Euskal Kostaldearen Turismo Gida-Plana - es=Industriaeu=Industria

4. ARDATZA > Turismoa urte‐garaien araberakoa izan ez dadin bultzatzeko produktu turistikoa sortzea
4. ARDATZAREN GARAPEN OPERAZIONALA
4.2 ILDOA > Eskaintza, oro har, hobetzea eta hondartzei edukiak ematea.
lasai egoteko eremua (taberna, etzaulkiak, dutxak eta abar), eta kirol‐materiala edo uretarako
ekipamendua alokatzeko eremu osagarria. Garrantzitsua da espazioak zehazteko garaian urazalean
egiten diren kirol‐jarduerak sartzea (bereziki surfa edo kayakak). Eremu horiek
seinalizazioa eta megafonia‐sistema izango dute istripuen prebentziorako. Ekipamenduei
dagokienez, urte guztian erabiltzeko moduan egon beharko dute (sareak, materiala eta abar).
Jarduera gisa txapelketak edo lehiaketak antola daitezke. Kirol‐jarduerarekin batera,
hondartzetan hainbat kirol‐ekitaldi edo –erakustaldi egin daitezke. Horretarako, harmaila
hedagarriak edo jarduerak ikusteko beste sistema batzuk egokitu daitezke.
- Jarduera kulturalak. Egunez hainbat jarduera egiteko zerbitzuak egokitu daitezke; esaterako,
liburu eta aldizkariak mailegatzeko zerbitzua hondartzan irakurtzeko, liburutegien bidez,
tailerrak eta pintura‐lehiaketak, argazkigintza, dantza‐ikastaroak eta abar. Horrekin batera,
hondartzan espazio irekia dago, naturala eta atsegina, eta horrek hirigunean egiten diren
ikuskizun eta ekitaldi askoren espazio‐arazoak konpon ditzake, batez ere udako gauetan, aire
zabaleko emanaldiak, zinema, kontzertuak, ipuin‐kontalariak, behaketa astronomikoko
jarduerak eta abar egin baitaitezke. Edozein ekitalditan, hondartzetan bertaratutakoen
segurtasuna bermatzeko neurriak eta azpiegiturak egongo dira.
- Jarduera ludikoak. Aisialdiko eta dibertsiorako eskaintzarekin aurrekoak osatzen dituzten
jarduera guztiak. Hondartzetako animazio‐ikuskizunak, kometak, artisautzako azokak eta abar
biltzen dira.
- Osasun‐jarduerak. Bizi‐kalitate hobea lortzeko gizarte‐eskaera gero eta handiagoa dela eta,
naturak gure esku jartzen dituen bitartekoak erabili nahi ditugu osasuna zaintzeko: bai osasun
fisikoa, bai osasun mentala. Hondartzan itsas ingurumen eta klima daude, osasunerako eta
ongizaterako iturri gisa. Bertan, jarduera ugari egin daitezke tonifikazio fisikoa lortzeko ez
ezik, baita erlaxatzeko eta hiriko bizitzaren bereizgarri diren tentsioez atseden hartzeko ere.
Hori dela eta, osasun‐jarduerekin lotuta aukera zabala sustatuko da hondartzetan, dauden
talasoterapia‐establezimenduen zerbitzuak osatu ahal izateko. Itsasoko bainuak (batez ere
denboralditik kanpo) esaterako, turistari aldagelak erabiltzeko hondartzetatik gertu dauden
kirol‐instalazioetarako sarbidea eskainita. Beste jarduera batzuk ere egin daitezke, esaterako,
tai chia, aerobica, capoeira, spinninga, goizetako gimnasia, oinez ibiltzeko eta korrika egiteko
fitness‐ibilbideak, ariketa egiteko gune finkoekin konbinatuta, masterclass edo aldizkako
eskola kolektiboak eta parte hartu nahi duen ororentzat irekita.
Hondartza aktiboaren programaren barruan garatutako ekimen guztiak normalean udalerri bakoitzean
egiten diren kirol‐ eta kultura‐jardueren programaren araberakoak izango dira. Gainera, udalerriko familiaturismoko,
kirol‐turismoko eta turismo aktiboko proposamenekin lotuta egongo da. Jardueren
programazioa diseinatzeko, hondartzan elkartzen diren herritarren multzo nagusiak eta eskaera hartu
beharko dira kontuan. Era berean, eguraldi txarra dagoenerako programak eta jarduerak sortzeko arreta
berezia jarri beharko da.
Hondartza aktiboaren ereduaren aplikaziorako gomendio eta irizpideen baitan, antolaketa mailako
beharrak (begiraleak, animazioa, garraioa, materialak, azpiegiturak eta abar) eta lege‐eskakizunak
(erantzukizunak, aseguruak, titulazioak) planteatuko ditugu. Mesedegarria izango da ekintza horien
kudeaketa‐lanaren ardura turismo‐bulegoek edo informazio turistikoko guneek beren gain hartzea,
zerbitzuak zentralizatu eta eskaerari arreta emateko gaitasuna baitute. Zalantzarik gabe, jardueren
eskaintza zabala izan dadin, beharrezkoa da sektore pribatuaren zuzeneko partaidetza (turismo aktiboko
68
POLITIKA ESTRATEGIKOA ETA PLANGINTZA / PLANGINTZA OPERAZIONALA