Der Burgbote 2007 (Jahrgang 87)

50 Johr, en lange ZIck
Als Dänzer nur e janz kiel Leech
daacht ich, ich maach e klein Jedeech,
als Dankeschön vun dem Ballett, dat
wör doch jet, dat wör doch nett.
Zu Ihre vun dem Meisterpaar,
dem Pitter un der Hilde. Klar
dat jede Stroph brucht janz am Eng
zom Schloß och noch ene Refreng.
Dröm nohm ich unsre Trinksproch her.
Ihr kennt en all, der is nit schwer.
Wer dä nit kennt, der muss en liere,
Mer können et jo ens probeere.
Am Aanfang heißt der, janz jenau:
Dreimol Cacilia, wau wau.
Dat Zillchespell is jrad vorbei
„Vun nix kütt nix" de Nummer zwei
dat wor dat Stock en diesem johr.
Et wor ne Renner, dat es klor.
Knapp fünnef Woche es et her
em Opernhuus wor de Premier.
All hamer lang dovür probeet
un alles richtig enstudeet.
De Vorstellung es joot jelunge
all han se schön un laut jesunge.
Un uns Ballett, dat wor famos,
dä Beifall, dä wor riesenjrooß.
jeklatsch han se met vill Radau
Dreimol Cäcilia, wau wau.
Als Schwäncher un met Entedanz
hamer brilljeert em Lichterjlanz.
Doch ben ich nit su avjehowe
un well uns jar nit selver lowe.
Denn noh dem Danz, jrad vür der Paus
do jov et noch ens deck Applaus:
et jing dorüm ne Mann zo ihre
un im dovür zu jratuleere
dat hä zick 50 lange Johr
für dat Ballett zoständig wor.
Hä mät de Choreographie
met Schwung un Schmackes, äwer wie,
dä leeve Pitter, un sing Frau.
Dreimol Cäcilia, wau wau.
Dä Schnitzlers Pitter es bekannt
bei jung un Alt em janze Land.
Hä es en Institution
nu soß hä do, op singem Tron.
28