Euskal Kostaldearen Turismo Gida-Plana - es=Industriaeu=Industria

4. ARDATZA > Turismoa urte‐garaien araberakoa izan ez dadin bultzatzeko produktu turistikoa sortzea
4. ARDATZAREN GARAPEN OPERAZIONALA
4.2 ILDOA > Eskaintza, oro har, hobetzea eta hondartzei edukiak ematea.
Plangintza horrekin, erabiltzaileen segurtasun‐ eta higiene‐baldintzak arautu nahi dira, baita zerbitzuen
ordenamendua ere; betiere, turistarentzat diseinu erakargarria mantenduta eta hiri‐hondartzetan erabilerakategoriak
ezarrita. Hondartza hauetan izango dute eragina erabilera publikoko planek: Hondarribia,
Zurriola, Kontxa, Ondarreta eta Santa Klara (Donostia), Antilla eta Oribarzar (Orio), Zarautz, Malkorbe eta
Gaztetape (Getaria), Santiago eta Itzurun (Zumaia), Deba, Ondarbeltz, Mutriku, Saturraran (Mutriku),
Arrigorri (Ondarroa), Karraspio (Mendexa), Isuntza (Lekeitio), Ea, Laga eta Laida (Ibarrangelu), Toña, Kanala
eta San Antonio (Sukarrieta), Laidatxu (Mundaka), Bakio, Gorliz/Plentzia, Atxabiribil (Sopela), Bariñatxe
(Sopela/Getxo), Arrigunaga, Ereaga eta Areeta (Getxo) eta La Arena (Abanto‐Zierbena/Muskiz).
‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐
Aurretik esan dugun moduan, Euskal Kostaldeko hondartzak jardueren eskaintza zabala garatzeko leku
paregabe gisa hartu behar dira. Udalerri mailan lan egin behar da eta pixkanaka hondartza aktiboaren
kontzeptua sartu. Hiri‐hondartzetan garatzea soilik gomendatzen dugu.
Hondartza aktiboaren kontzeptuarekin, hondartzaren erabilera udako hilabeteetatik kanpo luzatzea lortuko
dugu. Hondartzan jarduerak egin ahal izateko eguzkiaren eta eguraldi onaren garrantzia erlatibizatuko da.
Ikuspegi horrekin, hondartza baliabide garrantzitsu bihurtuko da, eta herriko jarduera turistikoa urte‐garaien
araberakoa ez izatea eragingo du. Eragin positiboa du, batez ere, publiko familiarrentzat.
Hondartza aktiboaren eskaintzak askotarikoa eta erakargarria izan behar du. Jarduerak bost (5) multzotan
egitura ditzakegu:
‐ Hezkuntza‐jarduerak. Aisialdiko eta bainurako tarteekin batera haur‐publikoen ikasketari
lotutako jarduerak egin daitezke, ikaskuntza‐agertoki bihurtuta. Horretarako, jarduera hauek
egin daitezke:
- Paisaia‐ingurunearen eta ingurumenaren interpretazioa, batez ere balio ekologiko
handieneko hondartzetan. Horretarako, hondartza bakoitzean azalpenezko ibilbide
seinaleztatuak egin daitezke.
- Hondartzan irakurketa‐ eta ikasketa‐puntuak jartzea (itzalpean eta lasai egoteko
lekuak, kontzentratu ahal izateko).
- Txapelketara bideratuta ez dauden kirolak irakastea; esaterako, igeriketa, urpekaritza,
arrauna, beste uretako kirol batzuk eta abar. Hori guztia araututako begiraleen
zaintzapean eta begiradapean egingo litzateke beti.
- Aisialdiko eremuak; esaterako, ludotekak eta haurtzaindegiak, haur‐jolaserako
ekipamenduekin eta jolaserako jarduerekin, betiere, txikiak zaintzeko eta haien
segurtasunerako espezializatutako langileekin.
- Hondartzatik gertu dauden eremuetan (portuetan) eta haur‐publikoari zuzendutako
eremuetan, itsas tailerrak egin daitezke itsas gaien bidez itsasoarekin lotutako lanak
ezagutarazteko (Itsasoaren Kultura programarekin lot daiteke), korapiloak egiten
ikasteko ikastaroak, nabigazioaren historia, karta nautikoen interpretazioa, ontzi eta
ibilbide laburrak eta abar. Horrez gain, tresnak, aparailuak eta espezieak
ezagutarazteko arrantza‐tailerrak ere egin daitezke, ingurumenarekiko,
iraunkortasunarekiko eta babestutako espezieekiko errespetu argia zabalduz.
‐ Kirol‐jarduerak. Dagoeneko askotan egiten dira. Horrekin lotuta, eremu edo guneak mugatzea
gomendatzen dugu: kirolak egiteko, oro har (boleibola, hondartzako golfa, gimnasia, futbola,
eskubaloia, petanka, badmintona, xakea eta abar), lekua behar duten jolasak egiteko aukera
eta egokitutako ekipamenduak dituen haur‐eremua (kometak, frisbeea, gazteluak eta abar),
POLITIKA ESTRATEGIKOA ETA PLANGINTZA / PLANGINTZA OPERAZIONALA
67