Der Burgbote 2007 (Jahrgang 87)

Sangesfründe
Sangesfründe sin och Minsche, die et iosse klinge,
wenn se schön zesamme singe.
Doch, bevür mer se kann lobe, müssen se etz düchtich probe.
Dä Erfolg steht dann „in Frage", wenn se dobei zo vill schwaade.
Da Dirijent, wie opjelaade, es dann zo Rääch met uns en Rage.
Dröm hürt op minge joode Rot, he weed jesunge un nit jeschwaad.
Noh 'ner Prob' es mer dann jlöcklich, ne Deil vun uns, jo, dä verdröck sich.
Die blieve, quatsche dann vun Mann zu Mann, denn jeder hätt jet op der Rann!
jitz künne se ens düchtich schwaade, et neuste kann mer kaum erwaade.
De Stimmung klemmp dann op de Spetz, ejal wie alt su manche Wetz.
Manch einer, och met decke Locke, weed dann durch dä Kakau jetrocke.
Kurseere deit su manche Määr, mer fröch sich off: „Wo kütt die her?"
De Muul weed drüsch vum ville schwaade,
drop muß mer sich met Kölsch jet laabe.
Un jet ze käuje für dä Mage, dä bruch sich dann nit zo beklage.
Säht ming Uhr, dat jitz es Schluß, jonn ich mem Ress verjnöch noh Hus.
Doch beim Kunzäät, et klink vermesse,
es all dä Probeknies verjesse.
All sin se en dä Frack jesprunge un han noch nie esu joot jesunge!
Ov dä Frack dat hätt jemaat? En Antwort han ich nit paraat.
Schleesse deit sich dann dä Kreis: Wä nit prob', kritt keine Preis!
Su jeiht dat dann vun johr zo Johr, dönn weeden dobei manche Hoor.
Lieht noh su langsam unse Schwung, schön bliev dann die Erinnerung!
Un es et eines Dags su wigg, hätt mer op einmol janz vill Zick.
Dä Herrjott röf dich heim, no bowe, ding Treu hat's do ihm stet jejowe.
Do mus von dinge Fründe jonn, die ärch bedrööv am Jrav dann stonn.
Nur joot han die dich dann em Senn, un denke aan et Widdersinnl
Bernhard Trompertz
96