XX. mendeko euskal literatura - Etxepare, Euskal Institutua
XX. mendeko euskal literatura - Etxepare, Euskal Institutua
XX. mendeko euskal literatura - Etxepare, Euskal Institutua
Create successful ePaper yourself
Turn your PDF publications into a flip-book with our unique Google optimized e-Paper software.
42<br />
Kirmen Uribe<br />
Azken urteetan nabarmendu diren beste bi idazle<br />
Kirmen Uribe (1970) eta Unai Elorriaga (1972) dira.<br />
Biek Espainiako Literatur Sari Nazionala jaso zuten<br />
beren lehen nobelagatik, 2009an eta 2002an hurrenez<br />
hurren. Elorriagak orain arte argitaraturiko lanen<br />
artean –Van’t Hoffen ilea (2003), Vredaman (2005),<br />
Londres Kartoizkoa da (2009)– aipagarriena da<br />
SPrako tranbia (2003). Nobela hainbat hizkuntzetara<br />
itzuli dute eta zinemara egokitu zuen Aitzol Aramaiok<br />
2007an. Lanak Alzheimerraren eraginez oroimena<br />
galtzen ari den Lucas du protagonista. Bi kontuk mantentzen<br />
dute Lucas bizirik: Shisha Pagma igotzea eta<br />
jadanik hilda dagoen emaztearen oroitzapena. Lucasekin<br />
batera bere arreba Maria eta haiekin bizitzera<br />
joango den Marcos gaztea azaltzen dira. Elorriagak<br />
gehien estimatzen dituen idazleen artean daude Jorge<br />
Luis Borges, Julio Cortazar, Juan Rulfo eta William<br />
Faulkner, eta, hain zuzen, azken horren eragina sumatu<br />
daiteke SPrako tranbian. Faulknerren Hotsa<br />
eta ardaila nobelan erabilitako ahots aniztasuna<br />
bere eginez, oroimen arazoak tarteko fantasiaren eta<br />
errealitatearen artean bereizteko gai ez den Lucasen<br />
mundua gerturatzen digu egile bizkaitarrak.