'Onaktiewe' Alexkor-trust striem hupstoot vir Namakwaland se

More documents

Recommendations

Info

40% van rade se geldsake is „beroerd‟ KAAPSTAD. – ‘n Beroep is op pres. Jacob Zuma gedoen om in te gryp by munisipaliteite wat finansieel reeds op hul knieë is. Mnr. Joe Mcgluwa, die OD se parlementêre leier, het gesê dit is ―skandalig dat die geldsake van nagenoeg 40% van die land se munisipaliteite beroerd is‖. Hy het verwys na ‘n tesourie-verslag oor finansiële bestuur in munisipaliteite. Die Sunday Times het gister berig ‘n tesourie-verslag toon 66 van die 278 munisipaliteite is in ‘n erge geldelike verknorsing en nog 37 gaan binnekort dieselfde paadjie loop. Woordvoerders vir die tesourie kon nie gister vir kommentaar bereik word nie. Mcgluwa het gesê ‘n munisipaliteit is die hartklop van ‘n gemeenskap en die departement van samewerkende regering en tradisionele aangeleenthede moet stappe doen om dit reg te stel. Gister is ook vinger gewys na kaderontplooiing binne die ANC, wat glo die finansiële gemors waarin die meeste munisipaliteite is, veroorsaak. Dít ondanks onlangse uitsprake vanuit die ANC dat kaderontplooiing nie deel is van ANC-beleid nie. Mnr. James Lorimer, DA-LP, het gister in reaksie op ‘n tesourie-verslag oor munisipaliteite se geldsake, gesê dit blyk kader-ontplooiing is ―nog lewend‖. Volgens Lorimer is dit uit die verslag duidelik hoeveel skade kader-ontplooiing aan munisipaliteite en dienslewering aanrig. ―Dit is steeds baantjies vir boeties in hoe die ANC munisipale poste toeken, selfs al maak nuwe wetswysigings dit moeiliker.‖ Luidens die tesourie-verslag word probleme soos belangrike poste wat nie gevul word nie, politieke inmenging en swak invordering van dienstegeld ook toegeskryf aan kader-ontplooiing. Dit is egter nie net plaaslike munisipaliteite nie, maar ook metro‘s soos Ekhuruleni en die Mangaungmunisipaliteit, wat sukkel. Ook die Polokwane- en Msunduzi (Pietermaritzburg)-munisipaliteite sukkel om hul geldsake te bestuur. Me. Milisa Kentane, woordvoerder van die Vereniging van Plaaslike Rade (Salga), het in ‘n verklaring gesê die verslag wys daar lê nog baie werk voor, maar die ―aansienlike vordering wat reeds gemaak is, moenie geringskat word nie‖.Volgens Kentane is munisipaliteite in ‘n geldelike verknorsing omdat dit plattelandse gemeenskappe met krimpende ekonomiese vooruitsigte bedien.―Die munisipaliteite moet ondanks ‘n lae inkomstebasis steeds dienste lewer, al is die inwoners te arm om daarvoor te betaal.‖Sy het bygevoeg dat dit in sommige munisipaliteite juis sekere regeringsdepartemente is wat met groot diensteskulde tot die munisipaliteite se finansiële verknorsing bydra. Die ANC (100) se pad vorentoe Die ANC is ‘n merkwaardige 100 jaar oud en het ‘n mooi, suksesvolle en duur verjaardagparty gevier waarop lof- en dankbetuiginge volop was. En baie van die koste seer sekerlik uit die staatskas gedelg is – pres. Jacob Zuma se groot onthaal vir Afrika-leiers en andere is immers as ‘n ―staatsbanket‖ aangebied. Dit daar gelaat. Die vraag is: Wat nou vorentoe? Selfs terwyl die partytjie in volle gang was, was alles (in die party) nie net blink nie. Ondanks die glans na buite. Natuurlik was dit ‘n naweek vir beeldpoetsery, fanfare en prag en praal. Maar die hutspot van irritasie en interne verdeeldheid het onder die oppervlak bly prut, borrel en soms gedreig om oor te kook. Dat die ANC, as ‘n bevrydingsparty, ook daarin kon slaag om 17 jaar ná regeringsoorname in die kussings te bly is ook uitsonderlik in wêreldgeskiedenis. Ongelukkig het hy nooit die oorgang van bevrydingsparty na ‘n suksesvolle regerende party volvoer nie. Dít sou verg dat doeltreffende landsbestuur, met elke landsburger se beste belange voorop, sy eerste en enigste prioriteit moet wees. Soos die edele motiewe van die ANC in sy beginjare, wat gerig was op