Read - bunge .parliament.go. tz

More documents

Recommendations

Info

Kwa kuwa sasa kiwanda hiki kilishapata mwekezaji; na kwa kuwa wafanyakazi wao wapatao 567 waliahidiwa kwamba punde kiwanda kitakapopata wawekezaji, watapata kipaumbele cha kuendelea na ajira. Je, Serikali ina mpango gani kuhakikisha kwamba mwekezaji huyu anaendelea kuwarudisha wafanyakazi hawa katika ajira yao Mheshimiwa Spika, swali la pili, kwa kuwa wafanyakazi hao 567 bado wana madai yao mbalimbali toka mwaka 1997 na hadi leo hii hawajakamilishiwa madai yao. Serikali ina mpango gani wa kuhakikisha kwamba wafanyakazi hawa wanalipwa mafao yao sawasawa kabla mwekezaji hajaanza kazi yake ipasavyo katika kiwanda hiki NAIBU WAZIRI WA KILIMO, CHAKULA NA USHIRIKA: Mheshimiwa Spika, kwa kuwa sasa tumemaliza mgogoro ule na kiwanda kinatakiwa kifanye kazi, habari ya wafanyakazi, matatizo waliyokuwa nayo yatashughulikiwa kwa mujibu wa sheria za ajira. Tutashirikiana na kampuni ile, tutashirikiana na Wizara ya Kazi inayohusika kuangalia haki za wafanyakazi hao ambazo zimelindwa au zilivyo na kwa hakika kwa vyovyote vile hatutawadhulumu. Mheshimiwa Spika, tutakachokifanya ni kufuata tu sheria za ajira na haki za wafanyakazi zinalindwa namna gani. Naomba awe na subira, Serikali itazishughulikia. MHE. MODESTUS D. KILUFI: Mheshimiwa Spika, nashukuru sana. Naomba kumuuliza Mheshimiwa Waziri kwamba wafanyakazi wa Mbarali NAFCO na Kampunga NAFCO, wanadai madai yao ya kulipwa fidia baada ya mashamba hayo kubinafsishwa bila mafanikio. Wamefika mpaka Mahakamani, Mahakama imeamuru walipwe, lakini mpaka sasa bado hawajalipwa. Je, Mheshimiwa Waziri atanihakikishia kwamba atasaidia kuhakikisha wananchi hawa wanapata haki zao SPIKA: Haya, swali lingine kabisa! Mheshimiwa Naibu Waziri, majibu! NAIBU WAZIRI WA KILIMO, CHAKULA NA USHIRIKA: Mheshimiwa Spika, nilikuwa Mbarali takriban wiki tatu zilizopita, sikuongea na wafanyakazi, lakini niliweza kupata malalamiko ya wafanyakazi walioko pale. Ninachoweza kusema tu ni kwamba, suala la wafanyakazi pale, kama bado wana matatizo ambayo hayajakamilika, nalo tutalishughulikia. Najua wana matatizo mengi zaidi ya hilo, ikiwa ni pamoja na mashamba ambayo walitaka yashughulikiwe. Kwa bahati nilimwambia hata Mheshimiwa Kilufi kwamba nilipokuwa kule nimetoa ahadi ya Serikali kwamba wananchi wote waliokuwa katika shamba lile, tumetoa ahadi, Serikali imetoa shilingi milioni 500, tuwatengenezee mashamba ya umwagiliaji pembeni, wakati matatizo mengine yanashughulikiwa na Serikali. Kwa hiyo, naomba pia Mheshimiwa Kilufi naye awe na subira. Lakini wakati wanasubiri hili tatizo lao la wafanyakazi, wafanyakazi wale followback position, kupata maeneo mengine tumelishughulikia tayari. MHE. AUGUSTINO M. MASELE aliuliza:- Na. 496 Mfumo wa Stakabadhi kwa Zao la Pamba Bei ya zao la pamba nchini imekuwa haitabiriki ambapo Serikali ikitoa bei elekezi ambayo ni ya chini sana na kutoa mwanya kwa wafanyabiashara wa zao hilo kununua kwa bei ndogo kisha wao kuuza kwa bei kubwa na kupata faida zaidi ya wakulima ambao hubaki maskini na hivyo kutishia uzalishaji wa zao hilo:- (a) Je, Serikali ina mpango gani wa kuboresha mfumo wa stakabadhi ghalani ambao utawalinda wakulima wa zao la pamba wasiendelee kupunjwa na wachuuzi wanaolangua pamba (b) Je, kuna ukweli wowote kuwa Benki ya NMB ina mpango wa kudhamini mfumo wa stakabadhi ghalani 10
