'Onaktiewe' Alexkor-trust striem hupstoot vir Namakwaland se

Die Anenous Pas Uitkykpunte
Het jy ‘n mors-mentaliteit?
Die twee uitkykpunte weerskante van die Anenouspas op die
Steinkopf – Port Nolloth pad is met rommel besaai, alreeds sedert
Donderdag 24 November 2011 toe ons dit die eerste keer opgelet
en fotografeer het. Sedertdien het ons ‗n paar keer Port Nolloth
toe en terug gery en die toestand vererger net by die dag. Die
meegaande fotos is geneem op Woensdag 11 Jan 2012.
Mens voel skaam om te dink dat besoekers oor die feesseisoen in
daardie gemors moes afklim om die prag van die omringende
Namakwaland te bewonder, terwyl so baie van ons, insluitende
die Noord Kaap Toerisme Outoriteit, hard werk om besoekers hier
te kry en hulle te oortuig van die waarde van ‗n vakansie hier. As
mens oor die veiligheidsreling teen die helling afkyk, is dit duidelik
dat die plek vir maande lank al nie skoongemaak word nie.
Ons het vreemd genoeg opgelet dat die aftrekplekke tussen
Springbok en Steinkopf wel redelik skoon is. Behalwe dat die
betrokke verantwoordelike outoriteite hulle plig versuim in die
skoonmaak van die uitkykpunte in die Anenous Pas, dui die
gemors daar en die toestand van Springbok en Port Nolloth se
strate die oggend na die onderskeie Liggiefeeste en Ou Kersdag,
op ‗n mors-mentaliteit wat nog in baie plaaslike inwoners
vassteek. Ten spyte van die feit dat rommelstrooi teen die wet is,
is dit nie ‗n onbekende gesig om te sien hoe mense blikkies,
bottels, hamburger polystyrene houers en vis en tjips omhulsels
sonder huiwering net daar in die pad neergooi waar hulle daarmee
klaar is nie. Bierbottels, heel en gebreek, is ‗n algemene gesig
langs die paaie in die Richtersveld Bewaringsgebied (nogal ‗n
wêrelderfenis area (World Heritage Site).
In
22
Dui dit daarop dat die moraal laag is, of dat sommige mense net nie gelukkig is
as hulle nie in ‗n gemors lewe nie? Dit gaan ‗n definitiewe opvoedingspoging,
versterk deur wetstoepassing, verg om die impak van die mors-mentaliteit te
verminder. Intussen sal dit help as die verantwoordelike outoriteite ten minste
die basiese onderhoudswerk in die Anenous Pas doen, omdat dit ‗n besondere
toerisme uitkykpunt is. (C.Conradie)
SLANG!
meer oor die Kaapse Kobra
IN ONS NATUUR
Die Kaapse Kobra, of soos dit in die volks-mond
bekendstaan, bruin kapel of geelslang (beide is
van dieselfde spesie, Najanivea), is ‗n inwoner van
die droë dele van Suid Afrika. Die gemiddelde
lengte van die aantreklike slang is ongeveer 4 voet,
maar soms kan hulle tot 6 voet lank wees. Die kleur verskil van een gebied
na ‗n ander.
Die Kaapse Kobra is meestal aktief in die dag en vroeë aand. Die kobra het ‗n
wye verskeidenheid prooi, onder andere ander
slange, en het die gewoonte om in die laer takke van bome op te seil om
versamelvoël neste te plunder. Die teenwoordigheid
van knaagdiere, soos muise, trek hulle ook aan en hulle speel ‗n belangrike
rol in die beheer van knaagdiere. Die Kaapse Kobra produseer ‗n kragtige
neuro-gif wat die
asemhalingstelsel aanval. Sonder die be-hoorlike teengif, is die voorkoms van
dood as gevolg van ‗n kobra byt se kanse 60%. Dit is ‗n vinnige slang en word
aggressief as dit in ‗n hoek vasgekeer word en is die giftigste van alle kobra
spesies. In sy natuur-like omgewing waar daar wegkomkans is, sal die kobra
egter as eerste keuse vlug as dit gekonfronteer word. Die kobra is self ook
prooi vir ander spesies en word deur roofvoëls en muishonde gevreet. Ratels
staan ook nie terug vir ‗n kobra nie en dit vorm deel van hul voedsel. Die wyfie
lê 8 – 20 groot eiers (60 x 30 mm) in ‗n gat. In Namakwaland het die meeste
mense ‗n heilige vrees vir slange en word slange dikwels doodgemaak as
hulle teëgekom word. Hierdie praktyk is nie net gevaarlik nie, aangesien die
kobra ‗n gedugte slang is, maar is ook teenproduktief. Indien dit enigsins
vermy kan word, moet die slange in vrede gelaat word, sodat hulle hul
natuurlike rol as beheerders van knaagdiere kan vervul. Sonder hierdie
besonderse slang, sal ons landskap armer wees en sal daar ook te veel
knaagdiere wees, wat siektes kan veroorsaak en weiveld kan beskadig.
Slange, insluitende die Kaapse Kobra,
help om die balans in die natuur te handhaaf.
Verseker moet ons respek hê vir hierdie slang, maar dit is ook belangrik dat
ons hul rol in die ekosisteem erken en hulle die kans gee om hul werk te
doen. Die beste ding om te doen as ons vir kobra in die veld teëkom is om
ons hoed so effens te lig en dan uit sy pad te bly! (Veepos)
Bumper sticker qoutes:
"I may be slow but I'm ahead of you!"
"I just got a new car for my wife today. Best trade I ever made."
22
22
16