hervorming van die regering vir die insluiting van swart mense as eiendomsbesitters, het dié mooi ideaal sedert 1994 gesneuwel. Ja, groot vordering is gemaak met die opheffing van die land se benadeelde bevolking, maar dit geskied grootliks as bysaak. Hoofsaak is dat diegene wat in bewind is – en diegene wat hulle aan die bewind gestel het en in die bewind hou – hulself so gou as moontlik, deur tenderpreneurskap en toegang tot staatshulpbronne, so knuppeldik as moontlik moet vreet. Dié ketting aan sy been verhoed die ANC om werklik ingrypende verandering te bewerkstellig met die drie groot uitdagings wat pres. Jacob Zuma in sy eeufeesrede uitgewys het – werkloosheid, armoede en ongelykhede. Was staatsgeld en ANCregeerders en -amptenare maar so heelhartig hieraan toegewy... Zuma het wel die herskikking van die party en strenger dissipline beloof. Hierin moenie gelees word dat meer doeltreffende landsbestuur die oogmerk is nie. Eerder gaan dit oor skadeherstelwerk en politieke magsmakelary. Diegene – sê maar mnr. Julius Malema en die ANC-jeugliga – wat die magshebbers uitdaag, moet in die bek geruk moet word om verleentheid uit te skakel. Of volwaardige landsbestuur vanjaar die eerste voorkeur gaan wees, is te betwyfel. Mangaung 2012 se nasionale konferensie en leierstryd wink immer. (Volksblad) Henri Matisse het gesê: Daar is altyd blomme vir diengene wat dit graag wil sien." Baantjies vir boeties DIT is algemene praktyk van politici om knus werkies 12 uit te soek vir hul beste vriende – diegene wat hulle aan die bewind gekry het, of daar hou. Die ANC het kaderontplooiing dus nie uitgedink nie, maar sy ondeurdagte en oordadige beoefening van baantjies vir boetes en sussies is een van die kernredes waarom dié party al 18 jaar sukkel om van bevrydingsbeweging tot regerende party te transformeer. Dié afbrekende praktyk gedy op nasionale, provinsiale en munisipale vlak – ook in die Vrystaat en Noord-Kaap waar gedienstigheid en gunste vir gawes hoër aangeslaan word as werklike dienslewering tot voordeel van die mense se belange. Mnr. Malusi Gigaba, minister van openbare ondernemings, het op die party se eeufeesviering in Bloemfontein gesê die ANC moet herbesin oor kaderontplooiing, want dit raak ‘n probleem ―as mense ontplooi word wat die werk nie kan doen nie‖. Kritici sing dié deuntjie al jare lank. Dit is dus positief as partylede self tot dié slotsom kom deur die introspeksie wat ‘n eeufeesviering bied. Pres. Jacob Zuma is die voorste ploeteraar met sy persoonlike geskiedenis van kaderontplooiing – van adv. Menzi Simelane tot oudregter Willem Heath. Gekwalifiseerde, bevoegde mense behoort in regeringsposte aangestel te word. Die beste voorbeeld hiervan is Zuma se dubbele kleitrappery met die aanstelling van ‘n nasionale polisiehoof, ‘n pos wat liefs deur ‘n beroepspolisiebeampte gevul moet word. Die baantjies-vir-boeties-benadering tot kaderontplooiing se aftakeling van dienslewering word ten beste op plaaslike regeringsvlak geïllustreer. Munisipaliteite se uitgawes aan motors en uitspattige partytjies neem amper proporsioneel tot die agteruitgang van basiese dienste soos vullisverwydering toe. Op ‘n sekondêre vlak dra regstellende optrede verder by tot die probleem. In beginsel skort niks met die beginsel van regstellende optrede nie. Dan moet dit korrek toegepas word en moet poste nie vakant gelaat word omdat ‘n regstellende kandidaat nie beskikbaar is nie. Gigaba het met sy opmerkings hopelik ‘n nasionale debat oor dié kwessie begin waarvan die uitkoms oordeelkundiger aanstellings behoort te wees wat tot beter dienslewering sal lei. Solank die euwel voortduur, versaak die ANC vele beginsels waarvoor hy hom die afgelope eeu voor beywer het. Gelykberegtiging kry ‘n bloedneus en diskriminasie teen gedienstelike kandidate lei tot die aantasting van die menseregte van diegene wat met afskeepdiens opgesaal sit. ( Volksblad) Dié k-woord – kaderontplooiing – gaan voort om die land oneindige skade te berokken. (Volksblad) Love looks through a telescope; envy, through 12 a microscope. 12 12 ~ Josh Billings
