Euskal Kostaldearen Turismo Gida-Plana - es=Industriaeu=Industria

4. ARDATZA > Turismoa urte‐garaien araberakoa izan ez dadin bultzatzeko produktu turistikoa sortzea
4. ARDATZAREN GARAPEN OPERAZIONALA
4.1 ILDOA > Itsasoaren Kulturarekin lotutako jardueren programa estrategikoa garatzea.
Ekitaldi eta folklore tradizionalak kontsumo turistikoan sar daitezke, eta hala sartu behar dira. Gainera,
errespetu handiz hartu behar dira eta haien autentikotasuna zaindu behar dugu. Hori dela eta, ekitaldi eta
tradizioak berreskuratzea eta egokitzea proposatzen dugu, ikuspegi turistikoarekin txertatzeko. Ontzi
tradizionalen topaketak egitea edo herrien nahiz pertsonaia ezagunen urteurrenak ospatzea (esaterako,
Mutrikuko edo Getariako urteurrenak – Elkanoren lehorreratzea) edo merkataritzako ibilbide historikoak
antolatzea (Itsasbegira elkartearen bidez burdinaren ibilbidea gogoratzea, artilearen bidea Deban,
arrainaren eta ardoaren bidea Ondarroan, Bermeon eta Lekeition eta abar).
Horrez gain, ezinbestekoak izan dira itsas ondareari balioa emateko ekimenak exekutatzea ekintza
zehatzagoak garatuta, esate baterako, honelakoak: ondarea, pertsonaia ezagunak, tradizioak eta kondairak,
itsasoko abestiak, adierazpideak, poesia edo herriko ipuinak ezagutzeko tokiko ibilbide edo zirkuituak
diseinatzea; ibilbide bat finkatzea babeseko mugarriak ezagutzeko ikuspegi panoramikoak eginez; edo
portuetan edo puntu panoramikoetan interpretazio‐zentroen sarea garatzea. Turismogune bat Itsas
Ondarearen Zentro (Lekeitio) bihurtzea izango da sustatu beharreko beste ekimen pilotu bat. Izan ere,
itsasoko ondarearen baliabideak birbalorizatu dituzten esku‐hartze ugari izan dira han, eta horiek guztiak
daude turistarentzat eskuragarri.
Aurrez aipatutako jarduera guztietatik Kostaldean dauden museoen protagonismoa nabarmendu behar da.
Museo horiek aspalditik ari dira lanean itsas ondarearen ikerketa, babes eta hedapen sozialeko prozesuan,
eta eragile aktibo gisa jardun dezakete Itsasoaren Kulturari lotutako eskaintza turistikoa eraikitzeko.
Horretarako, jardueren programazioa eta proiektuen koordinaziorako ekintzak egin beharko ditugu.
Adierazi beharrekoa da badagoela Euskal Itsas Museoaren aurreproiektua. Museo horren bideragarritasuna
berriz plantea liteke zentro neuralgiko gisa, eta haren gainean gaur egun oraindik ez dugun Museoen Sare
bat osa genezake, elkarren artean osagarriak diren gaiekin.
‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐
Ez da ahaztu behar itsas ondarearen zati handi bat pertsonengan dagoela, jaso duten bizimoduari eta
jarduerari lotutako kultura osatu baitute urteen poderioz. Gaur egun, zenbait udalerri arrantza‐turismoaren
inguruko eskaintza kulturala ari dira egiten, baina arrantza‐sektoreak ia ez du batere parte hartzen bertan.
Eskaintza erakargarria, eta batez ere autentikoa, lortzeko, ahalik eta errespetu eta sentsibilitate handienez
sartu beharko dugu eskaintza hori arrantza‐munduan. Sektore profesionala eragile aktiboa izango da
eguneroko jarduerarekin lotutako etorkizuneko produktua diseinatzeko garaian. Haien esku‐hartzea eta
ezagutza izango dira, beste proposamen turistiko batzuekin alderatuta, behar duen balio erantsia eta
autentikotasuna emango dion bermea. Hori dela eta, garrantzitsua da udalerri horietan arrantza‐sektorean
eta herritarren artean aldi bereko sentsibilizazio‐ekintzak egitea.
Pixkanaka arrantzarekin lotutako kalitateko eskaintza eratzen hasteko, arrantza hedatzeko eta itsas kulturari
balioa emateko ekintza batzuk egin behar dira, kostaldeko arrantza‐eremuen garapen iraunkorrarekin
lotuta. Ekintza horiek definituta daude EAEko Arrantzarako Plan Estrategikoa 2008‐2013 dokumentuan eta
Arrantzako Europako Funtseko 4. ardatzean (Kostaldeko Ekintza Taldea osatzeko aukera).
Ekintza horiek baliabideen aukera zabala dute, eta horiek gaika antolatu, bideratu edo eraiki daitezke:
profesionalak, ofizioaren ezagutza, bizitako esperientziak eta bitxikeriak, lanerako tresnak, nabigazioteknikak
eta abar. Ekimen horiek hainbat formatutan gauza daitezke, taldea gidatzen duen pertsonaren,
publiko motaren eta iraupen‐denboraren arabera.
POLITIKA ESTRATEGIKOA ETA PLANGINTZA / PLANGINTZA OPERAZIONALA
61