F:\Botime Design Elvira\Librat - Arct

34
SHËNDETI MENDOR DHE TË DREJTAT E NJERIUT
Nga ana jonë u konstatua se kërkesat (pyetjet) në vendimin organit të prokurorisë për
ekspertimin e të ndjerit ishin të pa plota. Për të arritur në një konkluzion objektiv në
përfundim të hetimit që u bë nga institucioni ynë, i kërkuam Institutit të Mjekësisë Ligjore
që të na informonte lidhur me shkakun e vdekjes së tij dhe faktin se, përse nuk jetoi i
ndjeri, megjithëse ai u dërgua i gjallë në spital. Pra, kërkuam të kqyreshin edhe dokumentat
për të na dhënë informacion nëse humbja e jetës së tij ishte pasojë e mosdhënies së
ndihmës mjekësore në kohë, për shkak të mosdhënies së ndihmës së specializuar nga
personeli mjekësor apo për shkaqe të tjera objektive.
amiljarët e të ndjerit kishin pretendime, se vetvarjen i ndjeri e kishte bërë për shkak të
ushtrimit të dhunës fizike ndaj tij nga punonjësit e policisë, por pretendimet e tyre nuk u
provuan. Megjithate lidhur me këto pretendime të familjarëve jemi në pritje të përfundimit
të aktit të ekspertimit mjeko-ligjor nga Instituti i Mjekësise Ligjore.
Nga hetimi yne lidhur me këtë ngjarje të rëndë rezultoi, se disa nga shkaqet që sollën si
pasojë vetvarjen në ambjentet e policisë të shtetasit K. B. ishin:
I. Moszbatimi nga strukturat drejtuese të Komisariatit të Policisë Durrës të Letër-Porosisë
së Drejtorit të Përgjithshëm të Policisë së Shtetit Nr. 703, dt. 07.08.2008 “Për njohjen e
raportit vlerësues paraprak të delegacionit të CTP-së dhe marrjen e masave për plotësimin e
rekomandimeve të tij”, si dhe të rekomandimeve të vazhdueshme të Avokatit të Popullit,
lidhur me ndërtimin e dhomave të shoqërimit me standartet ligjore, si dhe për heqjen nga
përdorimi dhe funksioni i atyre dhomave që nuk plotësojnë kriteret dhe kushtet domosdoshme.
Sipas pikës 2 të Letër-Porosisë, në dhomat e shoqërimit duhet të ishin vendosur stola,
karrike apo pajisje të tjera për qëndrimin ulur të personave. Mbajtja pastër, sigurimi i
ajrimit e ndriçimit natyral në këto ambjente dhe krijimi i mundësive për të kryer nevoja
personale në çdo kohë.
Ndërsa sipas pikës 4 të saj, kërkohet heqja nga përdorimi dhe funksioni i dhomave aktuale
të shoqërimit të shtetasve që nuk plotësojnë kushtet dhe kriteret e kërkuara duke krijuar
ambjente të tjera me kushte komode për trajtim njerëzor e dinjitoz, pa dyer të blinduara e
pa hekura, me dritare të përmasave normale që të lejoje hyrjen e dritës e të ajrimit të plotë
natyral, me tavolina e karrike pune, të lyera e të pastra, sipas kritereve që duhet të plotësojë
një zyrë pritje.
Mirëpo në kundërshtim të hapur me urdhërimet e bëra në këtë Letër-Porosi, drejtuesit e
policisë së këtij organi nuk kishin marrë asnjë masë në zbatim të saj. Dhomat e shoqërimit
të Komisariatit të Policisë Durrës ishin jashtë çdo standarti të kërkuar. Në këtë komisariat
nuk kishte tre dhoma shoqërimi sikurse parashikon ligji nr. 9749 , dt. 04.06.2007 “Për
Policinë e Shtetit”, por ka vetëm dy të tilla, një koridor dhe një ËC, të cilat janë në një
ambjent të përbashkët dhe pa dyer ndarëse nga njëra tjetra. Derë nuk kishte as ËC-ja dhe
si pasojë e kësaj mangësie, kur kishte dy ose më shumë persona të futur aty, ata ishin të
detyruar që të kryejnë nevojat personale në prezencë të njeri-tjetrit. Dhomat mbylleshin
nga një derë e jashtme prej hekuri e cila ishte e pajisur me shul e dryn. Ato nuk kishin
përmasat e duhura, nuk kishin ajrim, janë pa ndriçim natyral dhe akoma me keq janë edhe
pa ndriçim elektrik (errësirë e plotë gjatë natës), ishin të pa pajisura me stola apo karrike
për të qëndruar ulur të shoqëruarit.
Këto ambjente të papërshtatshme ishin konstatuar edhe më parë nga institucioni ynë gjatë
inspektimeve të bëra, që para një vit e gjysëm e në vazhdim.
Për përmirësimin e kushteve të tyre kemi bërë disa rekomandime Drejtorisë dhe Komisariatit
të Policisë Durrës, por fatkeqësisht rekomandimet tona, megjithëse janë mirëpritur në
parim, në fakt nuk kanë gjetur zbatim praktik sepse rezulton që nuk është bërë asgjë