Oprah looi SA oor swak onderwys JOHANNESBURG. – Die standaard van skoolonderrig in Suid-Afrika is te laag. Só het Oprah Winfrey gereageer op ‘n vraag oor wat die land kan leer uit die sukses van haar Leadership Academy for Girls by Henley-on-Klip, suid van Johannesburg. Winfrey het Saterdag die eerste matriekklas geluk gewens met hul 100%-slaagsyfer en 188 onderskeidings. Meer as die helfte van dié skool se 72 matrikulante het ‘n gemiddelde van meer as 75% behaal. Elkeen van dié leerlinge beplan om vanjaar verder te studeer aan universiteite in die VSA en in Suid-Afrika. ―Dìt is die begin van die einde van armoede,‖ het Winfrey gesê met verwysing na die matrikulante wat Saterdag hul diplomas ontvang het. ―Die meisies het nou die sirkel van armoede in hul huise verbreek en van hier af kan hulle teruggee aan die gemeenskap.‖ Winfrey het beklemtoon dat Suid-Afrika moet belê in leierskap sodat dit later dividende in veral die arm gemeenskappe kan oplewer. ―In die begin-dae van die skool het ek onderskat hoe belangrik goeie leierskap is en hoe moeilik dit gevind word.‖ Die skool het sy sukses te danke aan goeie onderwysers met baie kundigheid en die feit dat die meisies nie in watte toegedraai word omdat hulle uit moeilike omstandighede kom nie, het Winfrey gesê. ―Ek het gevind dat mense benadeelde kinders onderskat en die standaard gevolglik verlaag. ―Dit is ook aanduidend van Suid-Afrikaanse standaarde, die feit dat jy kan slaag met 30%. Sakelui kan nie suksesvolle besighede behartig as hulle met net 30% tot 40% funksioneer nie. Ons het nie toegelaat dat die meisies hul agtergrond as verskoning gebruik nie. ―Jy kan nie verwag om sukses en triomf te beleef as jou punte jou nie toelaat om in die werklike wêreld te funksioneer nie. ―Onderwys is die deur na vryheid.‖ Me. Graça Machel, Madiba se vrou en lid van die skoolbestuur, was die hoofspreker by die geleentheid. ―Onthou altyd dat waar julle gebore is nie sal voorskryf wat van julle sal word nie,‖ het sy die klas aangemoedig, terwyl Winfrey soms tranerig haar kop geknik het. Maar weet ook dat voorregte soos wat julle geniet die een kant van die munt is. Die ander kant is die verantwoordelikheid om ‘n verskil te maak.‖ Elkeen van die meisies in die skool is deur Winfrey self van reg oor die land uitgesoek en kom almal uit moeilike omstandighede. Twee van die matriekleerders is van die Oos- Kaap. Hulle is Zandile Mgoqi en Inaminkosi Ncapayi, albei uit Oos-Londen omgewing. Hulle tel onder die 15 Oos-Kapenaars onder die 371 leerders in Oprah se skool . (Pauli van Wyk) - Die Burger Bumper Sticker Quotes "I'm in no hurry; I'm on my way to work." HSN WEER DIE BESTE IN DIE WESTE Isaac Cloete “Die term 100% slaagsyfer en die Hoërskool Namakwaland (HSN) is die afgelope jare soos vinkel en koljander - die een loop saam met die ander.” Die jaar 2011 was geen uitsondering nie, want behalwe dat die skool weer aangewys is as die beste in die Namakwa-streek, het al die matrieks ook weer geslaag.Nog ‗n 100%, al 75 matrikukante het geslaag. Die top leerder was Marné du Toit, wat spog met ag onderskeidings, Sy is ook agtse in die land uit die 20 top kandidate.Hierdie jaar was die lys uniformig, met ander woorde, sonder kategorieë of afdelings. ‘n Interessante slagspreuk by die skool se kennisgewingborde lui, ―die skool waar die nuwe Suid-Afrika werk.