F:\Botime Design Elvira\Librat - Arct

SHËNDETI MENDOR DHE TË DREJTAT E NJERIUT 29
kushte karantine, kjo e justifikuar me faktin se ekziston një bazë ligjore e mjaftueshme siç
është ligji për Epidemiologjinë, ligji i inspektoriatit sanitar shtetëror si dhe akte të tjera
nënligjore në zbatim të këtyre ligjeve bazë (referuar përgjigjes së Ministrisë së Shëndetësisë
viti 2008). Ndërsa po rishikohej rregullorja e përgjithshme e spitalit e cila shumë shpejt do
jetë një rregullore konform standarteve të kërkuara.2. Është realizuar pjesërisht pika dy e
rekomandimit, duke u informuar se është krijuar një ambjent i vecantë për raste epidemish
dhe konkretisht gjashtë dhoma të cilat janë të pamjaftueshme për përballimin e ndonjë
pandemie siç është edhe gripi AH1N1.3. Është zgjidhur pika tre e rekomandimit për marrjen
e një shtese financiare të punonjësve të stafit mjeksor që punojnë në spitalin infektiv (mjek
dhe infermier) dhe konkretisht dhënien e shtesës për kushte pune të diferencuar nga
kategoritë e tjera edhe sipas ligjit 8689, dt.16.12.2000, “Për Parandalimin e Përhapjes së
Infeksionit HIV/AIDS”. Kjo në bazë të vendimit të Qeverisë nr. 1670 dt.24.12.2008, “Për
disa ndryshime e shtesa në vendimin nr 306, datë 27.06.2002”, ku përcaktohen një sërë
ndryshimesh nga të cilat mjekët e këtij spitali kanë përfituar. Por nga shefi i sherbimit u
informuam se në këtë vendim nuk janë përfshirë personeli i ulët (sanitare, shoferë, sekretare
etj), persona këta njësoj të ekspozuar nga HIV/AIDS sikurse edhe mjekët dhe infermierët.
Në lidhje me ambjentet e duhura që duhet të ketë ky spital në raste emergjence epidemie
masive nuk janë të mjaftueshme. Konkretisht spitali ka një kapacitet prej 80 shtretërish
(numër jo i vogël) por sipërfaqja e shtrirjes së tyre lë për të dëshiruar. Kjo me llogjikën se
dhomat duhet të jenë me më pak pacientë, pasi në të njëjtën dhomë bashkëjetojnë të
sëmurë me diagnoza të ndryshme, gjë që e vështirëson kurimin e më pas shërimin e plotë
të tyre. Kjo gjë mund dhe duhet të zgjidhet konkretisht duke transferuar dy reparte të tjera
që ndodhen në të njëjtën godinë, konkretisht reparti reumatologjisë dhe alergologjisë. Kjo
do të zgjeronte mjaftueshëm kapacitetin e spitalit infektiv duke krijuar ambjente të veçanta
për karantinën apo ndonjë epidemi masive.
Problematika e trajtuar më lart në shumë aspekte paraqitet e njëjtë për spitalet e inspektuara.
Kjo do të thotë se në tërësinë e tij shëndeti mendor po përballet me vështirësi të mëdha që
në shumë raste i faturohen mungeses se fondeve të organeve shtetërore kompetente.
1. Funksioni kryesor i Spitaleve Psikiatrike dhe i shërbimit mjeksor ndihmës është
rehabilitimi dhe përmirësimi i gjendjes së të sëmurit mendor. Ky është edhe qëllimi që jepet
si kusht parësor për zbatim në Ligjin “Për Shëndetin Mendor”. Nga të dhënat dhe gjëndja
e konstatuar në të tre objektet e inspektuara, rezultoi se kushtet dhe trajtimi i të sëmurëve,
jo vetëm që lë shumë për të dëshiruar dhe nuk premton përmirësimin e shëndetit të tyre,
por në shume raste ai ndikon në përkeqësimin e tij.
2. Kuotat ushqimore të të sëmurëve vijojnë të mbeten në nivele minimale dhe nuk jane
rishikuar në perputhje me çmimet e reja të tregut ushqimor. Për këtë qëllim kjo çështje
duhet analizuar dhe zgjidhur sa më shpejt për të përmiresuar ushqimin dhe llojshmerinë e
tij në dobi të pacienteve.
3. Ministria e Shëndetësisë ende nuk ka realizuar objektivat me Ministrinë e Punës, Çështjeve
Sociale dhe Shanseve të Barabarta, për vënien në zbatim të detyrimeve ligjore për ngritjen
e qëndrave të veçanta për pacientet të cilët strehohen në spitale psikiatrike, jo për t’u
kuruar dhe rehabilituar, por se nuk kanë se ku të rrinë. Spitalet Psikiatrike në shumicën e
tyre, shfrytëzohen si azile dhe ambjente hotelerike. Kjo, pasi familjarët apo kujdestarët
nuk pranojnë të rimarrin në shtëpi personat tashmë të abandonuar. Gjithashtu numri i
vendosur në qendrat komunitare mbetet në shifra të ulta në raport me nevojat e të sëmurëve.
4. Nga inspektimi rezultoi se personeli mjeksor ishte mjaft i rrezikuar nga pacientet pasi
nuk ekzitonin mjete efikase mjeksore dhe teknike për çmobilizimin e tyre në rast krizash