F:\Botime Design Elvira\Librat - Arct

SHËNDETI MENDOR DHE TË DREJTAT E NJERIUT 31
dokumentacionit të administruar, Avokati i Popullit, me qëllim që të parandaloheshin
probleme gjatë rekrutimit në të ardhmen rekomandoi:
1. Të informohen menjëherë në rang kombëtar dhe lokal të gjithë shtetasit lidhur me
kushtet, afatet, proçedurat dhe sanksionet për rekrutimin e shtetasve shqipëtar.2. Të
përmirësohet puna për koordinimin e të dhënave të shtetasve mbi statusin e tyre arsimor
dhe shëndetësor ndërmjet qëndrave të rekrutim-mobilizimit, qarqeve, njësive të qeverisjes
vendore dhe Ministrisë së Mbrojtjes.3. Të vijojë me shpejtësi ekzaminimi i plotë mjekësor
pranë Spitalit Ushtarak, Tiranë për të kryer më tej lirime të mundshme. Për të gjithë këta
persona që do të vizitohen, të shtyhet afati i pagesës për t’u liruar nga shërbimi ushtarak
në qoftë se janë të aftë.4. Të përshpejtohen proçedurat e lirimit të ushtarëve për arsye
moshe, gjëndje familjare apo vazhdim të shkollës, pasi që nga dorëzimi i dokumentave
nga ana e familjarëve të ushtarëve deri në lirimin e tyre nga Shtabi i Përgjithshëm kalon një
periudhë jo më pak se dy javë.5. Familjarët të cilët paraqiten pranë repartit duhet të priten,
të informohen dhe t’u tregohet proçedura e saktë që duhet të ndjekin për t’u plotësuar
kërkesat e tyre për lirimin e të afërmëve.6. Personat që dukshëm paraqesin probleme të
karakterit shëndetësor duhet të përjashtohen menjëherë nga çdo stërvitje ushtarake deri
në marrjen e një vendimi përfundimtar, pas vizitave mjekësore kompetente.
Duke marrë shkas nga problematikat e gabuara të konstatuara gjatë rekrutimit forcërisht
të të rinjve shqiptarë në shërbimin e detyrueshëm ushtarak, Institucioni i Avokatit të Popullit,
organizoi më datën 27.04.2009, një tjetër inspektim në Brigadën e Stërvitjes Bazë në
Bunavi të Vlorës.Në këtë inspektim të dytë u vërejt se problemet e konstatuara në muajin
Janar 2009, në pjesën më të madhe të tyre, vazhdonin të përsëriteshin. Avokati i Popullit
i dërgoi Ministrit të Mbrojtjes dhe Shefit të Shtabit të Përgjithshëm një informacion të
plotë për atë që u konstatua dhe rekomandoi edhe një herë tjetër masat për përmirësimin
e proçesit të rekrutimit të shtetasve. Në muajin prill të vitit 2009 Ministrit të Mbrojtjes Z
Gazmend Oketa dhe Shefit të Shtabit të Përgjithshëm Gjeneral Maksim Malaj ju dërgua
Informacioni mbi studimin e kryer për funksionimin e Komisioneve Mjekësore për
rekrutimin e htetasve në Shërbimin e detyrueshëm ushtarak.
Në përgjigjen e Shtabit të Përgjithshëm, rekomandimet tona vlerësoheshin të drejta dhe
për këtë ishte zhvilluar një analizë në Komandën e Qëndrës së Personel-Rekrutimit, me
pjesëmarrjen e të gjithë shefave të Qëndrave të Rekrutim-Mobilizimit. Gjatë zhvillimit të
kësaj analize ishin bërë prezent rastet e konstatuara në rekrutimin e shtetasve në kundërshtim
me ligjin, shkaqet e mosfunksionimit të komisioneve mjeksore në Q.R.M, të mosverifikimit
të gjëndjes arsimore të shtetasve që rekrutohen si dhe shkeljet ligjore në rekrutimin e
shtetasve me pengesa ligjore.
II. Inspektim në Batalionin e Policisë Ushtarake Sauk
Avokati i Popullit kreu me inisiativën e tij në datën 19.05.2009 një inspektim në Batalionin
e Policisë Ushtarake Sauk, Tiranë. Ky inspektim kishte si qëllim kontrollin e dhomave të
ndalimit disiplinor, respektimin e të drejtave të ushtarakëve të dënuar dhe trajtimin e tyre.Në
përfundim të inspektimit u rekomandua:
1. Marrja e masave për të bërë të mundur njohjen më të mirë të rregullave mbi ndalimin
disiplinor në repart, duke u bazuar në përmbajtjen e Rregullores “Për organizimin e komisionit
disiplinor dhe proçedurat për dhënien, ekzekutimin e administrimin e masave disiplinore
për ushtarakët e Forcave të Armatosura të Republikës së Shqipërisë”, miratuar me urdhërin
Nr. 398, datë 14.06.2004 të Ministrit të Mbrojtjes.2. Ushtarakët e ndaluar disiplinarisht,
në raste të veçanta, të lejohen të flasin në telefon me familjarët, me qëllim që këta të fundit