F:\Botime Design Elvira\Librat - Arct

12
SHËNDETI MENDOR DHE TË DREJTAT E NJERIUT
2009 ishte paraqitja e rekomandimeve me karakter legjislativ, të cilat nëpërmjet propozimit
për ndryshime dhe amendime të akteve ligjore dhe nënligjore, ka patur si synim të përmirësojë
kuadrin ligjor në fuqi për parandalimin e torturës, trajtimit çnjerëzor dhe degradues, si dhe
respektimit të të drejtave të individëve.
Në Maj 2009, Avokati i Popullit u ftua nga Ministria e Drejtësisë të jepte propozimet
përkatëse për Rregulloren e Përgjithshme të Shërbimit të Provës, si një akt, zbatimi i të
cilit ka një rëndësi prioritare për respektimin e të drejtave dhe trajtimin e të dënuarve.
Mendimet e parashtruara dhe roli aktiv i mbajtur në seminaret e zhvilluara në përgjithësi
për ngritjen dhe konsolidimin e Shërbimit të Provës ishin një kontribut i veçantë që Avokati
i Popullit dha në këtë drejtim.
Në Korrik 2009, Avokati i Popullit u parashtroi gjatë një takimi me Ministrinë e Drejtësisë
dhe Drejtorinë e Përgjithshme të Burgjeve, një sërë propozimesh në kuadër të miratimit të
Rregullores së Përgjithshme të Burgjeve. Këto propozime në shumicën e tyre gjetën
konsensus dhe pasqyrim në aktin e miratuar. Njëkohësisht, përfaqësues të Njësisë për
Parandalimin e Torturës pranë Avokatit të Popullit janë caktuar si antarë të Konsorciumit
për Reformën në Burgje dhe kanë dhënë mendime të dobishme lidhur me ndryshime të
ardhshme në kuadrin ligjor dhe nënligjor për respektimin e standarteve mbi trajtimin e
personave të dënuar.
MKPT-ja është një funksion, i cili kërkon pa dyshim një punë të veçante në kuadër të
raportimit nderkombëtar. Në këtë drejtim, që me krijimin e Njesise së Parandalimin e
Tortures janë vendosur lidhje me perfaqesues të Nenkomitetin Kunder Tortures se OKBse,
Komitetit kunder Tortures së OKB-së si dhe me Komitetin për Parandalimin e Tortures
te Keshillit te Europes.
Gjithashtu ashtu siç eshte permendur edhe me lart, përfaqesues të Njësise për Parandalimin
e Torturës janë bërë pjestarë të grupeve të punës pranë Ministrisë së Punëve të Jashtme
Shqiptare, lidhur me pregatitjen e raporteve pranë Këshillit të Europes dhe Komitetit kundër
Torturës (CAT) te OKB-se. Për këtë të fundit nga ana e Avokatit të Popullit si Mekanizem
Kombetar është paraqitur gjate vitit 2008 edhe një raport i posaçëm permbledhës që ka
patur lidhje me parandalimin e torturës. Ndërkohë në bashkepunim me Ministrine e Jashtme
kane vijuar komunikimet me Nenkomitetin kundër Tortures te OKB-se, lidhur me të dhënat
dhe informacionet që ata kerkojne në mënyre periodike për punën e MKPT-se.
Në kuadër të bashkëpunimit dhe promovimit në aspektin ndërkombëtar të veprimtarisë së
MKPT-së, përfaqësues të Njësisë për Parandalimin e Torturës kanë marrë pjesë në disa
takime ndërkombëtare të zhvilluara nga OKB, Këshilli i Europës dhe OSBE, lidhur me
respektimin e të drejtave të njeriut në burgje dhe në polici, si dhe me konsolidimin e rolit
të MKPT në rajon dhe më gjerë. Në këto takime, nga ana e ekspertëve tanë janë dhënë
mendime dhe është ofruar eksperienca për një sërë praktikash inspektimi dhe mënyrën e
veprimtarisë tonë në përgjithësi. Kjo është bërë e mundur edhe falë faktit se në Kontinentin
Europian krijimi i MKPT-së është bërë nga 23 vende, midis tyre edhe Shqipëria. Ndërkohë
që në rajonin e Ballkanit, Shqipëria figuron e vetme që ka vënë në funksionim prej gati dy
vjetësh këtë strukturë. Ky fakt ka bërë të mundur që MKPT-ja Shqiptare të futet në një
program të avancuar trajnimi dhe asistence (Peer to Peer, konsolidimi i MKPT-ve) nga
ana e Këshillit të Europës dhe OKB-së, i cili ka filluar të funksionojë që nga Janari i vitit
2010 dhe do të përfshijë një sërë aktivitetesh për fuqizimin e MKPT-së shqiptare në rolin
e saj monitorues.
Së fundi është vënë re se në çdo takim ndërkombëtar, vendi ynë është vlerësuar, jo vetëm
për gatishmërinë për të ratifikuar dhe ngritur në kohë MKPT-në sipas Protokollit Opsional