Euskal Kostaldearen Turismo Gida-Plana - es=Industriaeu=Industria

4. ARDATZA > Turismoa urte‐garaien araberakoa izan ez dadin bultzatzeko produktu turistikoa sortzea
4. ARDATZAREN GARAPEN OPERAZIONALA
4.3 ILDOA > Euskal Kostaldeko itsasoko, kiroletako, itsas bidaietako eta osasuneko turismoa bultzatzea
(baita kayak edo arrauna ere), ez dituzte segurtasuneko eta kalitateko baldintza onenetan egiten. Sektore
turistikoaren ahulezia horiek eta beste batzuk baloratuta, praktika horietarako portuetako eremuak egokitu
beharko dira.
Kasu horretan, kasu bakoitzean eskuduntza duen administrazioarekin batera lan egingo dugu portuetako eta
itsasoko instalazioak egokitzeko eta gaitzeko (ontziratzeko tokiak, arrapalak, lehorreratzeko eremuak,
lehorreko portuko eremuak, buiak, pasabideak, ibaiak dragatzea, ontziratzeko igarobideak, sarbidearrapalak
eta abar). Gida Plan honek itsas ondarea, adierazpen historikoak eta sektoreko profesionalak
mantentzearen alde egiten duenez, helburu turistikoetarako espazio berriak jartzeko jarduerak portuko
gainerako erabiltzaileen ahalik eta adostasun handiena lortuta egingo dira, eta ahalik eta errespetu
handienez.
Kostaldearekiko eta haren inguruan egin daitezkeen jarduerekiko interesak presio handia eragiten die
portuei. Portuek erabilera tradizionala mantendu beharko lukete, baina aldi berean funtzionalitate eta
jarduera berrien integrazioan beharrezko oreka bilatu behar da, aisialditik eta turismotik eratorrita, jarduera
berri horiek tokiko onura sozioekonomikoa ekar baitezakete.
Eusko Jaurlaritzaren Portu eta Itsas Gaietako Zuzendaritzak burutan du erabilera profesionalak (turistikoa
barne) batera egitea ahalbidetuko duten neurriak hartzea EAEko portuetan. Neurri horien artean daude
araudia berrikustea eta EAEko Portuetako Sektore Lurralde Plana idaztea. Plan hori itsas jardueraren
sustapenerako Plan Estrategikoarekin eta portu bakoitzeko Plan Estrategikoekin osatu beharko da. Baina
Administrazio Turistikoari dagokio Euskadiko eta lehiakideen itsas errealitatea ondo ezagutzea, gune horren
interesa ebaluatzeko eta portuetako gaian eskuduntza duten erakundeei beharrak jakinarazteko. Horrez
gain, itsas turismoaren inguruko ezagutza eta Euskadik azpisegmentu horren baitan eskaintzen duen aukera
hobeto aztertu beharko da.
Hau da susta daitekeen proiektu posibleetako bat: enpresa pribatuekin batera, Kostaldeko itsas bidaia txiki
moduan (3‐4 egun) itsasoko ibilbideen eskaintza egitea. Dena den, ekimen hori nabarmen baldintzatuta
dago itsasoaren ezegonkortasuna dela eta, baita uda‐garaian ere.
Kirol‐egonaldiak hartzeko aukerari dagokionez, berriz, espezializatutako kirol‐turismogune gutxi batzuk gara
daitezke klubek, taldek, selekzioek edo beste kirol‐talde / talde tekniko batzuek kontzentrazioak egin
ditzaten. Gainera, baliteke errendimendu altuko zentroak ere sartu ahal izatea. Esperientzia gisa har
daitezke Catalunyako kirol‐turismoguneak. Dena den, Euskadin ez dago kirol‐instalazio eta ostatu emateko
instalazio egokirik eredua osorik estrapolatzeko (gainera, baldintza meteorologikoak ere ez dira hain onak).
Kirol‐turismoguneak garatzeko aukerari dagokionez, eta arrauna egitearen eta traineruen gertakari
historikoa kontuan hartuta (berezitasun eta erakargarritasun turistiko handiko elementua baita), oso modu
interesgarrian baloratzen dugu Orion Arrauneko errendimendu altuko zentroa garatzeko proposamena.
Gainera, proposamen hori osa daiteke instalazioan bertan arraunaren museo txiki bat jarrita.
Hauek dira antzeko programaren bat jarri duten adibideak eta ereduak: Sporthotel & Medizinisches
Zentrum Parkhöhe Hapimag Zentroak, Senior eta Actif programak (www.hapimag.com), UCPA
(www.ucpa.com), Club la Santa (www.clublasanta.es).
Aurrekoa baino eredu malguagoa da itsasoarekin lotutako diziplinetan entrenatzeko gutxieneko azpiegiturak
sortzea. Horretarako, aldagelak, dutxak, jarduera zaintzeko eremua, buiak, neurketa‐ekipoa, sendagilearen
eta masajistaren zerbitzu puntualak eta abar jarri behar dira. Zehazki, triatloi‐eremua egokitu liteke, edo
surfa edo beste diziplina batzuetan entrenatzeko beharrezko ekipamendua.
Estatuan garatzen ari diren proiektu bat aplika daiteke Euskal Kostaldean: itsas turismoa praktikatzea
ahalbidetzen duen aisialdiko turismogunea eratzea, hain zuzen ere. Hau da, urarekin kontaktuan dauden
opor aktiboen eskaintza osatzea, aisialdiko itsas jarduera mota oro egiteko aukerarekin: bela arina, itsas
72
POLITIKA ESTRATEGIKOA ETA PLANGINTZA / PLANGINTZA OPERAZIONALA