NAIBU WAZIRI WA KILIMO, CHAKULA NA USHIRIKA alijibu:- Mheshimiwa Spika, napenda kujibu swali la Mheshimiwa Augustino M. Masele, Mbunge wa Mbogwe lenye sehemu (a) na (b) kama ifuatavyo:- (a) Mheshimiwa Spika, bei ya pamba hapa nchini inatawaliwa na mwenendo wa bei katika Soko la Dunia. Kwa lengo la kulinda maslahi ya wakulima wa pamba, Serikali imeweka utaratibu wa wadau kukutana kabla ya msimu kuanza na mara bei zinapobadilika ili kuweka bei dira. Bei dira maana yake ni nini, ni bei ambayo mnunuzi haruhusiwi kununua chini ya bei hiyo. Mfumo wa stakabadhi ghalani ulianza kwenye mazao ya pamba na kahawa, lakini haukuonesha mafanikio kwa upande wa zao la pamba kutokana na kudorora kwa ushirika wa pamba, kwa sababu ufanisi wa mfumo huo hutegemea kwa kiwango kikubwa, uimara wa Vyama vya Ushirika. Ili mfumo huo umnufaishe moja kwa moja mkulima, ni muhimu wakulima kujiunga katika Vyama vya Ushirika imara ambavyo vina uwezo wa kukopesheka. Mheshimiwa Spika, mkakati uliopo ni wa kuhamasisha wakulima kuunda vikundi vya wakulima ambavyo kwa kuanzia vitasajiliwa kama pre-cooperatives kwa lengo la kuimarisha ushirika katika ngazi ya chini. Baada ya vikundi kuimarika na kuingia kwenye Vyama vya Msingi, dhamira ya Serikali ni kuanzisha mfumo wa stakabadhi ghalani katika zao la pamba. Pamoja na kuwa na Vyama vya Ushirika, ili mkulima apate faida ni muhimu kuwepo na viwanda vitakavyomwezesha mkulima kuchambua pamba yake ili aweze kuuza nyuzi na mbegu badala ya kuuza pamba ambayo haijachambuliwa. (b) Mheshimiwa Spika, kupitia mfumo wa stakabadhi ghalani, wakulima wameweza kujipatia mikopo kutoka Benki za NMB, CRDB na KCB. Kwa mfano, katika msimu wa 2009/2010, NMB ilitoa shilingi bilioni 20.66 na kuongeza hadi shilingi bilioni 42.9 katika msimu wa 2010/2011 hasa katika zao la korosho. Kwa hiyo, ni kweli kwamba NMB inadhamini mfumo wa stakabadhi ghalani. MHE. AUGUSTINO M. MASELE: Mheshimiwa Spika, nakushukuru kwa kunipatia nafasi ili niweze kumuuliza Naibu Waziri maswali mawili ya nyongeza kama ifuatavyo:- Kwa kuwa zao la pamba linasimamiwa na Bodi ya Pamba hapa nchini Tanzania; lakini kwa bahati mbaya sana inaonekana kwamba Bodi ya Pamba imeshindwa wajibu wake, badala yake inaonekana kwamba inafanya kazi ya uwakala wa wanunuzi wa zao la pamba. Nasema hili kwa sababu... SPIKA: Naomba upunguze, usitupigie hotuba maana unasema peke yako! Malizia swali ni nini sasa! MHE. AUGUSTINO M. MASELE: Nataka kuiuliza Serikali, ina mpango gani wa kuwasaidia wakulima kuondokana na Bodi ya Pamba kuwa inawapangia bei kwa sababu, bei iliyopangwa sasa hivi ilikuwa ni 1500/= na 1100/=. Baada ya wafanyabiashara kuona.... SPIKA: Mheshimiwa, uliza swali ndipo tutakuelewa, maana ukizunguka sisi wenzio hatukuelewi pia. Uliza, swali lako nini MHE. AUGUSTINO M. MASELE: Nataka kuuliza kwamba Bodi ya Pamba sasa imefikia wapi kuhusu suala la bei ya pamba ambayo sasa hivi haijulikani ni shilingi ngapi (Makofi) WAZIRI WA KILIMO, CHAKULA NA USHIRIKA: Mheshimiwa Spika, kwanza, napenda nimpongeze Mheshimiwa Naibu Waziri kwa majibu mazuri. Mheshimiwa Spika, Bodi ya Pamba haikupanga bei ya pamba. Bei lengwa ya pamba ilipangwa na wadau wa pamba na bei hiyo ilipangwa kutegemeana na bei ya pamba duniani. Bei ya mwanzo ya pamba ilipokuwa inapangwa tarehe 9 Juni, bei ya dunia ya pamba ilikuwa Dola 1.54 za Kimarekani. Baadaye bei hiyo ilishuka mpaka hata ilifikia Dola 1.08. Kwa hiyo, hakuna kitu ambacho Bodi ya Pamba ingefanya kuzuia pamba hapa kwenye soko letu ibakie katika lengo lile lililokuwa limewekwa awali. Hata hivyo, bei ya pamba sasa imeanza kupanda na katika Wilaya nyingi ikiwemo Wilaya 11
