Euskal Kostaldearen Turismo Gida-Plana - es=Industriaeu=Industria

4. ARDATZA > Turismoa urte‐garaien araberakoa izan ez dadin bultzatzeko produktu turistikoa sortzea
4. ARDATZAREN GARAPEN OPERAZIONALA
4.3 ILDOA > Euskal Kostaldeko itsasoko, kiroletako, itsas bidaietako eta osasuneko turismoa bultzatzea
bidaiako bela, motordun bela, windsurf, surfa, urpekaritza, piraguismoa, arrauna, itsas bidaien charterrak
eta abar. Hondartza aktiboan baino eskaintza zabalagoa da eta kirol‐orientazio handiagoa duenez, portua
duten lekuak behar dira.
Ekimen pilotu gisa, Itsas Estazioaren kontzeptuaren antzeko eredua gara daiteke. Ekimen pribatutik
ateratako partaidetzan eta lidergoan oinarrituta dago, merkatura bere eskaintza bideratzeko modu gisa, eta
helburu bikoitza du: balio erantsi handiagoa oinarri hartuta kostaldeko turismoguneak bereiztea, eta ahal
den neurrian turismoguneak urte‐garaien araberakoak izan ez daitezen lortzea. Proiektu pilotu hori itsas
sektorearen ezagutza eta bagaje handia duen herriren batean garatzea gomendatzen dugu (portuetako
instalazioak, zerbitzuak eta hornitzaileak eta abar), eta tokiko kudeaketa turistikoaren egitura handia duen
lekuren batean.
Erreferentzia gisa azter edo kontsulta daitezke Frantziako Bretainiako Stations Nouvelle Vague
(www.stations‐bretagne.com) edo Espainiako Itsas Estazioen Elkartearen kasuak
(www.estacionesnauticas.info , www.disfrutaelmar.com)
Surfari dagokionez, Basquetourren kirol‐diziplina hori Euskadin garrantzi handiko eta izaera estrategikoa
duen produktu turistiko gisa definitzeko azterketa garatzen ari gara. Plan Operazionalean bertan jaso
ditugu dokumentu horretatik eratorritako jarduerak eta ekintzak. Esan beharra dugu Leioan olatu artifizial
estalia eraiki nahi dutela, Bizkaiko Foru Aldundiak eta Leioako Udalak berak bultzatuta.
‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐
Itsas bidaietako turismoari dagokionez, Bilboko Portuko kaian arreta eskaintzeko zerbitzua tarteka gainezka
egoten da, eta horrek zerbitzuaren eta transmititzen den informazioaren kalitatea murriztea eragiten du;
arlo hori hobetzea proposatu dugu.
Itsas bidaiak egiten dituztenen mugikortasunari dagokionez, berriz, NISek (itsas bidaien eremuan bidaiaagentzia
hartzaile bakarra) emandako datuak aztertuta, itsas bidaiak egiten dituztenen ia laurdenak ez du
aurretik produktu turistikorik erosten. Gainerakoek gastu nagusia Bilbon egiten dute (Guggenheim
ingurunean) eta shoppingeko eta jatetxeetako kontsumoetan. Egoera hori ikusita, turisten ehuneko hori
biltzeko eta erakartzeko aukerak badaude. Horretarako, udalerri hartzaileetako potentzialtasunak eta
aukerak erabat ustiatu behar dira: itsas bidaiarientzat eskaintza espezifikoa eskaini kaian bertan produktu
unitarioen bidez (bisita gidatua, aquariumerako sarrera, zubi esekia...) edo aurrez zehaztutako prezioarekin
publiko espezifikoekin edo sustapenekin konbinatu (2x1, bikotekidearekin egindako bidaiak, familiakoak edo
taldekakoak), mugikortasuna erraztu (autobusa, trena, txu‐txu eta abar) eta lekualdaketa laburretan
oinarritutako (ordubete edo bi ordu) inguruetako zerbitzu espezifikoen eskaintza zabala.
Ez dugu ahaztu behar ontzian kontsumitzaile izan daitekeen masa geratuko dela eta kontuan hartu
beharrekoa dela: tripulazioa. Horiei beste zerbitzu mota batzuk eskaini beharko zaizkie (komunikazioak,
noizbehinkako erosketak eta abar).
‐‐‐‐‐‐‐‐‐‐‐‐‐‐‐‐‐
Osasun‐turismoari dagokionez, turismogune baten gainean osasun‐turismoari lotutako eskaintzek duten
izaera dinamizatzailea frogatuta dago, eta bereziki hautemangarriak dira denboralditik kanpoko sarrera
ekonomikoen faktore garrantzitsu gisa Euskal Kostaldeko toki jakinetan.
Euskal Kostaldeak XIX. mende amaieratik itsas inguruneko eta itsasoko klimako baliabide naturalek osasuneta
ongizate‐iturri gisa hartutako izen ona mantentzen du. Donostia, Deba, Zumaia, Zarautz eta Hondarribia
aipatu behar dira, besteak beste, bainuetxeetako egonaldiak egiteko gogokoeneko gune bihurtu baitziren.
Herentzia hori eta Euskal Kostaldeak turismogune osasungarri gisa duen proiekzioa gaur egungo
talasoterapia‐establezimenduen eta azpiegitura modernoen bidez eguneratu da. Zumaia, Orio eta Deban
dauden 3 izarreko hotel txikien tipologiak biltzen du eskaintza hori. Herriguneak salbuetsita, azpisegmentu
73
POLITIKA ESTRATEGIKOA ETA PLANGINTZA / PLANGINTZA OPERAZIONALA