në regjistrin përkatës.
- Të ushtrojë kontrolle të vazhdueshme për të siguruar gatishmërinë e rojeve që sigurojnë
objektin e Drejtorisë së Policisë, ambjent ku ndodhet edhe Reparti i Policisë.
- Të ushtrojë kontrolle të vazhdueshme në dhomat e shoqërimit në funksion të sigurimit të
të shoqëruarëve.
- Të regjistrojë në librin përkatës të gjithë personat e shoqëruar dhe të njoftojë sallën
operative për gjendjen e tyre, arësyet e shoqërimit dhe kush punoi me ta. Të verë në dijeni
shefin e policisë kriminale, shefin e rendit në përfundim të kryerjes së procedurave nga
specialistët përkatës.
- Të informojë komandën për gjendjen e dhomave të ndalimit, shqetësimet dhe problemet
që lindin gjatë 24 orëve në ambjentet e ndalimit.
- Të moslejojë futjen në dhoma të ushqimeve për të ndaluarit që ndodhen aty pa u kontrolluar
më parë imtësisht duke zbatuar kërkesat e rregullores 1075, dt. 15.09.1999 “Për sigurimin
dhe trajtimin e të paraburgosurve”.
- Të mosnxjerrë të ndaluarit nga dhomat e ndalimit për veprime në rast se nuk merren