'Onaktiewe' Alexkor-trust striem hupstoot vir Namakwaland se

BEVEG ALKOHOL SE GEVOLGE MET
AARBEIE
Wetenskaplikes het onlangs bevind dat ‗n dieet wat ryk is aan aarbeie
‗n mens se maag teen alkohol se skadelike effekte kan beskerm.
Die mediese joernaal, Plos One, berig dat ‗n mens pro-aktief kan
optree om jou maagvlies teen alkohol te beskerm as jy aarbeie saam
met jou drankie eet, maar dit lyk asof aarbeie ook ‗n groot bydrae kan
maak in die herstelproses as jy reeds ‗n maagseer het.
‗n Span, bestaande uit Italiaanse, Serwiese en Spaanse navorsers,
het onlangs bevind dat aarbeie nie net op sy eie ‗n uitstekende antioksidant
is nie, maar dat dit ook die liggaam se ensieme aktiveer wat
weerstand teen anti-oksidasie moet bied.
Prof. Sara Tulipani, ‗n navorser van die Universiteit van Barcelona in
Spanje, verduidelik in die verslag dat aarbeie die ontwikkeling van
maagsere vertraag omdat dit ‗n positiewe uitwerking het op die
maagmembraan, wat vatbaar is vir inflammasie weens ‗n oormaat
alkohol of virale infeksies soos die Helicobacter pylori bakterie.
Dit is nog nie duidelik presies hoe aarbeie ‗n mens se maag beskerm
nie, maar die wetenskaplikes meen hulle sal mettertyd ‗n nuwe, baie
suksesvolle maagseer-medisyne kan ontwikkel met dieselfde
chemiese samestelling as die heerlike rooi vruggie.
Mense 'drink hulle dood'
Mense wat gereeld meer as die veilige alkohol-perk drink verhoog
onwetend hul kans om kanker, lewerkwale en geestesversteurings te
ontwikkel, het ‗n verslag bevind.
Meer as ‗n kwart van Britse mans (26%) drink gereeld meer as die
gesonde perk alkohol terwyl 18% van vroue hulle aan te veel drank
vergryp, het die verslag getoon.
Die tendens vererger ook met ouderdom en een in drie mans oor die
ouderdom van 45 (31%) drink gereeld meer as wat gesond is.
In teenstelling is die meeste vroue wat te veel drink tussen die
ouderdom van 16 en 24.
Die navorsingsgroep 2020health het die verslag, From One to Many,
opgestel en gesê daar moet op dié probleem gefokus word.
―Niemand sal die nood om hierdie kwessies op te los, betwyfel nie,‖
het Julie Manning, 2020health se hoof, gesê.―Dit is kommerwekkend
hoe ons die drinkgewoontes van die meerderheid mense miskyk – al
drink hulle hulself dood.‖
Failure is only the opportunity to
begin again more intelligently
~ Henry Ford
Algemene Pitkos
HUIL MAAR - DIS GOED VIR JOU!
Almal van ons het iewers in ons verlede ‗n vriendin, niggie of skoolmaat
wat tot vervelens toe geterg is oor haar trane wat so maklik vloei. Dalk
was (of is) dit jyself... En almal onthou seker ook die snedige byname wat
sulke "maklike huilers" toegevoeg is: Tjankbalie, Piepertjie, Huila of
Pissie.
Maar hoewel hulle die nie-huilers onder ons erg irriteer, het maklike
huilers dalk ‗n punt beet - buiten net die punt van hul snesies.
Navorsers van die Universiteit van Indiana in Amerika het nou bevind huil
is in werklikheid heilsaam. En hier is ‗n paar feite wat deur navorsing
gestaaf kan word:
* Sportlui wat huil nadat hulle swak gevaar of verloor het, presteer op
langtermyn beter as dié wat nooit huil nie.
* Mense wat gereeld voor ander huil, het in meeste gevalle ‗n sterker
selfbeeld as die nie-huilers omdat hulle minder gepla is oor wat ander
van hulle dink.
* Deur te huil kan allergieë verlig en die pyn van outo-immunsiektes soos
rheumatoïede artritis verminder word.
Professor Ad Vingerhoets, ‗n navorsers van die Universiteit van Tilburg in
Nederland, het ook die huil-fenomeen ondersoek en meen huil help om ‗n
mens se immuunstelsel te reguleer. Dit funksioneer blykbaar as ‗n soort
uitlaatklep om van opgeboude streshormone wat jou liggaam kan
benadeel, ontslae te raak. Deur ‗n traantjie te stort, verhoog jy jou vlak
van "troetel"-hormone. Terselfdertyd word die vrystelling van die
streshormoon kortisol verminder. Jou bloeddruk daal ook na ‗n paar
trane. Die gevolg? Na ‗n lekker huilbui voel jy baie meer vryerig as
bakleierig!
Nog ‗n interessante bevinding is dat vroue oor die algemeen meer huil as
mans (ons het dit reeds geweet), maar albei geslagte huil ewe veel waar
dit kom by die rouproses soos wanneer hulle ‗n geliefde verloor het of
deur ‗n egskeiding gaan. Iets wat ons nié geweet het nie, is dat mans
makliker as vroue huil oor positiewe as oor negatiewe gebeure,
byvoorbeeld wanneer hulle oorstelp is van vreugde.
Daar word vermoed dat die hormoon testosteroon trane inhibeer. Mans
het meer van dié hormoon as vroue en dit is dalk ‗n rede waarom hulle,
sowel as vroue met hoër testosteroonvlakke, gewoonlik minder huil. Soos
wat mans se testosteroonvlakke met die jare afneem, huil hulle net so
maklik soos vroue.
Die lekkerste is natuurlik om te huil van die lag. Soek dus na positiewe,
humoristiese dinge en laat rol die trane by die liters!
(R. Fitchat)
3
3
3
33 3