Forprosjekt - nashornet

Asker er ein av Oslo sine forstadskommunar i vest med vel 50 000 innbyggjarar. Bygda,
som er 100 kvadratkilometer stor, ligg lunt til, skjerma mot nord og open mot sør til sol
og sjø. Med sin varierte og mangfaldige natur er Asker ein stad der du kan søkje fred og
ro, men også den andre ytterkanten; ein stad kor bylivet yrer.
Suldal er ein del av Ryfylkeregionen og ligg nordaust i Rogaland. Kommunen er, med
sine 1 730 kvadratkilometer, den største kommunen i Rogaland, og strekkjer seg frå
øyriket og langt inn i høgheia. Det bur i underkant av 3900 menneske her, og av desse
bur 1200 i kommunesenteret Sand.
Akershus fylkeskommune kransar hovudstaden i landet vårt, Oslo. Akershus fylke
dekkjer 4 900 kvadratkilometer og har i underkant av 500 000 innbyggjarar.
Rogaland er det sørlegaste fylke på Vestlandet, med eit folketal på 398 000. Fylket har
ei flatevidd på 9 325 kvadratkilometer som utgjer ca 2,9% av Noregs totale areal.
Det Norske Samlaget blei skipa 1868 og held til i Oslo. Forlaget gir ut alle typar
litteratur på nynorsk og norske målføre, men også skulebøker på bokmål. Samlaget har
forfattarar og andre medarbeidarar spreidde over heile landet. Rasmus Løland var
medlem av styret i Samlaget i perioden 1903 – 1906.
Stiftinga Nynorsk kultursentrum eig og driv Ivar Aasen-tunet i Ørsta, og gjennomfører
eit breitt kulturprogram året rundt. Høgdepunktet er Dei Nynorske Festspela i slutten av
juni, ei årleg feiring av den nynorske skriftkulturen. 19 fylke, kommunar, utdanningsinstitusjonar,
kulturinstitusjonar og organisasjonar står bak stiftinga. Arbeidet er i hovudsak
finansiert gjennom Kulturdepartementet.