‖ Ouers glo dat dié slagspreuk eerder tweeleedig in plaas van ‗n dubbelsinnig is.Dit verwys blykbaar na waar leerder en opvoeder soos slawe werk en waar die stelsel van die nuwe Suid- Afrika werk en niks anders nie. Hoe dit ook al sy, die skool het sy trotse 100% slaagrekord die afgelope tien jaar gehandhaaf en ten spyte van groot verandering in die samestelling van die leerlingtal, bly dit een van die voorste skole in die provinsie.Geen ouer het dus nodig om hul kinders in ander streke of provinsies te gaan inskryf nie, want gehalte onderrig aan al die leerders bly steeds die kerntaak van die skool se opvoeders. Du Toit en haar ouers kon nie opgespoor word vir kommentaar nie. Volgens die Noord-Kaapse Onderysdepartement, is Frazerburg Hoër tweede(100%) en Concordia Sekondêr derde(99.1%) in die streek. Soos die NK(68,8%) was daar ook ‗n daling in die Namakwa-streek se slaagsyfer vanaf 91,01% in 2010 tot 88,6%, hierdie jaar. Blykbaar is die skole van die John Taolo Gaetsewe-distrik grootliks hiervoor verantwoordelik. Albertram Prins van Victoria-Wes was die enigste kandidaat, uit die Noord-Kaap provinsie wat die nasionale top twintig lys(voorheen benadeelde skole) gehaal het. In die Noord- Kaap was hy vierde. Die Namakwa-streek(21 hoërskole) was die afgelope vier jaar die top distrik in die provinsie soos onderstaande tabel aantoon. PROVINSIALE RUGBY OP SPRINGBOK Groot provinsiale rugby is binnekort weer terug op Springbok wanneer die GWK Griekwas kragte gaan meet teen die Regent Boland. Die wedstryd is geskeduleer vir Saterdag, 18 Februarie en ‗n skare van ongeveer 5 000 word by die Springbok sportgrond verwag.Dit sal die eerste keer wees dat die twee spanne op Springbok speel en die plaaslike rugbyliefhebbers kan uitsien na aanskoulike hardlooprugby. Griekwas het alreeds op Springbok gespeel en omdat dit die tuisprovinsie se rugbyspan is, behoort hulle weer groot ondersteuning te kry, volgens Montie Engelbrecht, voorsitter van die Namakwalandse Rugby Unie. Boland is tans die houers van die Eerste Liga Trofee, maar sonder die ou kalant en vorige kaptein, Bolla Conradie, sal hulle moet uithaal om die Griekwas ore aan te sit.En in elk geval, dit was nog nooit maklik om op Springbok te wen nie en die toeskouers hou duim vas dat die dorp hierdie keer ook geluk sal inhou vir die tuisspan. Volgens Engelbrecht is die dag ‗n groot geleentheid vir familie en vriende om saam te kuier, want reeds vroeg gaan die hekke al oop. Tydens die voorwedstryde speel die 0/21spanne teen mekaar om ‗n Namakwaland span te kies. Om 13:30 speel Koperstreek en Diamantstreek teen mekaar. Die hoofwedstryd vind om 15:45 plaas en die plaaslike inwoners word versoek om die beperkte kaartjie vroeg al te koop. Dit is reeds by verskeie rugbybeamptes regoor die streek beskikbaar en wissel tussen R50 (staanplek) en R70(sitplek). Montie Engelbrecht kan geskakel word by 083 4599606 vir meer inligting oor die wedstryd en die beperkte losies wat beskikbaar is. ☻Intussen word daar ‗n beroep op al die plaaslike bus- en taxi-operateurs gedoen om die groot getalle toeskouers teen ‗n minimale tarief na die wedstryd te help vervoer. Isaac Cloete 13 13 14 13
Page 1 and 2: 2012: Go for it! Uitgawe 32 Januari
Page 3 and 4: BEVEG ALKOHOL SE GEVOLGE MET AARBEI
Page 5 and 6: Slegte bestuurder? Dis in jou gene
Page 7 and 8: Kunstande die bytende waarheid Voor
Page 9 and 10: Plaaslike Owerheid o.a. GROOT HOEVE
Page 11: COP17 or FLOP17? COP 17 is over! Ye
Page 15 and 16: Jongmense sukkel sonder Alexkor-tru
Page 17 and 18: Ouers sluit hekke weens hoof Die No
Page 19 and 20: Nasionale Parlementêre Komitee bes
Page 21 and 22: Tierhoek Camping Site Richtersveld
Page 23 and 24: THERESA VAN BAALEN 2 x ATKV bekroon
Page 25 and 26: Sewentig 70 70 70 70 70 70 In Ps 90
Page 27 and 28: Ons Kersliedere-uitreike na Huis Ha
Page 29 and 30: Classifieds / Klein Advertensies 29
Page 31 and 32: Hatched, matched and dispatched / G

'Onaktiewe' Alexkor-trust striem hupstoot vir Namakwaland se

You also want an ePaper? Increase the reach of your titles

Delete template?

Save as template?