Der Burgbote 2017 (Jahrgang 97)

De Jruppe 66 im Emsland
Dä Mai es jo en schöne Zick,
dröm wor et widder ens su wick:
en Jruppetour stand op dem Plan.
Am Samstag Morje sin mer dann
bei schönem Wedder losjefahre,
noh Norde, wo mer noch nit wore.
En’t Emsland jingk et janz konkret,
dat es schon ens ne Usfloch wäät.
Mir han dann do jo och erfahre
wat Berentzen en all dä Johre
für Menge Schnaps hät produzeert.
Natürlich han mer och probeert
un deite e paar Fläschjer kaufe
dä künne mer zu Huus dann … drinke.
Jetz jingk et wigger. Flück zo Fooss
sin mir dann widder bis zum Bus.
Dä Bus fuhr uns dann e klein Stöck
noh Sögel, doch dat wor nit wigg.
Dä Clemenswerther Hof, dä wor
dat Ziel für hück. Et jingk dann do
Do han mer dann janz schön jesesse,
un joot jedrunke un jejesse.
Ich han dann, wie en all dä Johre
e klein Jedeech noch vürjedrage.
Et wor janz löstich, kom joot an
un noch e bessje später dann
han ich de Quetsch erus jeholt,
weil mäncher noch jet singe wollt.
Mer han dann och noch lang jesunge.
Kootöm, dä Ovend wor jelunge.
Dröm wood et jo och zimlich spät,
un plötzlich wore mir dann mööd.
Am nöchste Morje, koot noh Nüng
em allerschönste Sunnesching
- do hät dä Petrus für jesorch -
jingk et dann los noh Papenburg.
Mer han uns jedes Huus beluurt,
dat hät och janz schön lang jeduurt.
Dobei deit se och Wetz vürdrage,
dat wor janz wetzich, kann mer sage.
Doch hatte mir nit vill em Mage
dröm sin mer dann zuröckjefahre,
han em Hotel noch jet jejesse
un och jemöötlich dojesesse.
Dann jingk et widder en dä Bus
op Richtung heim an, ab noh Hus.
Am Ovend vürher wor et spät,
dröm wor mäncheiner och jet mööd
2.2017 | 40
Su hatte mir jo dat Verjnöje
zesamme widder uszufleje.
Die Usjlöch sin jo immer schön,
dröm Fleje mir och immer jään.
Zueesch jing et noh Haselünne.
Do han mer dann jet esse künne.
Mir sin tirek in‘t Städtche ren
un han uns do jet ömjesin.
Jestärk un satt jov et dann jet,
wat mir janz jot fefalle hät.
Denn et stund jo op unserm Plan,
dat mir do och en Führung han
bei Berentzen, wer kenn dä nit.
Dä Appelkoon, dä wor d‘r Hit
alld fröher, en dä 70er Johre,
wo mir jo all noch jünger wore.
Wer hät dä domols nit probeert
un dann dä Alkohol jespürt.
Ich han do su Erinnerunge
un kann nur sage: Junge, Junge.
Mir sin dann en die Brennerei,
die Andre wore och dobei,
do wor die Führung anjesaht,
die han mer dann all metjemaht.
koot op de Zimmer, doch dann sin
mir och noch en de Stadt eren.
Noh all dä Fahrerei em Bus
wor dä Spazierjang ne Jenuss.
Janz en der Nöh vun dem Hotel
do wor e Schloss. Mer sin dann schnell
mit e paar Lück ze Fooss do hin
un han uns dat dann anjesin.
Dat heeß jo Clemenswerth, dat Schloss,
dä Clemens-August wor dä Boss.
Hä hät en Sögel, wie mer saat
jo nur ne Zweitwohnsetz jehat.
Ihr hat bestemp vun dem jehürt,
dä hät en Brühl doch resideert.
Dann moote mer och widder flück
ze Fooss en et Hotel zuröck.
Mer han uns ömjetrocke, klor
un frisch jemaat, denn Ovends wor
ne Jruppeovend anjesaat.
Do han mer all schon drop jewaat.
De Meyer-Werft, die kannt ich zwor
vum Hüresage, dat es klor,
doch hat ich die noch nie jesin.
Mir sin dann mit dem Bus do hin.
Do deit en Frau alld op uns wade,
die kunnt su herrlich löstich schwade,
jespick met luuter schön Kamelle
deit die uns jo janz vill verzälle
vun Kreuzfahrtschiffe un esu,
mir hürte janz bejeistert zu.
Dat wor echt löstich, muss ich sage,
mir han do wirklich vill erfahre
wie su ne Scheffsbau funktioneert
un wat do all su zojehürt.
Un alls de Führung dann vürbei,
do hatte mer jo noch nit frei.
Die Frau hät jo nix vürjehat
un es mit uns dann durch de Stadt.
Mem Bus, do jingk et hin un her
vun rächs noh links, un krütz un quer.
un hät de Auge zojemaht,
e janz klein Nickerche jemaht.
Su kome mer en Kölle an,
sen us em Bus erus, un dann
es jeder jo für sich noh Hus.
Un domit mach ich jetz och Schluss.
Nur eines noch, dat sag ich jähn:
et wor ens widder richtig schön.
Zwei Lück han dat orjaniseert,
dä jetz noch unsre Dank jebührt:
dä Stefan und dä Rolf, die zwei
die wore selvs och met dobei.
Jeder ne halve Jruppebaas,
hatte die beide och vill Spass
Un eines es für mich janz klor:
ich freu mich op nöchste Johr.
Manfred Schreier
2.2017 | 41 Gruppe 66