Page 1 and 2: BUNGE LA TANZANIA ________ MAJADILI
Page 3 and 4: ambalo ni muhimu na ambalo kwa kwel
Page 5 and 6: Lakini pia tumetafakari eneo linalo
Page 7 and 8: hayo kutoa maoni ya mwisho ambapo h
Page 9: NAIBU WAZIRI WA MAWASILIANO, SAYANS
Page 13 and 14: NAIBU WAZIRI WA UJENZI: Mheshimiwa
Page 15 and 16: Mheshimiwa Spika, hadi sasa ufuaji
Page 17 and 18: Tanzania Human Rights Report 2010,
Page 19 and 20: Naomba wanafunzi msikubali shirika
Page 21 and 22: Kwa hiyo, kosa liko kwa wanunuzi we
Page 23 and 24: nikiwa hapa Bungeni nawashukuruni s
Page 25 and 26: katika Halmashauri zetu nchini hapa
Page 27 and 28: Kwa hiyo nilikuwa naomba sana Mhesh
Page 29 and 30: Mheshimiwa Spika, wine inayotengene
Page 31 and 32: katika vyombo hivi upo mashakani. H
Page 33 and 34: fedha na hivyo kuwa chini ya mchang
Page 35 and 36: arabara, shule, zahanati na kadhali
Page 37 and 38: hata kusalimisha magari hayo kama n
Page 39 and 40: zilizopendekezwa), Serikali iziweze
Page 41 and 42: Mheshimiwa Spika, Wizara inapaswa k
Page 43 and 44: Pili, kupunguza misamaha ya kodi ya
Page 45 and 46: MHE. MESHACK J. OPULUKWA: Mheshimiw
Page 47 and 48: msukumo mkubwa kwenye sekta ya umem
Page 49 and 50: nyingi kama vile gharama za uendesh
Page 51 and 52: Mheshimiwa Spika, Serikali imekuwa
Page 53 and 54: Mheshimiwa Spika, wastaafu wengi ha
Page 55 and 56: yao wenyewe binafsi na kusababisha
Page 57 and 58: ajeti nzima ya mwaka mmoja. Bajeti
Page 59 and 60: - Kwa nini Benki Kuu ya Tanzania il
Page 61 and 62:
kupunguza kodi ya mafuta ya taa, di
Page 63 and 64:
na wale wote wenye uwezo wa kulipa
Page 65 and 66:
Mheshimiwa Spika, naoimba Wizara kw
Page 67 and 68:
na wa muda wote. Kianzishwe kitengo
Page 69 and 70:
Mheshimiwa Spika, naomba kuwasilish
Page 71 and 72:
Bajeti hiyo haiwafikii kabisa na ba
Page 73 and 74:
Mwanza na Dar-es-Salaam pekee. Usha
Page 75 and 76:
Mheshimiwa Spika, kulikuwa na hoja
Page 77 and 78:
Mheshimiwa Spika, hoja ya kwanza am
Page 79 and 80:
Matiko, Mheshimiwa Christina Mughwa
Page 81 and 82:
Mheshimiwa Spika, hoja nyingine ili
Page 83 and 84:
WAZIRI WA FEDHA: Mheshimiwa Spika,
Page 85 and 86:
MWENYEKITI: Sisi tulichotegemea pal
Page 87 and 88:
na fedha wanazokopa kwenye Benki ku
Page 89 and 90:
niliyonunulia magari kwenye Kampuni
Page 91 and 92:
NAIBU WAZIRI WA FEDHA (MHE. GREGORY
Page 93 and 94:
Kif. 1007 - MCC Tanzania ……….
Page 95 and 96:
Kanuni ya 105(4) inasema; “Muswad
Page 97 and 98:
Mpango huu unakusudia kuharakisha u
Page 99 and 100:
Mheshimiwa Spika, mpango wa maendel
Page 101 and 102:
Kenya inanunua zaidi ya mara tatu a
Page 103 and 104:
(v) Kupanua uzalishaji wa mazao mak
Page 105 and 106:
Mwanza - shilingi 829,647 Manyara -
Page 107 and 108:
Mwaka 2011, watalii wa Kimataifa wa
Page 109 and 110:
Elimu ya masafa inaweza kutolewa ma
Page 111 and 112:
Mheshimiwa Spika, sina maelezo ya k
Page 113 and 114:
Waheshimiwa Wabunge, aidha Naibu Sp
show all

Read - bunge .parliament.go. tz

Create successful ePaper yourself

Delete template?

Save as template?