Euskal Kostaldearen Turismo Gida-Plana - es=Industriaeu=Industria

Udalerrien parte‐hartzea Bizkaiko Lurralde Historikoko Bizkaia Euskal Kostaldea Elkartearen
bitartez egituratuko da, ezarpen zabala eta ordezkaritza‐ahalmen handia baitu elkarte horrek.
Gipuzkoako Lurralde Historikoko kostaldeko udalerrien ordezkaritza modu berean gaituko da,
eratuta ez badaude ere. Gainera, udal‐ordezkaritza Udalarrantz sareko ordezkari batekin
indartuko da, zeregin garrantzitsua betetzen baitu udalerri jakin batzuetako politika
ekonomikoetan. Gainera, Gida Plan hau sustatu eta sinatu duen erakundeetako bat da.
Azken finean, Helburua maila teknikoaren eta politikoaren arteko elkarrizketarako esparrua
osatzea da; horren jarduera‐mekanismoa aldian aldiko bileratan antolatuko litzateke (gehienetan,
hiru hilabetetan behin) eta horren bileren egutegia parte‐hartzaile guztientzat logikoa eta
onargarria izango da. Informazio teknikoa elkarri trukatzeko esparrua (turismo arloko jarduerei
dagokienez) eta parte hartuko duten erakunde guztiak harremanetan jarriko lituzkeen lotura
izango da.
Horrez gain, Gida Plana gainbegiratzeaz eta jarraipena egiteaz arduratuko da organo hori.
Gainera, hark egingo ditu planaren inguruko auditoriak eta ebaluazioak.
C. Maila Teknikoa
Maila hori turismo‐jardueran parte hartzen duten edo bertan sar daitezkeen erakundeek eta
eragileek osatuko dute. Abian jarritako edo aurrez ikusitako jarduera guztiei Euskal Kostaldearen
dinamizazio turistikorako Mahaiak babesa eta laguntza emateko beharrezko laneko bideak
diseinatuko dituzte (mahai teknikoen, trukerako foroen, laneko bileren antolaketaren, laneko
proiektuen jarraipenaren eta babesaren eta abarren bidez).
Maila honetan, sektore pribatua (batez ere, profil turistikokoak), udal, eskualde eta foruerakunde
ugaritako teknikariak eta SICTEDen (gaur egun Getxon, Uribe Kostan, Busturialdean ‐
Gernika‐Lumon, Bermeon eta Urdaibain, Lea Artibain, Debabarrena, Urola Kostan, Donostian eta
Bidasoan dago ezarrita) ezarpenari esker sortzen ari diren kalitateko mahaiak bilduko ditugu.
Lehendik abian dagoen egitura horri esker, hauek izango ditu maila teknikoak:
- Turismogunearen erakunde kudeatzailea: haren helburu estrategikoa turismogunearen
behatzaile gisa jardutea, turismogune osoan kalitatea bultzatzea, epe luzerako jarduera
integralak erraztea eta enpresen egitura sendotzea da.
- Kalitateko mahaia: bertan, turismogunearen kalitatearekin lotutako gaiak eztabaidatu
eta landuko dituzte (establezimenduetako ebaluazio‐txostenak balioztatzea, jazoerak,
kexak, erreklamazioak, helburuak, berezko adierazleak eta abar).
Maila teknikoko parte‐hartzaileen zeregin nagusia turismoaren lehiakortasuna sendotzera
bideratutako ekintzak exekutatzea izango da produktu turistikoak garatuta eta turismoguneen
kalitatea hobetuta.
POLITIKA ESTRATEGIKOA ETA PLANGINTZA / 6 KUDEAKETA INTEGRALEKO EREDUA
91