Euskal Kostaldearen Turismo Gida-Plana - es=Industriaeu=Industria

Horientzat guztientzat Euskal Kostaldeari buruzko informazioa emateko webgunea prestatu ahal
izango da. Bertan, garatzen ari garen lana eta jarduera jar daiteke eskuragarri hainbat tresnarekin
batera (iradokizunen postontzia, harpidetzak, newsletterrak eta abar).
Era berean, fase horren baitan, Sentsibilizazio Planaren diseinua eta garapena egingo dugu. Plana
espezifikoa izango da eta arrantzaren mende dauden udalerriei bideratuta egongo da batez ere;
izan ere, udalerri batzuetan, turismo‐jardueratik eratorritako kargek eta masifikazioek eragin
negatiboa dutela uste dute. Sentsibilizazio Plan hori tokiko administrazioarekin modu
koordinatuan exekutatu behar da. Sentsibilizazio Planaren asmoak eta garapena jakinarazteko
eragile garrantzitsua izango da Udalarrantz.
Sentsibilizazio Plan horrek kanpoko komunikazioan erabilitako ekintza ugari jasoko du:
informazioa emateko solasaldiak, ate irekiko jardunaldiak eta abar. Baina, horrez gain,
arrantzako kolektiboarekin ekintza espezifikoak garatuko ditugu: turismo‐izaera duten proiektuak
garatzen aitzindariak izan diren beste arrantza‐komunitate batzuetako ordezkariekin topaldiak,
bisita teknikoak, itsasoko bizitza eta itsas ondarea goraipatuko duten ekitaldiak antolatzea,
arrantzaren kultura berreskuratzeko proiektuak eta abar.
7.1.3 Kudeaketarako eta plangintzarako erakunde bakarra diseinatzea eta abian
jartzea (F3)
Beharrezkoa da Euskal Kostaldean turismo arloko eskuduntza duten erakundeek (Jaurlaritza,
aldundiak eta udalerriak, eskuduntza‐erregimenen inguruko ñabardurak eta iritziak albo batera
utzita) topaketarako testuingurua sortzea hitzartutako kudeaketa aurrera eraman ahal izateko.
Horretarako, turismo arloko esku‐hartzeen politikak modu positiboan ezarri ahal izateko
prozesua bermatzen duen erabakiak hartzeko organo komuna ezarri beharko da.
Kostaldearen kasuan, eta Euskadiko turismo‐plangintza egiteko garaian zeregin garrantzitsua
denez, kudeaketarako organo komuna konfiguratzea ekimen berritzailea eta beste
turismoguneetan errepika daitekeen eredua izan daiteke. Beste nolabait esanda, helburua Euskal
Kostaldearen lurraldean kudeaketa hitzartuaren aldeko apustua egitea eta horretan aurrera
egitea da, beste administrazio batzuekin (aldundiak, udalak, Eusko Jaurlaritzaren beste sail batzuk
eta abar) elkarlanean eta, bereziki, sektore pribatuaren esku‐hartzea lortuta.
Kudeaketa Eredu horren konfigurazioa egiteko beharrezko ekintzak bideratuko dira dokumentu
honetako 6. puntuan zehaztu dugun proposamenaren arabera.
Kudeaketa‐eredu hori zehazteak, era berean, finantza‐plataforma diseinatzea eta egituratzea ere
ekarriko du berekin; izan ere, Gida Plan honen babesean bideratutako ekintzen denbora mailako
proiekziorako egonkortasuna eskaini beharko luke plataforma horrek.
Baliabide ekonomikoak bilatzea, diru‐laguntzak eskatzea eta programei laguntza publikoak
ematea kudeaketa‐ereduan parte hartzen duten eragile guztien zeregin komuna izango da. 9.
kapituluan proposatu dugu finantziaziorako hasierako testuingurua, eta onartu eta babestu egin
beharko da.
7.1.4 Urtero aurrez ikusitako ekintza nagusien garapena (F4)
Beharrezko erakunde horren egitura eraiki ostean, Euskal Kostalderaen Dinamizazio Turistikorako
Mahaiak, lehentasuna duten ekintzen hasierako proposamena (jarraian aurreratuko ditugu
horiek) oinarritzat hartuta, diseinatu beharko du behin betiko dokumentua. Jarraian, erakunde
mailan balioztatu eta maila teknikoak gehiengoaren bidez adostu beharko du
POLITIKA ESTRATEGIKOA ETA PLANGINTZA / EZARPENA ETA JARRAIPENA
97