F:\Botime Design Elvira\Librat - Arct

36
SHËNDETI MENDOR DHE TË DREJTAT E NJERIUT
masa të plota për sigurimin e tyre.
- Të sigurojë derën e jashtme të dhomave me kyç të cilin ta mbajë vetë në vend të sigurt
në kasafortë.
- Të kontrollojë rojet e brendshme të dhomave para se të marrin shërbimin, tu heqë
atyre telefonin celular, armën e brezit dhe ti sigurojë ato në kasafortë deri në përfundim
të shërbimit.
- Përpilon raporte shërbimi për ngjarje që ndodhin gjatë shërbimit.
- Të mbajë në kontroll personat e shoqëruar, për të parandaluar çdo veprim që mund të
rrezikojë jetën e tyre.
- Tu japë ndihmë të menjëhershme në rast se ka përkeqësime shëndeti duke i dërguar në
spital me një grup të gatshëm. Por në çdo rast të vërë në dijeni komandën eprore, sallën
operative.
- Të moslejojë futjen në dhomat e shoqërimit të personave të tjerë përveç në rastet kur
duhet të bëhet shoqërimi i tyre për siguri, apo për të dhënë ndihmë mjekësore.
- Të mospranojë në dhoma persona të dëmtuar, të rrahur apo të plagosur pa marrë më
parë ndihmë mjekësore. Për çdo rast të përpilojë raport shërbimi.
- Të moslejojë personat e shoqëruar të keqtrajtohen në ambjentet e dhomave nga punonjës
policie. Në rast ndodhje të njoftojë komandën eprore.
- I raporton komandës problemet e konstatuara gjatë shërbimit dhe problemet që kanë të
bëjnë me mbarëvajtjen e punës.
- Mban përgjegjësi për ruajtjen e automjeteve të bllokuara që ndodhen në ambjentet e
drejtorisë deri në momentin e largimit të tyre në pikën e bllokimit e gjithë kjo procedurë
kundrejt dokumentacionit përkates.
- Të kërkojë zbatimin e urdhërit të Shefit të Komisariatit për forcimin e regjimit të hyrjes
dhe daljes dhe për forcimin e rregullit në Repartin e Policisë.
Gjithashtu sipas këtij plan-vendosje, shërbimi në këtë vend është i organizuar 24 orë nga
ora 07.00 deri 07.00. Në fakt ditën e ngjarjes, më dt. 12.11.2009, punonjësi i policisë B G
dhe të nesërme në dt. 13.11.2009 edhe kolegu i tij B L, të cilët duhet të përmbushin të
gjitha detyrat e përshkruara më lartë, duke përfshirë edhe mbajtjen nën kontroll të personave
të shoqëruar, për të parandaluar çdo veprim që mund të rrezikojë jetën e tyre, ishin në
shërbim për një kohë prej 24 orë pa ndërprerje.
Nga moria e detyrave që ka ky vend shërbimi, si dhe nga koha e gjatë e punës prej 24 orë
pa ndërprerje që kryen punonjësi i policisë i disllokuar në këtë vend, arrihet në konkluzionin
kategorik, se përpiluesi i plan-vendosjes së shërbimeve të policisë së rendit zoti G P, me
detyrë Shef i Seksionit të Policisë së Rendit dhe miratuesi i tij zoti G P, me detyrë Shef i
Komisariatit të Policisë Durrës, e kanë bërë atë në mënyrë formale, të pa studjuar mirë
dhe të pa mbështetur në baza e mundësi reale. Është e pamundur fizikisht dhe psikologjikisht
që një punonjës policie t’i kryejë mirë të gjitha 20 detyrat e ngarkuara sipas këtij plani,
edhe në qoftë se shërbimi do të ishte i organizuar vetëm për 8 orë pune dhe jo më për 24
orë sikurse është bërë në fakt.
IV. Mungesa e kontrollit nga strukturat e Drejtorisë së Policisë së Qarkut Durrës dhe të
Drejtorisë së Përgjithshme të Policisë së Shtetit ndaj organeve vendore të policisë lidhur
me zbatimin e detyrave, të përcaktuara në Ligj, në Letër-Porosi, Urdhëra, Udhëzime,
Rekomandime e akte të tjera nënligjore, si dhe për të verifikuar bazueshmërinë, objektivitetin
dhe cilësinë e plan-vendosjeve të shërbimeve të policisë së rendit. Kujtojmë se Letër-
Porosia e Drejtorit të Përgjithshëm të Policisë së Shtetit Nr. 703, dt. 07.08.2008, e cila
sikurse përshkruam më lartë, bën fjalë për heqjen nga përdorimi të dhomave të shoqërimit