Euskal Kostaldearen Turismo Gida-Plana - es=Industriaeu=Industria

4. ARDATZA > Turismoa urte‐garaien araberakoa izan ez dadin bultzatzeko produktu turistikoa sortzea
4. ARDATZAREN GARAPEN OPERAZIONALA
4.1 ILDOA > Itsasoaren Kulturarekin lotutako jardueren programa estrategikoa garatzea.
Getariako Balenciaga Fundazio Museoa babestea.
EE
Turismo
Sailburuordetza
Admin./Kud
eaketa
Garapenerako oharrak
Ildo honen oinarria turismo kulturalaren eskaintza eratzeko asmoa da, beste batzuekiko elementu bereizle
izan dadin, itsasoarekiko, arrantzarekiko eta itsas merkataritzarekiko duen atxikimenduari dagokionez
euskal herriaren ibilbide historikoa eta garrantzia oinarri hartuta.
Turistari ezagutza transmititzeko ez ezik, ondare zabal eta konplexua berreskuratzeko, babesteko eta
sozializatzeko elementu ere bihurtu beharko du; hau da, bizitza ulertzeko modu. Horrekin, ondareari balioa
eman nahi zaio (ondasun higigarri nahiz higiezinak, tradizioak, ekitaldiak eta ofizioak), kontsumo
turistikoaren prozesuan txertatzeko.
Itsas ondarearen elementu garrantzitsuak berreskuratu behar dituen programa (bai kostaldekoa, bai
higigarria), haiek birgaituta eta berrinterpretatuta, nortasun‐ezaugarriak galdu gabe, betiere. Itsasertzeko
udalerri bakoitzaren errealitatean eta berezitasunean txertatutako jarduera multzoa izango da eta
osotasuneko ikuspegia izango du; itsas ondarea izango da horren ardatz, eta horren gainean oinarrituko da
Euskal Kostaldearen eskaintza turistiko berria.
Oinarri horiek finkatzeko ondare‐elementu ugari dago. Eskaintza autentikoa, egiazkoa eta berezia egiteko,
giza osagaia gehitu besterik ez zaio egin behar. Portuetako espazioen garrantzia nabarmendu behar da
itsasoaren batasun‐elementu gisa, historia gordetzen baitute, eta gaur egun irauten duen jarduera
ekonomikoaren isla baitira.
Era berean, ondare kulturala helburu turistikoekin erabiltzeak ahalbidetuko du (arrantzaren sektorera
bideratutako beste dibertsifikazio ekonomikoko neurri batzuekin batera) Euskal Kostaldeko gune batzuk
ekonomia mailan berraktibatzea. Horretarako, beraz, arrantzaren sektorearen beraren parte‐hartze aktiboa
eta garatuko diren arrantza‐turismoko proposamenetan autentikotasuna bermatu beharko dira.
Ondorioz, ezinbestekotzat hartzen dugu itsas ondarearen eta itsasoko profesionalen inguruan eskaintza
turistiko osatua egituratzea.
Hasiera batean, jarduera‐programak itsas ondarea eskaintza turistikoan integratzeko urratsak ezarri
beharko ditu, hura berreskuratu ahal izateko, babesteko eta hainbat jardueraren bidez sozializatzeko.
Hori egin aurretik, itsas ondarearen inbentarioa egitea proposatzen dugu. Horrek bi helburu izango ditu:
‐ Alde batetik, kontserba‐fabrika, ontziola eta ondare higigarrien inguruan aurretik egindako
inbentario partzialak eguneratzea (haien mantentze‐egoera egiaztatzeko eta zer elementu
desagertu diren jakiteko).
‐ Eta bestetik, inbentariotan ez dauden itsas ondarearen elementuak sartzea. Horrekin lotuta,
Udalarrantz, Eusko Ikaskuntzaren laguntzarekin, Mare Vascorum izeneko ikerketa‐proiektua ari da
egiten.
Gero, itsas ondareari dagokionez gizartearen kontzientziazio‐ eta hedapen‐lanak (sentsibilizazioa) egin
beharko dira, eta arlo horretan jarduera zorrotza egiten ari diren erakundeei babesa eman beharko zaie.
Eskuragarri dauden baliabideak hobeto ezagutzeko eta aprobetxatzeko, eta ekimenak bikoiztuta egin ez
daitezen, itsas ondarearen eta portuen inguruan lan egiten duten erakunde eta eragile publiko nahiz
pribatuen arteko jarduerak koordinatu beharko dira.
Horrez gain, kostaldeko ondare higigarria berreskuratzeko eta birgaitzeko ekintzak modu iraunkorrean
egitea gomendatzen dugu, haien erabilera turistikoa sustatzeko. Askotan, aurretik dauden higiezinetan
erabilera berriak egokitzea izan daiteke irtenbidea, birgaitzeak bideratzeko mekanismo gisa, eta era berean,
garapen berrietarako ingurune urbanoetan espazio gutxi izatearen arazoa konponduko genuke. Ondare
higigarriari aplikatu beharreko tratamenduak garrantzi gehiago izango du eta horixe da ontzi tradizional eta
POLITIKA ESTRATEGIKOA ETA PLANGINTZA / PLANGINTZA OPERAZIONALA
59