F:\Botime Design Elvira\Librat - Arct

42
SHËNDETI MENDOR DHE TË DREJTAT E NJERIUT
Edhe eksperti psikolog i Qëndrës Shqiptare për Rehabilitimin e Traumës dhe
Torturës, i cili u thirr nga ana jonë për vlerësimin e këtij rasti, arriti në këtë
konkluzion se ndaj shtetasit të mitur E. Ll. janë përdorur forma të ndryshme
torture psikologjike dhe fizike nga punonjësit e policisë.
Pretendimet e policisë se, kjo hedhje është bërë me qëllim arratisjen e tij, rezultuan
plotësisht të pavërteta. Kjo për arësye se i mituri E. Ll. ishte njohur edhe më parë
me lartësinë e madhe (9 m) nga e cila do të hidhej, pasi e kishte vizituar këtë vend
një ditë më parë. Njëkohsisht ai ishte i orientuar nga dritat e banesave ngjitur
komisariatit për rrezikshmërinë që paraqiste hedhja e tij nga ajo lartësi dhe
megjithatë ai nuk hezitoi të tentonte vetflijimin në kushtet e një tronditje dhe
presioni të fortë psikologjik.
Nga akti i ekspertimit mjeko-ligjor rezultoi se në trupin e shtetasit Edison Lleshi
u konstatuan thyerje te kockave të parakrahut të majtë, e kofshës së këmbës së
majtë dhe e kyçit të këmbës së djathtë. Duke analizuar në tërësi provat e
administruara rezultoi se, nga ana e oficerit të policisë gjyqësore në Komisariatin
e Policisë Dibër, janë kryer veprime me dashje në kundërshtim me ligjin, e për
rrjedhojë janë konsumuar elementët e veprave penale të “Torturës” dhe të
“Kryerjes së veprimeve arbitrare”, parashikuar përkatësisht nga nenet 86 dhe
250 të Kodit Penal.
Për këto arsye dhe në mbështetje të pikës 3, të nenit, 63 të Kushtetutës së Republikës së
Shqipërisë, të nenit 21/ç, të ligjit nr. 8454 datë 04.02.1999 “Për Avokatin e Popullit” dhe
në vijim të përmbushjes së detyrimeve që burojnë nga ligji nr. 9094 dt. 03.07.2003 “Për
Ratifikimin e Protokollit Opsional të Konventës kundër Torturës dhe Ndëshkimeve të tjera
Çnjerëzore dhe Degraduese (OPCAT)”, i rekomanduam Prokurorisë së Rrethit Gjyqësor
Dibër fillimin e hetimit të proçedimit penal për veprat penale të “Torturës” dhe të “Kryerjes
së veprimeve arbitrare”, parashikuar nga nenet 86 dhe 250 të Kodit Penal, në ngarkim të
shtetasit P Z, me detyrë oficer i policisë gjyqësore në Komisariatin e Policisë Dibër.
Gjithashtu nga hetimi i këtij rasti konstatuam se, nga punonjësit e policisë të Komisariatit
të Policisë Dibër, ishin kryer edhe disa shkelje ligjore dhe administrative lidhur me të
drejtat dhe detyrimet e punonjësve të policisë për shoqërimin dhe pyetjen e shtetasve në
polici, si dhe për regjistrimin e tyre në librin e personave të shoqëruar.
Për këto arsye i rekomanduam Drejtorit të Përgjithshëm të Policisë së Shtetit që të analizohet
me objektivitet kjo ngjarje dhe të fillohet procedimi disiplinor ndaj punonjësve të policisë
që kanë kryer shkeljet ligjore duke u dhënë masa disiplinore. Gjithashtu rekomanduam që
kjo ngjarje të përgjithësohet me të gjithë efektivat e Policisë së Shtetit, me qëllim që të
mospërsëriten më raste të tilla në të ardhmen.
Rekomandimi u pranua dhe filloi procedimi disiplinor ndaj 7 punonjësve të policisë dhe
konkretisht ndaj Drejtorit të Policisë së Qarkut Dibër etj. Në përfundim u ndëshkuan me
masa displinore Shefi i Komisariatit të Policisë Dibër, të cilit ju dha masa disiplinore “Shtyrje
të afatit të gradimit për 6 muaj”; Shefi i Seksionit të Parandalimit të Krimit dhe Policimit
në Komunitet në Komisariatin e Policisë Dibër, P Z, ju dha masa displinore “pezullim pa
pagese për 30 ditë”; Shefi i Rendit dhe Sigurisë së Objekteve në Komisariatin e Policisë
Dibër, X H, ju dha masa displinore “Shtyrje të afatit të gradimit për 12 muaj”; Specialistit
për Hetimin e Krimeve të Lehta në Komisariatin e Policisë Dibër, A T, ju dha masa displinore
“pezullim pa pagese për 30 ditë”; Ndihmës specialistit, Komandant Nëngrupi i Rendit dhe
Sigurisë së Objekteve në Komisariatin e Policisë Dibër, S M, ju dha masa displinore
“Shtyrje të afatit të gradimit për 12 muaj”; Ndihmës specialistit, Komandant Nëngrupi i