Arkel – ein historischer Ort - Evangelisch-altreformierte Kirche in ...

2
döre hen kieken. Soa hadde hee segt. - Soa
schöot’t mij dan in de gedachten: Du wis de
oule Kaiser moal upsöken. Gedacht – gedoan!
Ik kwamp an’t slot. Door stönd `nen posten,
dee sä: „Halt, wer da?“ - „Nuw“, sä ik, „sachte
an, kens du Wottelharm nich? Nä? Dan loat’t
dij vanoavend van de Kaiser vertellen!“
Door stünd d’r ok al ‘ne ordonanz, ’nen
leutnant, de fröög: „Sie wünschen?“ - „Ik sin
Wottelharm aus Tinholt in de Groafschup en
wul de Herr Kaiser sprechen“, sä ik, „er hat
mich schon fake genötigt.“ „Eure Papiere!“
Wisse, miene papiere, dee had ik in ödder, en
door mus hee vöör stoan.
Soadöenig wöörd ik meldt bij’n adjutanten,
et güng van ene kamer in de andere. Antlesde
smeet hee ’ne grote flögeldöre lös, soa
groot as ’ne neendöre bij uns. Den adjutant
möök meldung: „Majestät“, sä hee, „Wottelharm
aus Tinholt zur Stelle“. En tegen mij:
„Majestät läßt bitten!“
Wat heb ik de oule man pleseer andoan
met mien kummen! Hee kwamp up mij anlopen:
„Wottelharm“, sä hee, „Wottelharm, daß
du noch an mich denkst!“ En nuw güng’t an’t
froagen: „Weißt du noch von Sedan? Denkt
dich das noch? As ik dich nicht gehabt hätte
– Moltke allein hätt’s auch nicht gekonnt!
Wottelharm“, sä hee, „wie ist`s in de Groafschup?
Blööjt de Kartoffels al? Wie ist’s ins
Venne? Habt ihr den Torf aus die Kuhlen?“
All’s woll hee wetten; joa, joa, hee proatde
met mij net as’n gewoon mensche. - En up’t
lesde – wij bäide was’n up’n gang an’t
wa’deln, hee klopde mij een up`t andere moal
up de schulder - antlesde fröög hee mij: „Wottelharm,
hast du schon gegessen?“ Ik sä:
„Nein, Herr Kaiser, mit all die drokte ist das
dabei verbleven!“ - „Was“, sä de oule, gude
man, „Wottelharm, du hast noch nicht gegessen?
Dann schick bei uns an!“ - „Herr Kaiser“,
sä ik, „ich bin man `nen gewonen buur!“ -
„Niks, niks“, sä hee, „bei Sedan warst du auch
man ’nen gewonen Soldat, un du hast sicher
nicht das minste getan! Du bleibst über Mittag
bei uns!“ Soa proatde hee met mij, as wij
net bij de kökken langs kwammen. De Kaiser
smeet de döre lös – et röök door lekker van al
de pannen en schöttels, dat seg ’k uw! Ik keek
88
GESCHICHTE DER ORTSTEILE
de Kaiser over de schulder, door stünd de Kaiserin,
’n wit schuut vöör.
„Auguste“, rööp de Kaiser, „Wottelharm
aus Tinholt schickt heute bei uns an die Tafel!
Schmeiß d’r noch ein Kotlet mehr in die
Panne!“
Wottelharm pesserde wat
Dat Kotlet bij Kaisers hadde best smaakt, en
wij güngen in’n goren. De Kaiser wol mij
noch’n paar blöömpies föör miene Geese noa
Tinholt metgeven. De wichter van de oule
Kaiser, de prinzessen, kwammen achter uns
an. See keken mij alltied van de siede an en
glimlachden. Et wassen knappe wichter.
Bij’n mooj beet met roade blöömpies bleef
de Kaiser stoan en sä: „Wottelharm“, sä hee,
„hier hast du was für deine Geese in Tinholt!“
Ik bükde mij en plükde ’n paar. Men door
melde sik dat kotlet en den pudding en al dat
fine wark in mien’n buuk, en et pesserde wat.
Joa, joa, et pesserde wat, wat menslik is.
De Kaiser keek heel stief uut en meende:
„Wottelharm“, sä hee, „Wottelharm, das grummelde
as die Kanonen bei Sedan!“ Men de
prinzessen, dee schreewden en juuchden’t uut.
„Herr Kaiser“, sä ik, „Herr Kaiser, et is pesseert!“
- Men doorbij keek ik jümmer noch de
gammelnden wichter an: „Herr Kaiser, wat
kan’m de kinder met `ne kläinigkäit doch ’ne
masse pleseer maken!“
Aus „Die Gläserne Kutsche“, Seite 109–111
(L.Sager)