'Onaktiewe' Alexkor-trust striem hupstoot vir Namakwaland se

Geestelike voedsel
Oordenking
Dr.Kobus Victor
‗n Nuwe jaar is soos ‗n onbekende pad wat voor jou
uitgestrek lê. Min is daaroor bekend.
Jy weet nie hoe ver dit is nie. Jy ken nie die toestand van die
pad nie – is dit geskraap of geteer, is daar slaggate en
bergpasse? Jy weet nie wat op daardie pad op jou dalk wag
nie. Onderbrekeings as gevolg van padwerke of reent of
wind? Watter afdraaipaaie is daar en riviere om oor te steek?
Hoe pak ‗n mens so ‗n reis aan? In die eerste ding is om ‗n
padkaart te kry sodat jy jou reis kan beplan. Daardie kaart sal
vir jou die meeste inligting gee oor die draaie en passe wat
daar is. Dit sal vir jou die distansie tussen die verskillende
dorpe gee sodat jy deeglik kan beplan waar om brandstof in
te neem of waar om te rus.
Die jaar 2012 is ook onseker. Ons het ‗n vae idee waarheen
dit gaan. Elke dag is ‗n entjie wat ons daarop vorder. Maar is
jy voorbereid? Ons weet nie waar die pad ‗n onverwagte
draai gaan maak nie. Ons sal by kruispaaie kom waar
besluite geneem moet word. Is jy gereed daarvoor? Daar
gaan steiltes en afdraendes wees waar jy krag sal nodig hê
of jou remme sal moet gebruik. Daar sal tye kom dat jy moeg
sal word. Draai dan af en rus. Verkwik jouself weer.
In 2012 sal ons almal eerstens vir die Here moet vra: Maak
my u wil bekend, Here, leer my u paaie (Ps 25:4). Maar dan
sal ons ook ons deur sy waarheid moet laat lei. Sy woord
moet die lig op ons pad en lamp vir ons voete wees.
Sterkte vir die reis. En hou by die hemelse padreëls.
Die regte soort vreugde het jou
naam en adres
Nuwejaarsvoornemens is aan die orde van die dag. Almal wil
verloor... gewig, bedoel ek! Almal wil verander en beter mense
word. Tog hou die meeste goeie voornemens drie weke op die
langste. Geen wonder nie dat Joey Adams sê: “May all your
troubles last as long as your new year resolutions.” Mark
Twain stel dit nog sterker: “New Year‟s Day... now is the
accepted time to make your regular annual good resolutions.
Next week you can begin paving hell with them as usual.” Wat
van vreugde as die hoofroete vir 2012? “Wat‟s nuut?” sal jy
my dadelik vra. Vreugde hou gewoonlik net solank soos die
Kersseisoen. Vreugde is so weg soos 2011 se
Desembervakansie sodra die “regte lewe” afskop in 2012.
Wel, hier‘s ‗n nuusflits. Jy hoef nie vreugde te soek nie. Dit is
net so goed as om ‗n handvol wind te probeer vang. Vreugde
soek jou — die Here se soort bedoel ek! Alle ander vorms van
vreugde is mensgemaak en tydelik. Slegs vreugde waarop
daar geskryf staan: “In die hemel vervaardig” is blywend. Dis
omstandighede-bestand. Dit verweer nie met die ouderdom, of
verloor waarde met gebruik nie.
Hoe vind die Here se vreugde jou? Ek weet nie. Daar‘s nie ‗n
resep of drie maklike stappe nie. Maar wat ek wel weet is dat
Prediker 2:24 waar is: “Dit is nie aan „n mens self te danke
dat hy/sy kan eet en drink en onder al sy/haar geswoeg
nog die goeie kan geniet nie. Ek het ingesien dat dit ‘n
gawe uit die hand van God is. Wie kan eet en wie kan
geniet as God dit nie moontlik maak nie?” God deel Self sy
soort vreugde verniet aan al sy geliefdes uit. Jy jaag dit nie na
nie. Jy ontvang dit net op verrassende, bonatuurlike maniere.
Wat ek wel weet, is dat God vandag ‘n uitnodiging by jou lewe
se voorstoep neergesit het om sy vrede te ontvang. Maak
jouself dus gereed om in 2012 deur hemelse vreugde verras
en oorweldig te word. Leef in afwagting!
GODDELIKE BETROKKENHEID IN 2012
Hemel ons! Op dees aarde! Hoe de hel!
Bekende uitdrukkings né? Kan dit wees dat met hierdie hemel/aarde/hel
uitroepe, onbewustelik iets verklank word van ‗n algemeen-menslike
vraagstuk, nl: God se betrokkenheid? Miskien. God se betrokkenheid: In
my eie lewe - veral as dinge skeefloop; In ons staatkundige en maatskaplike
lewe - veral as ons nuwe SA maar sukkel om nuut te word; In
hartseerverhale van die lewe - veral as dit stukkend gebreek word deur
lyding en dood… Hoeveel plaas ons op die rekening van, sê nou maar, die
hemel? Die aarde? Die hel? Of op wie se rekening ookal?
Is God nog in beheer? is ‗n vraag wat selfs ook deur baie Christene gevra
word. En indien wel, hoe moet ons Sy betrokkenheid verstaan? Dis
diepsinnige vrae wat diepsinnige antwoorde vra. Maar kortom kan ons vir
mekaar sê: Die God van die Bybel is gerig op die hele wêreld en die ganse
mensdom. Die Bybel begin immers (in Genesis) en eindig (in Openbaring)
met hemel én aarde. Hy is die Skepper én Onderhouer van die ganse
skepping. Dis immers God se skepping, wat in die ruim sin van die woord
onder Sy beheer is.
Hiermee word egter nie bedoel dat God verantwoordelik is vir elke ding wat
gebeur nie, veral nie die slegte nie. Want Hy is immers nie die enigste
rolspeler nie! Daar is verskeie rolspelers (soos reeds in ons bekende
uitdrukkings hierbo weerspieël word), soos byvoorbeeld:
Natuurkragte, wat heelmaak én verwoes. Hy het ‗n heelal geskep wat
lewe en beweeg…
Die mens self, wat verantwoordelik én onverantwoordelik optree. Hy het
mense gemaak wat opbou én afbreek…
Satan, wat kyk waar en wie hy kan verslind. Dis egter beperkte mag
omdat Satan deur Christus (wel nie vernietig nie, maar) oorwin is…
God, wat die oorkoepelende Rolspeler is en in ‗n ruim sin alles beheer en
Sy doel uiteindelik sal bereik! Soos ‗n trein uiteindelik sy bestemming
bereik ongeag wat in elke kompartement plaasvind…
Wat alles in 2012 gaan gebeur is nie vooraf in die fynste besonderhede klaar
beplan, asof die jaar maar outomaties soos ‗n horlosie gaan afloop nie. Soos
die wêreldgeskiedenis ‗n oop proses is met sy verskeie rolspelers, gaan ook in
hierdie jaar weer die natuur op ‗n natuurlike wyse sy loop neem; die mens op
‗n menslike wyse grootliks ‗n rol speel; die duiwel op ‗n sataniese wyse sy
invloed laat geld… Maar genadiglik is die Here op ‗n Goddelike wyse
betrokke in die afloop van alles.
Wat ‗n troos, in lewe én in sterwe! Dié wete dat ek nie aan myself behoort nie,
maar aan dié Here uit Wie en deur Wie en tot Wie alle dinge is. Aan HOM
behoort die heerlikheid tot in alle ewigheid! Amen (Rom 11:36).
(Ds Willie Badenhorst, NG Kerk Port Nolloth)
2
2
2