Euskal Kostaldearen Turismo Gida-Plana - es=Industriaeu=Industria

4. ARDATZA > Turismoa urte‐garaien araberakoa izan ez dadin bultzatzeko produktu turistikoa sortzea
4. ARDATZAREN GARAPEN OPERAZIONALA
4.1 ILDOA > Itsasoaren Kulturarekin lotutako jardueren programa estrategikoa garatzea.
‐ Arrantza‐jarduera ontzitik bertatik ikustea. Itsasora egindako irteera horiek itsas arrantzaren
legeak ezarritako mugak kontuan hartu beharko dituzte, eta ontziak behar bezala egokitu
beharko dituzte profesionalak ez diren bidaiariak ontziratzeko. Jarduera hori itsas
ingurunearen hedapenarekin / behaketarekin osa daiteke.
‐ Arrantza‐jarduera eta itsasertzeko paisaia ontzi laguntzaile batetik ikustea. Irteera mota
horiekin 6. zerrendan (erabilera komertzialekoa: charterrak, turismo nautikoa eta abar) edo 8.
zerrendan (administrazioaren erakundeen jabetzeko ontziak) dauden udal‐jabetzako
itsasontziei erabilera emango litzaieke. Gomendagarria da Lira‐n (Galizia) garatutako ekimena
gainbegiratzea eta haren bideragarritasuna eta komenigarritasun maila aztertzea (Arrantza
Kontseilaritzaren funtsekin erretiratutako arrantza‐ontzi zahar bat birgaitu ondoren, beste
itsasontzi batzuek egindako arrantza‐zereginak ikusteko erabiltzen da, eta Kofradiako
arrantzaleek tripulatzen dute).
‐ Kirol‐arrantzaren eskaintzan arrantza‐sektoreak parte hartzea, bereziki, aisialdiko itsas
arrantzan, indarrean dagoen araudiaren arabera, neurriak, arrantza motak, aparailuk eta abar
kontuan hartuta.
‐ Lonja eta arrain‐enkanteetan parte hartzea. Gidaria arrantzalea bera izango da, eta lonja
erakutsiko du. Turistak bertan egoteko aukera izango du arrain‐enkantea egiten den bitartean.
Horretarako, lonjako lanean eragozpenik ez sortzeko, ondo bateratu beharko dira jarduerak.
Edukietan behin eta berriz nabarmenduko da arrantza iraunkorra. Arrain‐dastatze batekin osa
liteke bisitaldia. Jarduerak ez du araututako ordutegirik, eta horixe da ekimen hau egiteko
zailtasuna. Ondarroan, portuaren birmoldatzearen barruan, arrain‐lonja berria egiteko
proiektua nabarmendu behar da.
‐ Portua eta haren azpiegiturak. Arrantzaleak portuaren azpiegiturak taldeari erakusteko
ibilbidea egingo du (izotz‐fabrika, lonjak, ontzitegiak, itsas seinaleak, kaiak, biltegiak, itsasoko
produktuen eraldaketa‐jarduerak), eta portuko eremuan lekua duten jarduerak azalduko dizkie
turistei (ordutegiak, arrantza motak, bitxikeriak eta abar).
‐ Itsas ofizioak, saregileek edo neskatilek egingo die harrera turistei; lan nola egiten duten eta
ofizioaren ezaugarriei buruzko edukiak erakutsiko dizkiete.
‐ Ontziola tradizionaletara bisitaldiak egitea; erriberako arotzak, gidari gisa, arrantza‐ontziak
egiteko erabilitako materialak, tresnak, prozesuak eta teknikak azalduko dizkie turistei.
Intereseko elementu eta eredu gisa nabarmendu behar dira I. liburukian jasotako (analisia eta diagnostikoa)
arrantzako / itsas turismoaren ekimenak eta hainbat herrialdetan egindako proiektuak (SEREA proiektua,
www.serea.org, SAGITAL proiektua, garapen juridikoa soilik da interesekoa, Italiako proiektu batzuk, eta
Frantzian eta Espainian egindako intereseko proiektu batzuk). Interesgarria da Galiziako Arrantza Lege
berriak proposatzen dituen jardueren araudia, itsasoko profesionalek egindako jarduera turistikoak arautzen
dituena, ezagutzea.
Bestalde, eta aurretik aipatutako ondarearekin lotutako ekimenen barruan, portuetako esparru batzuk
berriro bidera daitezke, eta zerbitzu edo erabilera turistikorako prestatu: ostatu emateko eta jatetxe gisako
establezimenduak egin daitezke. Horrekin lotuta, Lekeitioko Kofradiak abiatu du portuan dagoen kofradiako
62
POLITIKA ESTRATEGIKOA ETA PLANGINTZA / PLANGINTZA OPERAZIONALA