Euskal Kostaldearen Turismo Gida-Plana - es=Industriaeu=Industria

5. ARDATZA > Euskal Kostaldea markaren marketina
Erkidegoaren atari turistikoa aipa daiteke (www.cvtrip.com).
Sektore pribatuak askotariko pakete turistikoak egituratu eta merkaturatu ditzan bultzatu nahi dugu, eta
azokak edo ekitaldi profesionalak aprobetxatuta workshop eta merkataritzako topaketak antolatzeko lan
egitearen aldeko apustua egiten dugu.
Horrekin batera, Merkataritza eta Turismo Sailburuordetzak, Euskal Turismo Agentziaren bidez,
merkataritzako hitzarmen eta estrategiak planteatu beharko ditu hainbat bazkide estrategikorekin, sektore
pribatuak produktua merkaturatu dezan bultzatzeko.
Horrez gain, egokitzat jotzen da bidaia‐agenteei eta bidaia‐antolatzaileei planifikazio‐, sustapen‐ eta
antolaketa‐etapetan laguntzeko laguntza‐zerbitzu profesionala sortzea; eta horretarako, behar profesionalei
erantzuteko programa finkatzea (ikuskapen‐bisitak, familiarizazio‐bidaiak, hoteletako ohe
disponibilitatearen bilaketa, jatetxeak, ibilaldi turistikoetarako iradokizunak, programazioak, irteera
tematikoak, bidaia‐antolatzaileei baliabide turistikoei buruz aholkatzea, sustapen‐materiala). Azterketarako
erreferentzia modura Quebeceko esperientzia azter daiteke (travels trade edo bidaietako espezialistak:
http://www.quebecregion.com/e/vac‐index.asp).
Salmenta ondorengo ekintzei dagokienez eta Euskal Kostaldeko turismoguneko kontsumo turistikoko
prozesu linealean sartuta, hauek finkatu beharko dira:
6 Bidaiako etapa guztietan arreta‐sistema jarraitua. Sistema horrek, era berean, profilari buruzko oso
informazio baliagarria biltzea ahalbidetuko digu eta produktua/zerbitzua hobetzeko erabiliko da.
Horrek, ondorioz, berriro ere produktuaren edo zerbitzuaren asebetetzean eragina izango du.
‐ Turistarekin a posterioriko harremana, haren iritziari esker informazioa lortzeko eta bezeroarekiko
leial bihurtzeko jarraibideak markatzeko. Harreman hori iritziaren bidez informazioa lortzeko
interesgarria da, eta leial bihurtzeko jarraibideak markatzen ditu.
Horretarako, Sailburuordetzatik bertatik edo haren laguntzarekin, sektore pribatuak leial bihurtzeko bideak
finkatzeko mekanismoak garatu ahal izango ditu; esate baterako, IKTen erabileraren bidez. Bezeroa behar
bezala leialtzeak bezeroarekiko harremana bizirik mantenduko du; horrekin, eskaintza interesgarri edo
erakargarrien bidez kezka berriak sortzeko gai izan behar du, bisiten maiztasuna areagotze aldera eta
errentagarritasun ekonomiko handiagoa lortze aldera.
POLITIKA ESTRATEGIKOA ETA PLANGINTZA / PLANGINTZA OPERAZIONALA
85