'Onaktiewe' Alexkor-trust striem hupstoot vir Namakwaland se

Plaaslike Owerheid o.a.
GROOT HOEVEELHEDE
DAGGA BY TWEE
GELEENTHEDE GEVIND
Op Vrydag 2012-01-06 tussen 02:00 en 04:30
was Garies Polisie behulpsaam met die aftrek
van ‗n verdagte voertuig op die N7 nasionale
pad. Nuwerus Polisie het die verdagte voertuig
agtervolg in ‗n jaagtog tot hulle Garies Polisie
se bedienings-area binnegekom het. Daar was
‗n geelkleurige sak uit die betrokke voertuig
gegooi waarna Nuwerus Polisie dit opgetel het.
Garies Polisie het die voertuig afgetrek en
teruggeneem na Garies. Daar was 120 groot
pakke dagga met ‗n gewig van 9,5 kg in die
sak gevind. Die beraamde waarde van die
dagga beloop ongeveer R47 500-00. Twee
verdagtes, Nicolaas Davids,32 jaar oud van
Atlantis en Gregory Farmer,21 jaar oud van
Port Nolloth was gearresteer en aangehou. Op
2012-01-12 het die gearresteerdes in die hof
verskyn en die saak was uitgestel tot 2012-02-
02. Beide aangeklaagdes was op eie
verantwoordelikheid vrygelaat. Speur Adjudant
Offisier Willemse van Garies Speurtak
ondersoek die aangeleentheid.
Op Dinsdag 2012-01-10 omstreeks 06:15 het
lede van Springbok Speurtak inligting
aangaande ‗n verdagte houer in die veld naby
Bossa opgevolg. Die lede het ‗n doos met 192
pakke dagga gevind met ‗n gewig van 16,954
kg. Die totale waarde beloop ongeveer R84
770-00. Niemand was in die voorval
gearresteer nie. ‗n Saak van handel in dagga
was geopen en die ondersoek duur voort.
Speur Konstabel Joseph van Springbok
Speurtak ondersoek die aangeleentheid.
Kolonel Hender , gebiedsbevelvoerder bedank
alle lede betrokke by hierdie beslagleggings.
Kolonel Hender bedank ook die lede van Van
Rhynsdorp en Nuwerus Polisie vir die hulp aan
Garies Polisie verleen. Die persone wie
inligting aan Springbok Speurtak verskaf het
word bedank vir hul aandeel in die bekamping
van dwelms. ( AO G C CLOETE
KONTAK NR : 082 447 1804 / 027 – 7189126)
VERVALSTE BANKNOTE IN
OMLOOP
Graag wens Springbok Polisie die publiek en
besighede se aandag daarop vestig dat daar
vervalste R 100-00 banknote in omloop is.
Vergewis u self van die egtheid van banknote
wanneer u geld in ontvangs neem.
Kenmerke wat uniek aan R100-00 banknote is:
Watermerk (kop vanBuffel) met 100
in wit.
Kleurveranderings ink van 100 in
onderste regterhoek van noot.
Dun silwerstrook op voorkant van
noot.
Breë silwerstrook aan agterkant
van noot met 100 en landswapen.
Die kwaliteit van papier waarop die
noot gedruk is.
SANDFEES – MCDOUGALLSBAAI - 2011
Die Sandfees in McDougallsbaai op oujaarsdag het al 'n jaarlikse instelling geword. Van 10 uur in
die oggend af is daar strandaktiwiteite en begin die manne hulle sonsambrele op te slaan voor die
verhoog en die skottelbraaie reg te kry. Die hoofarea van die fees is die plaveide strandfront voor
die Port Indigo Gastehuis en die straat was gesluit tussen die ingang na die karavaanpark en die
bootlanseerplek se pad voor George se museumpie.
Hiedie jaar het die weer perfek saamgespeel met 'n gematigde relatief windstil dag en geen wolke
of mis nie. Gedurende die oggend is allerhande strandaktiwiteite aangebied onder andere toutrek,
en die uitdunrondtes van die skoonheidkompetisies is afgehandel.
Die middag is daar gebraai en talentkompetisie gehou, terwyl gaskunstenaars vir vermaak gesorg
het. Die rustige atmosfeer op die strand sonder 'n gewoel en vertrapping was 'n lafenis vir die siel.
Verskeie stalletjies was beskikbaar wat alles en nog wat verkoop het, soos ta' Emma se Opelug
Veldkombuis wat die fees 'n regte Weskus-karakter gegee het.
Kort voor sononder het die finaliste van die Mej en Mev Sandfees kompetisies hulle verskyning
gemaak en is die wenners aangewys. Tydens die finale rondtes van die kompetisies het die laaste
sonsondergang van 2011 aangebreek en 'n feitlik windstil gesellige aand ingelui. Deur die loop van
die aand is daar musiek gemaak en heerlik gedans terwyl die geur van skottelbraai geregte in die
lug gehang het. 2012 het aangebreek met kersliggies by die sandfees en verskeie vuurwerke wat
op die strand afgevuur is. Teen 01h00 was die feesterrein opgeruim en die strate rustig. Dit was
besonder verblydend dat daar geen teken was van 'n gejaag van motors en motorfietse in die
strate na 12 nie, en dat openbare dronkenskap feitlik glad nie bestaan het nie. 'n Sterk polisie
teenwoordigheid in McDougallsbaai en by die feesterrein het waarskynlik grootliks hiertoe
bygedra. Vir diegene wat hou van 'n geselligheid tussen mense op oujaarsaand, maar sonder 'n
vertrapping en erge rumoerigheid, is daar dalk nie 'n beter plek om die oujaar uit te sien as by die
sandfees op McDougallsbaai nie.
Dankie aan die personeel van Port Indigo Gastehuis en Richtersveld Toere vir hierdie unieke
geleentheid wat julle geskep het! (Christo Conradie)
9
SANDFEES 2011
9
9